Te fundit
Vrasja e 25 vjeçarit, Policia: S’do tolerojmë asnjë protestë që bie ndesh me masat shtrënguese të pandemisë Covid-19
14 Dhjetor 2020, 12:16Kronika
TEMA
Pas 5 protestave të organizuara pas vrasjes së 25 vjeçarit Klodian Rasha, Policia e Shtetit bën me dije se nuk do të tolerojë asnjë grumbullim që bie ndesh me kornizën aktuale të masave shtrënguese të vendosura nga komiteti Teknik i Ekspertëve për Covid-19.
“Por tanimë kur drejtësia po kryen detyrën e saj ndaj autorit të vrasjes dhe kur protestat kanë degraduar në organizime që kanë për qëllim cenimin e rendit publik dhe pronës publike, Policia e Shtetit nuk do të tolerojë asnjë grumbullim që bie ndesh me kornizën aktuale të masave shtrënguese.”- thuhet në njoftimin e policisë
Njoftimi i Policisë:
Në zbatim të Aktit Normativ, me qëllim respektimin e masave kundër COVID-it për shkak të gjendjen shqetësuese të shkaktuar nga pandemia, nga të gjithë shtetasit në të gjithë territorin e Republikës së Shqipërisë, për rritjen e sigurisë publike në tërësi nisur edhe nga protestat e fundit, kërkohet zbatimi i masave dhe i protokolleve të miratuara nga Komiteti i Ekspertëve dhe urdhrat e Ministrisë së Shëndetësisë dhe Mbrojtjes Sociale.
Policia e Shtetit është shumë e vetëdijshme për të drejtën e protestës dhe lirinë e pacenueshme të tubimit. Në kushtet e sensibilizimit të madh të shoqërisë pas tragjedisë së djalit njëzetepesë vjeçar që humbi fatalisht jetën, nga dora e një efektivi policie, Policia e Shtetit e ka pasur të pamundur ta anashkalojë ndjeshmërinë popullore për të mos lejuar asnjë tubim.
Por tanimë kur drejtësia po kryen detyrën e saj ndaj autorit të vrasjes dhe kur protestat kanë degraduar në organizime që kanë për qëllim cenimin e rendit publik dhe pronës publike, Policia e Shtetit nuk do të tolerojë asnjë grumbullim që bie ndesh me kornizën aktuale të masave shtrënguese.
Bëjmë apel të mbahen parasysh nga të gjithë, kërkesat e akteve që i përcaktojnë masat shtrënguese për:
Ndalimin e grumbullimeve me më shumë se 10 persona në vende të mbyllura apo të hapura, konferenca, tubime, mbledhje partiake, ceremoni festive etj. Mbajtjen e detyruar të barrierave mbrojtëse (maska), në ambientet jashtë shtëpisë;
Ruajtjen e distancimit fizik gjatë veprimtarisë së përditshme;
Zbatimin e masave nga administrata publike dhe në automjetet e transportit publik;
Ndalimin e muzikës pas orës 20:00;
Ndalimin e aktivitetit të bareve, lokaleve, restoranteve e ‘fast food’ pas orës 22:00 deri në orën 06:00;
Kufizimin e lëvizjes së popullatës nga ora 22:00 deri në orën 06:00;
Zbatimin e protokolleve në institucionet arsimore, në të cilat vazhdon kryerja e mësimit;
Marrjen e masave administrative dhe atyre penale në rast të shkeljeve dhe mos-zbatimit të masave të veçanta në periudhën e pandemisë së COVID-19.
Në mënyrë që të mos kalojmë në një etapë tjetër të një mbylljeje përtej kufijve të deritanishëm, nga të gjitha institucionet që kanë detyrime, të vazhdohet me seriozitet maksimal zbatimi i Aktit Normativ për zbutjen e efekteve të pandemisë. (TemA)
2 komente në “Vrasja e 25 vjeçarit, Policia: S’do tolerojmë asnjë protestë që bie ndesh me masat shtrënguese të pandemisë Covid-19”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Vendim plotesisht i drejte!
Presim te revoltuar dhe te zemeruar,qe me ne fund te beni balle dhe meritoni emrin qe mbani:
POLICIA E SHTETIT SHQIPTAR!
Deri tani kemi pare nje polici,te tkurrur dhe apatike,me duar te varura poshte dhe te goditur keq,dhe ne menyren me te eger dhe te verber nga hordhite shpellare,(goditje qe i kemi ndjere dhe ne si popull)ne indiferencen e nje ministri te brendshem dhe kryeministri, qe vazhdojme ti perjetojme,prej 8 vitesh vec si pordhe e ftohte,te rruar lart e poshte,nga llumi shpellar.
Ne asnjehere nuk ju kemi ndare nga vetja,ne kemi qene dhe do te jemi aty gjithmone krah jush.