Te fundit
Bllokuan makinën e kreut të PS në Arras, nën hetim 2 militantët e PD, Policia: Në automjet nuk u gjet asnjë send në lidhje me procesin zgjedhor
25 Prill 2021, 11:32Kronika
TEMA
Policia e Dibër ka nisur procedimin penal ndaj 2 persona, anëtarë të strukturës së vetëshpallur të PD-së për mbrojtjen e votës, pasi kanë bllokuar automjetin e kreut të PS në fshatin Arras.
Ngjarja u regjistrua mbrëmjen e djeshme, në orën 21:30, ku mësohet se Ferit Alia dhe Sokol Lata ndaluan dhe kontrolluan automjetin e Agron Cerrit, kreu i PS në Arras, me pretendimin se ai posedonte materiale që mund të ndikonin në procesin zgjedhor.
Ata e mbajtën atë të bllokuar deri në mbërritjen e policisë. Megjithatë pas kontrolleve të policisë në automjetin e Cerrit nuk u gjet asnjë send kompromentues në lidhje me procesin zgjedhor.
Ferit Alia dhe Sokol Lata po hetohen për veprat penale “Heqje e paligjshme e lirisë”, “Pengimi i qarkullimit të mjeteve të transportit automobilistik”,
Njoftimi i plotë i policisë:
Nga specialistët për Hetimin e Krimit në Komisariatin e Policisë Dibër, filloi procedimi penal, dhe u referuan materialet procedurale në Prokurorinë Pranë Gjykatës së Shkallës së Parë Dibër, për veprat penale “Heqje e paligjshme e lirisë”, “Pengimi i qarkullimit të mjeteve të transportit automobilistik”, për shtetasit :
F. A., 54 vjeç, S. L., 46 vjeç, banues në Dibër, (simpatizanë të një subjekti politik).
Procedimi penal ndaj tyre filloi pasi në bashkëpunim me disa shtetas të tjerë në fshatin Arras, kanë kryer veprime në kundërshtim me ligjin, në drejtim të heqjes së paligjshme të lirisë, kundrejt shtetasit A.C.
Këta shtetas kanë ndaluar dhe kontrolluar automjetin që drejtohej nga shtetasi A. C., (kryetar i degës lokale i një subjekti politik), dhe është mbajtur i bllokuar deri në mbërritjen e shërbimeve të Policisë, me pretendimin se ky shtetas, posedonte materiale që mund të ndikonin në procesin zgjedhor.
Nga verifikimet e kryera dhe kontrolli i ushtruar nga grupi hetimor në automjetin që drejtonte shtetasi A. C., nuk u gjet asnjë send kompromentues në lidhje me procesin zgjedhor.
Vijon puna për identifikimin dhe procedimin e personave të tjerë të përfshirë në këtë ngjarje.
1 komente në “Bllokuan makinën e kreut të PS në Arras, nën hetim 2 militantët e PD, Policia: Në automjet nuk u gjet asnjë send në lidhje me procesin zgjedhor”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
O Zot! Ka ngritur ujku paramilitare, se delet po i hane ujkut ushqimin.