Te fundit
Konflikti Rama-Meta, Spartak Ngjela: Ende vuajmë konfliktin politik të tipit komunist, çështja është sa seriozisht e kanë këta?
8 Tetor 2020, 21:22Politika
TEMA
Kryeministri Edi Rama dhe Presidenti Ilir Meta, janë përfshirë në një konflikt politik prej muajsh, ku nuk ka munguar edhe retorika e ashpër dhe sulmet personale mes të dyve.
I ftuar në emisionin “Open”, avokati Spartak Ngjela tha se politika vuan ende konfliktin të tipit komunist.
Sipas Ngjelës, njeriu në politikë debaton për ide, jo për individë, ndërsa thotë se çështja është “sa seriozisht e kanë këta?”
“Në politikë nuk duhen marrë fjalët seriozisht. Ne ende vuajmë konfliktin politik të tipit komunist. Ai është një konflikt që nuk pranon moralin, në të gjithë historinë e vet.
Enver Hoxha është nga ata etalonët, por ja ku e ka lëshuar ADN-n e tij. Nuk po them se këta janë edukuar në partinë Komuniste, psikologjia e debatit politik është akoma ajo komuniste. Njeriu në politikë debaton për ide, jo për individin.
Partitë Komuniste nuk vinin nga katedrat, por rruga. Mos mendoni që gjithë ai llum ka ikur. Ja ku i ke. Mund të pranosh ti si politikë, kush jam unë kush je ti?
Ka akuza në politikë, por mbasi ai e ka akuzuar për vjedhje dhe e çoi në anë të greminës, si mund të pajtohen? Por komunistët janë pajtuar.
Çështja është, ku di unë sa seriozisht e kanë këta? Se këta kanë doktrinën e gënjeshtrës”, tha Ngjela.
1 komente në “Konflikti Rama-Meta, Spartak Ngjela: Ende vuajmë konfliktin politik të tipit komunist, çështja është sa seriozisht e kanë këta?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ne akuzat e ndersjellta nuk vien re akuza me ngarkese ligjore . Ndjesia eshte se nuk jane te sinqerta ose jane per qellime politike . Perderisa nuk ka kercenime penale qe me vone mund te perdoren nga organet hetuese kjo krijon pershtypjen se mbrohen te dy me te njejtat rregulla . Shenje e mire se nje dite do te jene vertete te akuzuar ( penalisht ) .