Plagosja e dy policëve në Mamurras, SHÇBA arreston 4 persona. Mes tyre, një polic

SHÇBA ka arrestuar 1 punonjës policie dhe 3 shtetas të tjerë në lidhje me ngjarjen e djeshme në Mamurras, ku mbetën të plagosur 3 persona.

“Në datë 13 prill 2021 në Qendër Mamurras, rreth orës 13:50, tre shtetas kanë goditur me sende të forta një punonjës policie, i cili në kushtet e vetëmbrojtjes ka nxjerrë armën e shërbimit dhe pasi i ka paralajmëruar ata, ka përdorur armën, në fillim duke gjuajtur në ajër dhe pastaj nga goditja me sende të forta e shtetasve, ka kryer qitje të pakontrolluar duke plagosur shtetasin N.V. dhe dy kolegët e tij, punonjësit e policisë I.Z. dhe F.Ll. Të plagosurit janë jashtë rrezikut për jetën dhe ndodhen në spital për kurim të mëtejshëm”, lexohet në njoftimin e SHÇBA-së.

Ngjarja ka ndodhur pasi punonjësit e policisë të Stacionit të Policisë Mamurras, në orët e paradites, kanë kryer kontroll në ambjentet e një lokali në pronësi të shtetasit L.F. për aktivitet të paligjshëm në fushën e lojërave të fatit. Gjatë ushtrimit të detyrës punonjësi e policisë kanë hasur në kundërshtimin e shtetasit N. V. (M.F), i cili është shoqëruar në ambientet e Stacionit të Policisë Mamurras.

Pas sqarimit të situatës, personi është lënë i lirë. Rreth orës 13:50, kur punonjësit e policisë kishin ndërrruar turnet e shërbimit, dy vëllezërit i kanë dalë përpara punonjësve të policisë me qëllim goditjen me mjete të forta. Ndodhur para këtij fakti, punonjësi i policisë D.M. ka qëlluar me armë duke plagosur personat e sipërpërmendur.

SHÇBA nën drejtimin e Prokurorisë së Rrethit Gjyqësor Kurbin ka kryer veprimet hetimore të nevojshme dhe në 13.04.2021 u bë arrestimi në flagrancë i 3 shtetasve:

– GJ. (G) F., 40 vjeç, lindur e banues në Mamurras;

– N.V. (M.F.), 36 vjeç, lindur e banues në Mamurras;

– R.S. (F), 31 vjeç, lindur e banues në Mamurras.

Arrestimi i këtyre shtetasve u bë për veprat penale “Goditje për shkak të detyrës” dhe “Kanosje për shkak të detyrës” në bashkëpunim.

Nga grupi i posaçëm hetimor u sekuestruan si provë materiale 3 gëzhoja nga arma e zjarrit në posedim të punonjësit të policisë D.M. si dhe automjeti tip “Porsche Cayen” me të cilin udhëtonin autorët e dyshuar të ngjarjes.

Gjithashtu nga tërësia e veprimeve hetimore dhe pasojat e ardhura nga përdorimi i armës së zjarrit, u bë arrestimi në flagrancë i punonjësit të policisë Inspektor D. M., 45 vjeç, me detyrë trupë shërbimi pranë Stacionit të Policisë Mamurras, për veprat penale “Plagosje e rëndë në kapërcim të kufijve të mbrojtjes së nevojshme” dhe “Plagosje e rëndë nga pakujdesia”.

SHBA, këshillat e fundit për hetuesit e “FBI-së shqiptare”: Grup elitar, tani luftoni korrupsionin dhe krimin

19:17 Kronika

13-vjeçarja nga Tirana arratiset në mesnatë: U grind me të atin, pasi ai dyshoi lidhjen me një vajzë

17:56 Kronika

Problemet me dy makina dhe një apartament vunë në vështirësi prokurorin Tasim Puci

17:43 Kronika

Plagosja e dy policëve, RENEA, Ardi Veliu e Tonin Vocaj shkojnë në Mamurras

16:12 Kronika

Rrëfehet gazetarja që u rrëmbye nga ish-i dashuri në Tiranë: Më mori zvarrë dhe më futi duart në fyt

14:41 Kronika

EMRAT/ Të shtëna me armë zjarri në Mamurras: Plagosen tre persona, mes tyre 2 policë

14:32 Kronika

“Do të vemë bombën kudo që të jesh”, kërcënohet drejtori i burgjeve Agim Ismaili

11:38 Kronika

KPA prish vendimin e Komisionit, ish-inspektori i KLD, Piro Samara ishte subjekt rivlerësimi

17:34 Kronika

Në shumë raste anëtarë të familjes, autorë të trafikimit njerëzor në Shqipëri

12:49 Kronika

Avokati Kthupi: Një kontrollor ajror “kushton” 300 mijë euro! Bllokimi, jo i mirëmenduar

09:31 Kronika