COVID 19 bllokon Kosovën: Rritet numri i pacientëve në oksigjeno-terapi

Në Kosovë është rritur numri i personave që po trajtohen me oksigjeno-terapi. Shërbimi Spitalor Klinik Universitar i Kosovës (SHSKUK) ka njoftuar të enjten (19 gusht) se janë 470 pacientë që po trajtohen përmes kësaj metode derisa një ditë më herët ishte raportuar për 418.

Në bazë të raportit ditor të SHSKUK-s, 626 pacientë janë të shtrirë në klinikat COVID-19 dhe spitalet e përgjithshme, prej tyre 527 janë të konfirmuar pozitivë në COVID-19 ndërsa 26 janë në gjendje të rënduar shëndetësore. Situata epidemiologjike në Kosovës është përkeqësuar që nga fundi i muajit korrik.

Ministria e Shëndetësisë në Kosovë ka njoftuar të mërkurën (18 gusht) se janë regjistruar edhe katër viktima nga koronavirusi i ri.

Bazuar në 10.258 mostra të testuara, pozitivë në koronavirus kanë dalë 2.110 persona. Kthyer në përqindje del se nga numri i testimeve 20 për qind kanë dalë pozitivë.

Qeveria e Kosovës në mbledhjen e mbajtur më 18 gusht ka miratuar masat e reja të kufizimit në përpjekje për të parandaluar përhapjen e koronavirusit të ri.

Ministri i Shëndetësisë, Arben Vitia tha se ditët e fundit është shënuar rritje enorme e rasteve me COVID-19 dhe varianti Delta tashmë po mbizotëron rastet e të infektuarve.

Vitia tha se në bazë të rekomandimeve të institucioneve shëndetësore po vendosen masat e reja të kufizimit, pasi kapacitetet e spitaleve janë të kufizuara.

Disa nga masat e miratuara:

Qeveria e Kosovës në mbledhjen e së mërkurës ka miratuar edhe vendimin për rritjen e stafit shëndëtsorë që do të merren me menaxhimin e pandemisë dhe procesin e imunizimit.

Angazhimi i 1116 punëtorëve shtesë pritet të bëhet brenda 10 deri 14 ditësh, tha ministri i Shëndetësisë.

Mali i Zi nuk do pranojë refugjatët afganë: Se kemi detyrim

09:58 Rajoni

Serbia mikpriti negociata sekrete mes qeverisë afgane dhe talebanëve

20:50 Rajoni

Atentati i Sarajevës dhe shpërthimi i Luftës së Madhe

18:21 Rajoni

Nga 1 shtatori hyrja në Maqedoninë e Veriut me dokumentet për Covid

17:53 Rajoni

Landet federale gjermane përgatiten për pranimin e afganëve

17:11 Rajoni

Kosovë: vendi mbyllet drastikisht nga Covid 19, policia ndëshkon 700 persona për 24 orë

16:00 Rajoni

COVID 19-Kosovë: 29 pacientë në gjendje të rëndë nëpër spitale

14:11 Rajoni

Shifrat e larta të Covid trembin Kosovën, qeveria “Kurti” shpall sot masat e reja

14:02 Rajoni

Maqedonia e Veriut shpall ‘non grata’ diplomatin e Ambasadës ruse në Shkup

11:02 Rajoni

Masat e reja në Kosovë: Mbyllen klubet e natës, nuk lejohen dasmat pa u vaksinuar

21:40 Rajoni