Te fundit
Apeli i fortë i Dom Gjergj Metës për djegien e pyjeve: Gjithçka për politikën, por jo për natyrën që po digjet
3 Gusht 2020, 08:44Sociale
TEMA
Dom Gjergj Meta ka shprehur shqetësimin e tij për zjarret masive në pyjet e vendit dhe indiferencën institucionale dhe mediatike për zjarret në Tropojë, Malsi e Madhe, Shkodër, Lezhë, Mirditë.
“Po e paguajmë dhe do ta paguajmë shtrenjt këtë pabesi dhe indiferencë ndaj natyrës. Po e paguajmë me pyjet që premë, me ujrat që devijuam, me mijra HEC-e nëpër çdo shkrep ku ka një burim uji, me ndotjen që po i bëjmë ambjentit në çdolloj mënyre, me ndërtimet, me shfrytëzimet pa kritere”, shkruan Dom Gjergji.
Zjarre masive kanë përfshirë disa pyje në zona të ndryshme të vendit, ku në disa raste arrinin deri afër zonave të banuara apo rrugëve automobilistike.
Postimi i plote i Dom Gjergjit:
DHEMBJE DHE ZEMËRIM …
Ndjehet dhembje e madhe përballë një pylli që digjet, sidomos kur imagjinon që aty ka kafshë, bimësi, jetë të shumllojshme që merr fund. Dëmtohet ekosistemi, dëmtohet cilësia e jetës, dëmtohen bizneset dhe turizmi. Dhimbja më e madhe është se ndjehesh i pafuqishëm të bësh diçka.
Ndërsa ndjen dhembje, ajo përzjehet me zemërimin që shkakton ideja se ekziston një qënie njerëzore që e ka vënë zjarrin qëllimisht. Ai/ajo nuk janë as më shumë as më pak se sa vrasës me pagesë, të frikshëm dhe jetojnë mes nesh çdo ditë.
Ata, apo kush i ka paguar e shtyrë, janë të aftë të djegin gjithçka, edhe njerëz.
Shkakton zemërim indiferenca institucionale dhe mediatike për zjarret në Tropojë, Malsi e Madhe, Shkodër, Lezhë, Mirditë. Gjithçka për politikën, por jo për natyrën e cila po digjet.
Po e paguajmë dhe do ta paguajmë shtrenjt këtë pabesi dhe indiferencë ndaj natyrës. Po e paguajmë me pyjet që premë, me ujrat që devijuam, me mijra HEC-e nëpër çdo shkrep ku ka një burim uji, me ndotjen që po i bëjmë ambjentit në çdolloj mënyre, me ndërtimet, me shfrytëzimet pa kritere.
Në këto raste nuk ka nevojë të lëshojë njeri mallkim, sepse mallkimi është vetë natyra e djegur. Ajo klith, bërtet dhe gjëmon e ne frymorët arsyetorë do ta paguajmë shtrenjt…
1 komente në “Apeli i fortë i Dom Gjergj Metës për djegien e pyjeve: Gjithçka për politikën, por jo për natyrën që po digjet”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Shum e dhimbeshme dicka qe do njeqind vjet te rikuperohet nese sali krimineli nuk paguan per ti djegur prap ….po do ta gjej dhe ai koken e kasemit….posht sali krimineli…zjar venesi i shqiperis per tridhjet vjet resht…mereni izoloheni te cmendurin….