Te fundit
Këngëtarja infektohet vullnetarisht me Delta, ndërron jetë pak ditë më pas
18 Janar 2022, 19:14Lifestyle
TEMA
“Jeta është këtu, për mua dhe për ty”. Ky është mesazhi i fundit i shkruar në rrjetet sociale nga këngëtarja çeke Hana Horka, para se të vdiste dy ditë më parë si pasojë e një vendimi të pamatur që i kushtoi shtrenjtë.
Këngëtarja 58-vjeçare kishte vendosur më 13 janar të infektohej vullnetarisht me COVID-19, nga disa familjarë që kishin rezultuar pozitivë.
Sipas saj, në mesazhin e postuar, kjo do t’ i mundësonte asaj rikthimin në jetën normale, ku mund të shkonte sërish në kinema, teatër, ose të udhëtonte jashtë vendit, diçka e pamundur për ato që si Horka refuzojnë kategorikisht të vaksinohen.
Pjesëtarja e grupit Asonance rezultoi në ditët në vijim e infektuar me variantin Delta, dhe si pasojë e saj ndërroi jetë shumë shpejt, më 16 janar, siç e zyrtarizoi vetë grupi i muzikës popullore të cilit i përkiste.
Djali i saj Jan Rek, edhe ai muzikant, akuzoi drejtpërdrejt skeptikët ndaj masave kundër pandemisë që rrethonin të ndjerën, që sipas tij e kishin bindur se sëmundja do të kalonte vetë.
Në Republikën Çeke, të infektuarit nga fillimi i pandemisë janë më shumë se 2 milionë e 600 mijë, ndërkohë që viktimat janë rreth 37 mijë.
2 komente në “Këngëtarja infektohet vullnetarisht me Delta, ndërron jetë pak ditë më pas”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Keshtu permiresohet raca njerezore!
Sa me pak budallenj, qe i veshtiresojne jeten te tjereve …