Te fundit
Humbi Harvardin për shkak të një email-i: Muzikanti zbuloi pranimin vetëm pas 6 vitesh
22 Dhjetor 2025, 14:56Lifestyle
TEMA
Një muzikant i ri ka zbuluar rastësisht një email nga Universiteti i Harvardit, ku njoftohej për pranimin e tij në institucionin prestigjioz, plot gjashtë vite pasi mesazhi ishte dërguar.
Në një video të publikuar në Instagram, ai rrëfen se kishte aplikuar për studime në Harvard që në kohën kur ishte në shkollë të mesme dhe fillimisht ishte vendosur në listën e pritjes. Sipas tij, ai kishte menduar se nuk kishte marrë kurrë një përgjigje përfundimtare nga universiteti.
Email-i i shumëpritur u zbulua krejt rastësisht, teksa muzikanti po pastronte kutinë e email-eve të vjetra. Ai tregon se në atë periudhë kishte dërguar letra apeli dhe kishte bërë çdo përpjekje për t’u pranuar, por pasi nuk kishte marrë asnjë përgjigje, kishte vendosur të vazhdonte jetën përpara.
“Vendosa të mos ndalem. Fillova të shkruaja këngë dhe sot jam muzikant”, shprehet ai në video.
“Pastaj, një ditë po kontrolloja email-et e vjetra dhe gjeta një nga Harvardi, dërguar gjashtë vite më parë, që nuk e kisha hapur kurrë. Ende nuk e kuptoj si e humba.”
Ai pranon se fillimisht u ndje i zemëruar dhe i trishtuar, por më pas ndjeu krenari për rrugën që kishte ndjekur.
“Në fund, gjithçka më duket thjesht qesharake. E di që hapja e atij email-i nuk do të ndryshonte asgjë sot”, thotë ai.
“Por doja ta ndaja këtë histori, sepse nëse do të isha i vetmi që e dinte, do të më trishtonte shumë.”
Historia e tij ka marrë vëmendje të madhe në rrjetet sociale, duke nxitur diskutime mbi rastësinë, fatin dhe mënyrat e papritura se si jeta merr drejtim.
Më të lexuarat
24 oret e fundit
Javen e fundit
Blog Tema
Lini një Përgjigje