Te fundit
AKEP përcakton procedurën që do ndiqet për ndryshimin e tarifave nga kompanitë celulare
5 Tetor 2020, 08:48Sociale
TEMA
Ndryshimi i tarifave nga ana e kompanive celulare në të shkuarën jo në pak raste është bërë shkak për pakënaqesi mes pajtimatarëve, që kanë argumentuar se nuk janë njoftuar ndërkohë që jo në pak raste ka ndërhyrë edhe Autoriteti i Konkurrencës.
Por Autoriteti i Komunikimeve Elektronike dhe Postare (AKEP) ka vendosur të qartësojë procedurën hap pas hapi si pjesë e rregullores për mbrojtjen e konsumatorit, duke u ndalur edhe tek ndryshimi i tarifave.
Në draftin e nxjerrë për konsultim thuhet se sipërmarrësit janë të detyruar të paraqesin në AKEP informacionin mbi tarifat e shërbimeve, si dhe çdo ndryshim të tyre me arsyetimet mbështetëse, jo më vonë se 15 ditë para hyrjes në fuqi të tarifave ose ndryshimeve të tyre.
“Ky informacion duhet të dërgohet në rrugë elektronike dhe/ose shkresore. Forma e dërgimit të të dhënave në rrugë elektronike do të jetë e disponueshme edhe në faqen e internetit të AKEP. AKEP-i publikon vlerësimin e përgjithshëm krahasues të tarifave aktuale sipas përcaktimeve të nenit 12 te kësaj rregulloreje” thuhet në dokumentin e AKEP.
I njëjti nënvizon se sipërmarrësit e shërbimeve publike të komunikimeve elektronike të njoftojnë, nëpërmjet mjeteve të informimit publik, çdo ndryshim në tarifat e shërbimeve, jo më pak se 7 ditë përpara hyrjes në fuqi të tyre ose të ndryshimeve dhe ky njoftim duhet të bëhet jo më pak se 3 ditë rresht.
Po kështu sipërmarrësit e shërbimeve publike të komunikimeve elektronike duhet të publikojnë në faqen e tyre të internetit kushtet e përgjithshme të kontratave tip dhe t’ia paraqesin ato AKEP-it për vlerësim, të paktën, 15 ditë para publikimit sipas nenit 98 pika 5 të Ligjit 9918/2008.
Lidhur me modeifikimet e kontratave rregullorja përcakton se sipërmarrësit e shërbimeve publike të komunikimeve elektronike duhet të njoftojnë për jo më pak se 30 ditë përpara
“ Sipërmarrësit, të cilëve AKEP u ka vendosur detyrime të veçanta për tarifat me pakicë, duhet të aplikojnë afatet dhe rregullat e përcaktuara nga AKEP në mënyrë specifike. Përcaktimet e mësipërme janë të detyrueshme për t’u zbatuar për të gjitha paketat e shërbimeve, me parapagesë ose me paspagesë, paketa standarde, oferta, etj” vlerëson draft rregullorja./ monitor
1 komente në “AKEP përcakton procedurën që do ndiqet për ndryshimin e tarifave nga kompanitë celulare”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te nderuar zoterinj te AKEP dhe sidomos Mero Baze ose kryeredaktori,
Shumica e klienteve te komp.celulare jane pajtimtare me parapagese, te cilet e paguajne me shtrenjte nga te gjithe njesine e kohes se bisedes (minuten). Komp.celulare japin oferta te ndryshme, ku bleresi, psh ne nje oferte 800 lekeshe me 200 minuta kohe bisede, 1 minute bisede i koston 4 leke ndersa nese paguan per oferten tjeter 1200 lekeshe me 2500 minuta kohe bisede, i bije qe minuta ne kete rast te kete kosto 50 qindarka, pra 8 here me lire, dhe me w keqja per perdoruesit eshte se nuk i harxhojne kurre 2500 minuta bisede, as 50% nuk harxhojne dhe mbetja kalon ne favor te komp.celulare.
Prandaj mendoj qe AKEP si rregullator ndermjet konsumatorit e komp.celulare duhet te nderhyje qe njesia baze te kete te njejtin cmim si ne rastin e pare dhe per rastin e dyte, ose minutat e pa konsumuara t’i mbarten perdoruesit ne muajin pasardhes.
Ky eshte nje diskriminim i madh per konsumatorin.