Te fundit
Një histori e çmendur ruse: Rrahu pedofilin për vdekje, heroi dënohet për vrasje
18 Dhjetor 2020, 09:13Lifestyle
TEMA
Një mekanik makinash i cili rrahu për vdekje një pedofil ndërsa “shpëtonte një fëmijë nga kthetrat e tij”, u dënua me akuzën për vrasje.
Vladimir Sankin, 34 vjeç, përballet me 15 vjet burg pasi vrau Vladimir Zaitsev në Rusi, sipas vendimit të jurisë.
“Unë kisha dy zgjedhje – të injoroja situatën ose të shpëtoja fëmijët,” tha Sankin, i martuar, dhe që do të dënohet javën e ardhshme.
Ai shtoi se është i sigurt se të gjithë do të kishin bërë të njëjtën gjë nëse do të kishin qenë në vendin e tij, shkruan Daily Mail.
Jurisë iu kërkua të ishte e butë në dhënien e dënimit, por pas tetë orësh diskutimi, ata e gjetën atë fajtor për vrasje.
Mediat raportojnë se provat mjekësore thanë se shkaku i vdekjes ishte ngrirja, dhe jo goditjet me një shkop druri.
Dy djem, të moshës 10 dhe 14 vjeç, u joshën në apartamentin e pedofilit Zaitsev në qytetin Ufa.
Sulmuesi seksual, 54 vjeç, i çoi ata drejt dehjes, duke i kërcënuar më pas që të bënin atë që ai kërkonte.
Më i vogli shpëtoi dhe lajmëroi një kalimtar, Sankinin, i cili, siç tha dhe vetë, vrapoi drejt vendit të ngjarjes. Ai më pas shpëtoi adoleshentin, neutralizoi Zaitsevin dhe thirri policinë.
Por një hetim penal pretendoi se djemtë ishin liruar tashmë në kohën kur Sankin arriti te Zaitsevi, kështu që e akuzoi atë për përdorimin e forcës joproporcionale kundër pedofilit, gjë që mekaniku e kundërshtoi.
Në përplasjen fizike me Sankinin, Zaitsev ra dhe goditi kokën, pastaj u plandos në një dysheme të ftohtë. Ai vdiq më vonë në një ambulancë.
Çështja e Sankinit u bë arsyeja pse një peticion prej 70,000 nënshkrimesh kërkoi hedhjen poshtë të akuzave. Shumë e quanin hero.
Avokati i tij tani do të paraqesë një apel, duke i kërkuar gjyqtarit të vendosë një dënim me kusht ose të urdhërojë një gjykim të ri nën një padi më të butë.
Avokati shtoi se juria bëri të ditur se Sankin e meritonte atë.
“Vladimir veproi si një burrë i vërtetë. Ai vrapoi drejt një pedofili duke shpëtuar një fëmi tjetër nga kthetrat e tij. Shpërtheu një luftë, si rezultat i së cilës pedofili vdiq më pas. Dhe Sankin përfundoi në bankën e të akuzuarve,” tha avokati.
Klienti i tij aktualisht është në arrest shtëpie.
Prokurorët e shtetit më parë kishin akuzuar mekanikun dhe për vjedhjen e parave të Zaitsevit, por që më vonë u tërhoqën nga ky pretendim.
Nëna e Sankinit, Galina është indinjuar nga vendimi.
“Djali im nuk është një vrasës. Ai mbrojti fëmijët. Analiza mjeko-ligjore thotë se Zaitsev vdiq nga ngrirja, jo se djali im e vrau. Djali im nuk është fajtor,” tha nëna Galina.
Gruaja e Sankinit, Polina Naumova theksoi se ajo nuk e dinte se çfarë do të kishte ndodhur nëse Sankin do të kishte injoruar situatën, mbyllur sytë.
Zaitsev kishte kryer dënime me 5 vjet, 1 dhe 11 vjet për vepra të mëparshme seksuale kundër fëmijëve, përkatësisht “sodomi” dhe “veprime të dhunshme seksuale”.
Lini një Përgjigje
Më të lexuarat
24 oret e fundit
Javen e fundit
Blog Tema
