Te fundit
"Diskutuam për zhvillimet në PD dhe qëndrimin konstant për çështjen e personave non grata", Alibeaj zbardh takimin me Escobar
12 Prill 2023, 16:09Politika
TEMA
Kryetari i komanduar i Partisë Demokratike, Enkelejd Alibeaj ka zbardhur takimin me të dërguarin e SHBA-së për Ballkanin Perëndimor Gabriel Escobar.
Teksa ka ndarë disa foto nga takimi, Alibeaj shkruan se gjatë bisedës u prekën tema të të rëndësishme të zhvillimeve të fundit ku u ndalëm tek përgatitjet e PD për fushatën zgjedhore dhe problematikat e këtyre zgjedhjeve.
Ndër të tjera, Alibeaj shkruan se i ka bërë me dije për qendrimin konstant për çështjen e personave non grata jo vetëm në PD, por në të gjithë spektrin e politikës shqiptare.
"Zhvillova sot një takim me Zëvendës Ndihmës Sekretarin e SHBA-ve për Çështjet Europiane, dhe i Dërguari i Posaçëm për Ballkanin Perëndimor, Z. Gabriel Escobar.
Gjatë bisedës prekëm tema të rëndësishme të zhvillimeve të fundit ku u ndalëm tek pregatitjet e PD për fushatën zgjedhore dhe problematikat e këtyre zgjedhjeve. Theksova refuzimin e qeverise per te adresuar ne Kodin Zgjedhor rekomandimet e ODHIR.
Përveç kësaj i bëra me dije shkeljen që po ndodh aktualisht nga qeveria të rekomandimeve te ODHIR, lidhur me shitblerjen e votës, përdorimin në fushatë te administratës publike, përdorimi i të dhënave personale dhe buxhetit të shtetit në funksion të zgjedhjeve e sidomos lidhur me pastërtinë e figurës së kandidatëve. Temë e bisedës ishin dhe zhvillimet në Partinë Demokratike, dinamikat e muajve të fundit dhe qëndrimi konstant për çështjen e personave non grata jo vetëm në PD, por në të gjithë spektrin e politikës shqiptare.
E sigurova zotin Eskobar për vullnetin e PD në bashkëpunimin me aleatin tonë kryesor, duke i konsideruar SHBA si mbështetës të angazhuar për Shqipërinë dhe shqiptarët", shkruan Alibeaj.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Takimi me Alibashen me kujton takimin me nje nga Venezuela te cilin per te cilin Amerika thoshte se e njihte si drejtues te Venezueles. Nuk me kujtohet emri i tij pasi ka humbur tani dhe nuk permendet me nga administrata e Bidese. Oh sa qesharake behet shteti me i forte i botes here pas here. Alibasha ka fatin e Braves edhe sikur te takohet me Bidene.
Muzika është për vallen e Tropojës, t'i vazhdon me të Kukësit!
Iku tani; mbaruan zgjedhjet edhe pse formalisht jane ne Maj. Ta gezosh fitoren Alibasha dhe Lul Brava! ta gezoni fitoren bashke me vulen!
Cilindo te takosh ti Alibej, prape qull me miell misri mbetesh. Po do ishte me mire qe te takoje shqiptaret meqe pretendon vote e meqenese shqiptaret nga taksat e tyre po te japin miliona per fushate. E te fala eskos e kimes