Te fundit
India dhe Kina bien dakord të tërheqin trupat nga zona e diskutueshme kufitare
10 Shtator 2022, 21:10Bota
TEMA
Në Indi dhe Kinë, ministritë e Mbrojtjes kanë thënë se trupat nga të dy vendet po tërhiqen nga zona Gogra-Hotsprings, e njohur në Kinë si Jianan Daban.
E gjitha në një përpjekje për të ulur tensionet përgjatë një kufiri të diskutueshëm Himalayan.
“Trupat indiane dhe kineze në zonën e Gogra-Hotsprings kanë filluar të shkëputen në një mënyrë të koordinuar dhe të planifikuar, e cila është e favorshme për paqen dhe qetësinë në zonat kufitare”, ka thënë ministria indiane.
Ndërkohë, ministria kineze e Mbrojtjes e konfirmoi tërheqjen në një deklaratë.
Sipas ministrisë indiane, tërheqja do të përfundojë deri më 12 shtator.
Kjo vjen pas një raundi të 16-të të bisedimeve midis dy vendeve të armatosura bërthamore në korrik dhe përpara një takimi në Uzbekistan javën e ardhshme ku pritet të marrin pjesë presidenti kinez Xi Jinping dhe kryeministri indian Narendra Modi.
Lidhur me zonën, ajo është një nga tre pikat kyçe të fërkimit midis vendeve.
Dy zonat e tjera janë Depsang dhe Pangong. Ato janë të vendosura përgjatë një kufiri të pacaktuar prej 3 mijë e 800 kilometrash, i njohur si Linja e Kontrollit Aktual (LAC).
Ajo ndan territoret kineze dhe indiane nga Ladakh në perëndim deri në shtetin lindor të Indisë, Arunachal Pradesh.
Dhjetëra mijëra ushtarë, të mbështetur nga artileri, tanke dhe avionë luftarakë, janë vendosur përgjatë LAC.
Të dy vendet luftuan për kufirin në vitin 1962 dhe të paktën 20 ushtarë indianë dhe katër kinezë u vranë në luftime në vitin 2020 në zonën Galwan të rajonit Ladakh.
Sakaq, trupat nga të dyja palët kanë respektuar protokollet e vjetra për të shmangur përdorimin e çdo arme zjarri në rajon.
“Deutsche Welle”
Më të lexuarat
24 oret e fundit
Javen e fundit
Blog Tema
Lini një Përgjigje