Te fundit
'Krimi i rrugës nuk del në pension, çmimi i asaj jete me makina luksoze është i parashkruar"
18 Korrik 2022, 18:51Sociale
TEMA
Në studion e emisionit ‘Kontrast’, analisti Lorenc Vangjeli tha se noterizimi i krimit është gjaku. Duke marrë shkas nga vrasja e trefishtë në Fushë-Krujë, Vangjeli u shpreh se çmimi i jetës së atyre të rinjve që gëzojnë mjete luksi nga veprimtaria kriminale është gjithmonë i parashkruar.
Ai apeloi për të rinjtë që shpesh deprimohen kur shohin bashkëmoshatarët e tyre që bëjnë një jetë të tillë. Vangjeli tha se ajo lloj jete është e shkurtër.
“Krimi i rrugës është një kategori që nuk del në pension. Një pjesë e tyre e ngrysin jetën në burg dhe një pjese tjetër u shkëputet jeta në mes. Një miku im që kthehej nga Gjermania u bë dëshmitar i krimit në Fushë-Krujë sepse ndodhej vetëm pak minuta larg vendit të ngjarjes dhe kjo është e rëndë. Noterizimi i krimit është gjaku. Çmimi i asaj jete që në fillim shfaqet me makina luksi është i parashkruar… Histori të tilla zakonisht ndodhin prej mungesës së drejtësisë. Sepse në fillim ndodh krimi i vogël derisa mbërrijmë në këtë pikë. Të rinjtë shpesh shohin kontrastin e jetës së tyre luksoze dhe thonë ‘çfarë bëj unë?’. Por duhet të kuptojnë se ajo jetë është e shkurtër” – tha Lorenc Vangjeli.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nje bravo e madhe Vangjeli, eshte fix nuk e luan topi
E paske cuar shume deri te pensioni. ...... . E shumta 40, qameti 45 vjec, kaq e kane...... . E keqja eshte se nuk kane mesuar fjalen e mencur shkodrane : Ej, o trim, pushka t'vret, e k.ri t'q.n...
Kriminelët janë kufoma me leje të kufizuar.