Te fundit
Gonxhja: Kisha e Shën Mërisë në Bishqethëm, një thesar i rilindur i trashëgimisë kulturore (VIDEO)
1 Shtator 2025, 08:28Kulturë
TEMA
Pas një pune të kujdesshme restauruese, kisha e Shën Mërisë në fshatin Bishqethëm (Lushnjë), ka rifituar pamjen dhe dinjitetin e saj historik.
Monumenti i çmuar i trashëgimisë sonë kulturore është tashmë gati të mirëpresë vizitorë dhe banorë, si një dëshmi e gjallë e historisë dhe shpirtit të zonës.
Ministri i Ekonomisë, Kulturës dhe Inovacionit, Blendi Gonxhja, ndau sot në rrjete sociale pamje nga kisha e Shën Mërisë në Bishqethëm, e restauruar, që është objekt kulti tipik i ndërtimeve të shek. XVIII, shkruan atsh.
Gonxhja theksoi rëndësinë e këtij projekti, teksa bëri të ditur se, punimet restauruese përfshinë: Konsolidimin e strukturës së kishës; restaurimin e elementëve arkitektonikë dhe sistemimin e territorit përreth.
“Të gjitha ndërhyrjet u kryen nën mbikëqyrjen e specialistëve të IKTK-së, duke respektuar vlerat historike e arkitektonike të objektit. Pas një pune të kujdesshme restauruese, ky monument i çmuar i trashëgimisë sonë kulturore ka rifituar pamjen dhe dinjitetin e tij historik”, shkroi Gonxhja.
Sot, kisha e Shën Mërisë rrezaton sërish si një qendër e gjallë e historisë, kulturës dhe identitetit shpirtëror të komunitetit lokal, një burim kujtese dhe frymëzimi për brezat e ardhshëm.
Pikturat e kishës janë realizuar nga Johani, i cili i përket familjes së Çetirëve nga Grabova, në vitin 1798. Disa prej tyre ruhen në gjendje të mirë dhe përbëjnë destinacion të rëndësishëm kulturor për t’u vizituar.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
THESARE TE TRASHEGIMIS SE ORTHODHOKSEVE ,,KULTURA BIZANTINE QE RUAJNE DHE TRASHEGOJNE ,,