Te fundit
Suedia miraton paketën e radhës me ndihma ushtarake për Ukrainën
29 Gusht 2022, 11:54Bota
TEMA
Kryeministrja suedeze, Magdalena Andersson, deklaroi gjatë të hënës së 29 gushtit se një ndihmë shtesë prej 46 milionë dollarësh do t’i jepet Ukrainës, në formën e një pakete ushtarake.
Lajmi u bë i ditur gjatë një vizite zyrtare të kryediplomatit ukrainas, Dmytro Kuleba, në Suedi.
Në valutë suedeze, shifra për të cilën bëhet fjalë është ajo e 500 milionë kronave, por nëse llogaritet edhe një shtesë tjetër e barazvlefshme për ndihma civile, vlera shkon në 1 miliardë krona, ose e përkthyer në 100 milionë euro.
Vetë Kuleba, e vlerësoi ndihmën e dhënë nga Stockholm-i, teksa nuk ngurroi të përmendë faktin se me vijimin e luftës dhe zgjatjen e saj, më shumë armatime do t’i nevojiten Ukrainës dhe kjo e fundit do të vijojë t’i kërkojë ato nga aleatët.
“Çdo euro, çdo plumb, çdo armatim, ka rëndësi”, nënvizoi Kuleba.
Detaje mbi paketën e ofruar nga Stockholmi ende nuk janë dhënë ndërkaq, por mbështetja e vazhdueshme është bërë e qartë se do të vijojë.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po të isha President i Rusisë, bombën atomike do e hidhja te këto shtete që nxisin luftë civile në Bashkim Sovjetik.