Nëse Rama do ishte president dhe opozita do kishte në dorë shkarkimin e tij!

Nga Altin Ketro

Akti i mazhorancës socialiste për të mos e shkarkuar presidentin Meta, më shumë se sa bazë ligjore për pamjaftueshmëri shkeljesh që e justifikojnë shkarkimin, ka prapavijë politike. Presidenti Meta është i ndërgjegjshëm edhe vetë që po kryente një shkelje ligjore duke anuluar dekretimin e zgjedhjeve të 30 qershorit dhe dekretimin e një date tjetër, ndërkohë që fushata elektorale kishte nisur.

Presidenti Meta nuk ishte në kushtet e një mospajse precedenti në këtë rast, sepse precedentin ia kishte krijuar presidenti Moisiu i cili i shtyu zgjedhjet vetëm pasi parlamenti ndërhyri me një rregullim ligjor që ia njihte këtë kompetencë të përkohshme si dhe, pasi të dy palët, PD- PS, kishin rënë dakord për atë shtyrje.

Në këto kushte, shkelja presidenciale është evidente si e rëndë, sepse kështu krijojmë precedentin e ri (dhe të rrezikshëm) që kushdo president i radhës mund t’i anulojë zgjedhjet edhe gjatë ditës së zgjedhjeve.

Siç duket mazhoranca socialiste po e anashkalon këtë aspekt dhe po e sheh politikisht çështjen në kushtet kur PD dhe LSI kanë braktisur Kuvendin, janë jashtë jetës politike të vendit dhe i vetmi pol ku opozita përfaqësohet institucionalisht është presidenca.

Parë në këtë këndvështrim, me qëllim që opozita të mos lihet pa përfaqësim në një institucion kaq të lartë kushtetues siç është ai i Kryetarit të Shtetit, i cili, vetë dhe me stafin e tij, janë kthyer në një celulë që mbrojnë hapur interesat e opozitës, pa u kompleksuar fare nga kjo gjë, duhet mirëkuptuar kjo qasje e mazhorancës si një tolerancë në kufijtë e absurdit kur mendon që e akuzojnë se po uzurpon çdo institucion të shtetit.

Të krahasosh PD-në që desh çoi drejt shkarkimit presidentin Topi vetëm pse kërkoi hetim për ngjarjet e 21 janarit dhe të shohësh çfarë tolerance ka PS-ja ndaj një presidenti që i bën karshillëk si opozitar i thekur, bile duke komplotuar me opozitën skema që e vënë në vështirësi qeverisjen, si për shembull mos dekretimi i ministrave, të vjen çudi se ku e shikojnë kritizerët arrogancën e Ramës dhe PS-së kundrejt opozitës, ndërkohë që ata i kanë dhënë liri me pashë përfaqësimi deri tek presidenti i republikës.

Kryeministri Rama tashmë ka rënë në hall sepse ekziston rreziku që Lulzim Bashës t’i hyjë sërish lepuri në bark dhe bojkoton zgjedhjet. Të shkarkosh në këto kushte edhe presidentin, paranoja e Lulit kthehet në problem të madh, gjë që kryeministrit nuk i intereson. Ai e do patjetër Lulin dhe PD-në në zgjedhje për t’i dhënë sërish një mësim të mirë në fushë të mejdanit. Për më tepër, kur PS-ja pretendon mandatin e tretë në vitin 2021, nuk ka kuptim që këto dy vjet të ketë në presidencë një president të vetin.

Tingëllon jo mirë kjo gjë, por duke pasur një opozitë me kryetar të kallëpit Luli Basha, duhet të durosh edhe erën kutërbuese që vjen nga presidenca për të treguar njëfarë zemërgjerësie si model i kundërt me egërsinë që do tregonte opozita e sotme po të ishin në role të kundërta.

Meqë jemi në këtë rrafsh dhe mazhoranca ka menduar që ta disiplinojë institucionin e presidencës me disa ndërhyrje ligjore në mënyrën e organizimit dhe funksionimit dhe, në kuadër të diskutimeve për ndryshimet kushtetuese, do ishte mirë që mazhoranca të fuste në agjendë edhe një ndryshim të nenit 86 pika 2, ku përcaktohet mosha e presidentit e cila nga 40 vjeç aktualisht, të bëhet në jo më pak se 55 vjeç. 

Gjithashtu të ketë një pikë shtesë që pas vitit 2022, ia ndalon çdo presidenti që pjesëtari i tij i familjes të jetë kryetar i një partie politike. Këto duken si gjëra të vogla, por modeli i presidentit Meta i kushtëzon si shumë të nevojshme edhe këto ndërhyrje për të pasur në të ardhmen një president të përgjegjshëm, pa konflikt interesi politik dhe mbartës i unitetit të popullit në tërësi, e jo atij opozitar në veçanti.

"I gatshën të takohem me Bashën dhe Metën", koalicioni opozitar i përgjigjet Ramës: 5 qershori të miratohet pa ndryshime, gati të nisim punën që sot në Këshillin politik

17:01 Politika

KE 100 milionë euro për rindërtimin/ Varhelyi: Mbështetje Shqipërisë edhe për të ardhmen e saj europiane

16:13 Politika

ANALIZA/ Kleptokratët e Vladimir Putinit: KGB-ja, dorasit dhe mafia

15:23 Politika

"Ndryshimet kushtetuese të diskutohen në Këshillin Politik", Rama: I gatshëm të takohem me Lulzim Bashën dhe Ilir Metën, që të hënën

15:06 Politika

Hapja e listave, Kryemadhi: Edi Rama po rrezikon integrimin. LSI ka një program të qartë për nxjerrjen e vendit nga kriza

14:45 Politika

PS u tërhoq nga shkarkimi i Metës, opozita braktis Komisionin Hetimor: S’mund të bëhemi pjesë e lojërave tuaja. Vazhdoni, punë të mbarë

12:46 Politika

Ju dëmtua nga tërmeti, rindërtohet shtëpinë kreut të PD së Farkës, Rama: Ju na shani, ne ndërtojmë për ju

12:35 Politika

PS tërhiqet nga shkarkimi i Metës: Shkeljet e presidentit s'janë të mjaftueshme për të justifikuar shkarkimin e tij. Opozita braktis Komisionin: S’mund të bëhemi pjesë e lojërave tuaja

11:54 Politika

PE ripublikoi deklaratën me tone shumë më të buta, reagon Meta: Kushti i parë është miratimi urgjent i marrëveshjes së 5 Qershorit

11:44 Politika

Ilir Meta i trembet “tradhtisë” së Lulzim Bashës, frikë se mos bën një tjetër marrëveshje me Ramën

11:17 Politika