Zjarret në Tiranë, Goxhaj apel për kujdes me bombolat e gazit: Parkimet pa kriter pengojnë ndërhyrjet e zjarrfikësve

Ngjarje nga zjarret në zonat urbane në Tiranë nuk janë nën ritmin e atyre të dimrit, por ka pasur vatra zjarresh nga pakujdesia në zonat periferike.

Drejtori i Shërbimit Zjarrfikës Shkëlqim Goxhaj u bën apel qytetarëve të jenë të kujdesshëm dhe të raportojnë sallën e shërbimit.

“Kemi pasur pothuajse dy ose tre ngjarje çdo ditë, por deri tani, fatmirësisht, pa përmasa të mëdha, pasi shërbimi zjarrfikës ka reaguar menjëherë. Të gjitha këto vatra zjarri kanë qenë pranë zonave të banuara dhe ne i konsiderojmë si zjarre të shkaktuara nga pakujdesia.

Për këtë arsye, u bëjmë thirrje qytetarëve që, nga fillimi i verës e deri në muajt e vjeshtës, të mos përdorin zjarrin për asnjë arsye që nuk është e domosdoshme.

Kemi pasur edhe ngjarje në zonat urbane, por kryesisht bëhet fjalë për dëmtime të tendave të ballkoneve dhe banesave, të shkaktuara nga pajisjet elektrike, bokset elektrike, mbingarkesa e rrjetit apo përdorimi i kondicionerëve.

Nuk kemi pasur shumë incidente që lidhen me bombolat e gazit, pasi ato përdoren më tepër gjatë stinës së dimrit, jo vetëm për gatim, por edhe për ngrohje. Problematike mbeten bombolat pesëlitërshe me ngjyrë portokalli, të njohura si bombolat e kampingut.

Qytetarët duhet të përdorin bombola universale, të cilat mbushen vetëm në pikat e licencuara dhe tregtohen në pikat e karburanteve në territorin e Bashkisë së Tiranës. Ata nuk duhet t’i rimbushin bombolat në pikat e autogazit”, apelon Shkëlqim Goxhaj, drejtori i Shërbimit Zjarrfikës.

Problem për ndërhyrjen e mjeteve zjarrfikëse mbeten parkimet ka kriter, në disa zona të kryeqytetit.

“Kemi disa zona problematike, por për momentin mund të veçojmë zonën e vjetër të Tiranës, midis Rrugës së Kavajës dhe Rrugës Myslym Shyri. Lagjet e reja kanë ardhur duke u rregulluar nga viti në vit. Ajo që do të theksoja është parkimi i automjeteve. Nëse automjetet parkohen në vendet e përcaktuara nga urbanistika, atëherë nuk do të kemi probleme”, shprehet ai.

Aktualisht qarku i Tiranës mbulohet nga 8 stacione të shërbimit zjarrfikës dhe në dispozicion janë afro 25 mjete zjarrfikëse. /rtsh.al

Rama: Gati kantieri i aksit rrugor Shalë - Tropojë, korridor i ri lidhës mes zonave alpine

21:30 Sociale 6 komente

Shqiptarët kërkojnë shpëtim nga vapa, temperaturat rekord rrisin kërkesën për kondicionerë

19:35 Sociale 2 komente

CEO i Spitalit Amerikan - Klodian Allajbeu reagon pas publikimeve në media: Janë shpifje të sajuara, do të ndjek rrugët ligjore

18:55 Sociale 14 komente

Punimet në Bypass-in e Sarandës po ecin me ritme të shpejta/ Investimi 34 milionë euro, synohet lehtësimi i qarkullimit të automjeteve

15:05 Sociale 1 koment

Vijon fushata informuese për programin 'Dyfisho Sipërmarrjen Tënde', zv.Kryeministrja Koçiu: Bizneset mund të përfitojnë kredi deri në 2 milionë euro

14:55 Sociale 2 komente

Evis Sala flet për median gjermane: Nuk mund të ndryshosh gjithçka njëherësh, reformat kërkojnë fokus

12:35 Sociale 6 komente

Greva e punonjësve të palës greke - Të hënën pezullohet për 4 orë qarkullimi në Kakavijë dhe Mavromat, vetëm këmbësorët mund të kalojnë kufirin

11:35 Sociale

Shërbimi Social: Në gusht pagesat e reja për personat me aftësi të kufizuara, përfshihet edhe diferenca e korrikut

20:30 Sociale 1 koment

Rrufeja godet tufën e deleve në Dërdushë të Pogradecit, ngordhin rreth 10 krerë

16:06 Sociale 1 koment

Moti i keq “pushton” Elbasanin: Përmbyten rrugët, dëme në bujqësi

15:36 Sociale