Te fundit
Ronaldo tregon marrëdhënien me djalin: Jam i ashpër kur e shoh me Koka-Kola, i them të futet në ujë të ftohtë
28 Dhjetor 2020, 13:07Sport
TEMA
Kristiano Ronaldo është një shembullë për shumë futbollistë dhe sportistë në botë, megjithatë luzitani me arritjet e tij të jashtëzakonshme, së pari po kërkon të jetë një leksion edhe për djalin e tij, Kristiano Xhunior.
Djaloshi i vogël ka nisur të hedhë hapat e parë në botën e futbollit teksa luan me moshat e Juventus, ku ka spikatur për numrin e lartë të golave të shënuar. Kështu, e sigurt është se diçka ka trashëguar nga i ati, megjithatë duhet të punojë shumë dhe këtë CR7 e di mirë. Gjatë ceremonisë ‘Globe Soccer Awards’, Ronaldo foli edhe për djalin e tij, ku theksoi se ndonjëherë tregohet i ashpër me të.
“Më pyesni nëse Xhunior ka ato që duhen për të qenë në top? Jo akoma, ndonjëherë me të jam shumë i ashpër. Pi Koka-Kola dhe lëngje të tjera dhe unë zemërohem shumë dhe nëse e shoh të konsumojë patate të skuqura, atëherë zihemi.
Nuk më pëlqen fare. Edhe fëmijët më të vegjël më shohin me frikë nëse i shoh me çokollata. Duhet të jemi të fortë. Për të qenë të sinqertë, Xhunior e ka potencialin. Është një djalosh i madh, i shpejtë, ka teknikë, por kjo nuk është e gjitha dhe unë ia them gjithmonë. Duhet shumë dedikim, shumë punë e madhe.
Gjithnjë kur është në shtëpi, i them të vrapojë para se të shkojë në stërvitje dhe më pas i sugjeroj të futet në ujë të ftohtë, për të rikuperuar më mirë. Por, ai më përgjigjet se uji është shumë i ftohtë dhe nuk ka dëshirë.
Unë e kuptoj se ai është vetëm 10-vjeç. Nëse do të bëhet futbollist varet nga ai, unë nuk do ta shtyj. Nëse më pyesni nëse unë dua që ai të bëhet futbollit, po dua. Por, do të bëjë atë që do, doktor ose diçka tjetër. Dua vetëm të mendojë se është më i miri”, u shpreh Ronaldo.
Lini një Përgjigje
Më të lexuarat
24 oret e fundit
Javen e fundit
Blog Tema
