Te fundit
“Jemi me fat që kemi miq SHBA-të”- Vizita e Blinken në Shqipëri, ja si shprehen qytetarët
15 Shkurt 2024, 17:45Sociale
TEMA
Në Tiranë kishte sot një atmosferë të gëzuar, me rastin e vizitës së sekretarit amerikan të Shtetit, Antony Blinken. Në mikrofonin e Zërit të Amerikës ata shprehen optimist se vizita e sekretarit Blinken do të forcojë më tej bashkëpunimin dhe miqësinë shqiptaro-amerikane, si dhe do të shtojë mbështetjen për integrimin e Shqipërisë në Bashkimin Europian.
“Ne jemi proamerikanë, ndaj dola ta pres dhe ta përshëndes sekretarin Blinken. Do të doja që ashtu si kanë punuar në SHBA Fan Noli e Faik Konica shumë shqiptarë të tjerë, ashtu është e mira që të punojmë edhe këtu, të vijnë të investojnë në Shqipëri dhe ta zbukurojnë siç po zbukurohet. Jemi proamerikanë dhe mezi po pres ta shoh e ta përshëndes zotin Blinken në Shqipëri”, thotë qytetarja Mira Xhani.
Ndërsa qytetarët e mbledhur pranë kryqëzimeve u shprehën optimist për thellimin e mëtejshëm të miqësisë shqiptaro-amerikane.
“Ne shqiptarët jemi me fat që kemi miq SHBA-të. Dy miqtë më të ngushtë të Shqipërisë janë ky diell i shkëlqyer dhe SHBA-të. Ditë më të mira do të vijnë. Duke patur një besim të plotë me veten tonë dhe të mbështetur nga SHBA-ja, ditë më të mira do të vijnë për shqiptarët kudo ku janë në Shqipëri dhe në vende të tjera”, thotë pensionisti Ylli Ali.
Qytetarët pohojnë për Zërin e Amerikës se marrëdhëniet shqiptaro-amerikane janë në një nivel të shkëlqyer aktualisht, ndërsa kujtojnë mbështetjen e madhe të SHBA-ve në përpjekjet e Shqipërisë për liri dhe demokraci, dhe tani përsëri besojnë që falë përkrahjes amerikane, Shqipëria do të arrijë ndryshime të tjera në rrugën e integrimit si një vend europian.
“Është një kënaqësi e madhe kjo vizitë dhe do të kisha shumë dëshirë që të mund të isha më afër dhe ta përshëndesja me një flamur Sekretarin Blinken. Njerëzit kërkojnë që të jenë sa më të lirë, të kenë kushte sa më të mira, megjithatë tani ka shumë ndryshime, edhe me mbështetjen e SHBA-ve”, thotë qytetarja Miranda Shabanaga.
Kryeqyteti ishte mbushur me flamuj amerikanë dhe shqiptarë, ndërsa qytetarët ishin mbledhur nëpër kryqëzime rrugësh për ta përshëndetur këtë vizitë.
“Do të ketë ndryshime patjetër në cilësinë e marrëdhënieve shqiptaro-amerikane, për Kosovën, për Ballkanin perëndimor. Aq më tepër që jemi para realizimit të ëndrrës tjetër, që është integrimi në Bashkimin Europian”, thotë qytetari Luan Shehaj.
Qytetarët vlerësuan miqësinë e hershme të SHBA-ve për Shqipërinë prej më shumë se 100 vjetëve, kur e shpëtuan nga copëtimi i mëtejshëm, duke këmbëngulur për vetvendosjen e kombeve të vegjël, një miqësi që vazhdon të jetë e sigurtë dhe të japë fryte për ta.
“SHBA-të janë shteti më demokratik dhe ne e duam Amerikën, se ajo na shpëtoi nga copëtimi i plotë. Këtë Shqipëri e kemi nga Amerika. Ja pse ne jemi proamerikanë dhe e duam Amerikën dhe Amerika na do po ashtu”, thotë qytetari Klement Xhani.
Shëtitorja Dëshmorët e Kombit, ku janë selitë e institucioneve kryesore të shtetit shqiptar, ishte zbukuruar me flamuj të Shqipërisë dhe të SHBA-ve, ndërsa në korpusin e Universitetit të Tiranës dhe në ekrane elektronikë më tej ishin vendosur fotografi të Sekretarit Blinken, që uronin atij mirëseardhjen në Shqipëri.
VOA
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Vertete qe jemi me fat.Erdhi pushtuesi dhe nuk na i morri pasurite.Erdhi vampiri i pare pas lufte qe tufezoj edhe njerezit edhe pronat.Erdhi kusari me emrin Sali i beri lemsh iu dha prona atyre qe skishin dhe ata qe kishin morren rruget e kurbetit kurse per vete zgjodhi mesin e Tiranes edhe vendet me te mira ne bregdet pra u be me saraje me Giten Zenin kokerjepurin Malltez dhe shoqata vampire e Lirise i lumturoj njerezit.Po te mos ishte USA do shikonim llallen Gjinin e soj soj sorollopi e plepi akoma ne drejtesi kurse Saliu me familjen zgjeronte sarajet.
Fix ,
Si shkrimet e Pravdes para vitin 90...o zot....
Sa debila dhe budallenj jane shumica derrmuese e Shqiptareve. Si me vitin 1991 kur i puthnin gomat e makines sekretarit te Shtetit Xhejme Bejker dhe ju premtoi per cekun e bardhe po ju dha panxharin. Shqiptaret kokcepsha ende rrojne me endrra dhe ceqe te bardha nderkohe qe Amerika i mbush me terroriste Afgan, Iranian, Zezak.. Amerika ju ben Parada Gay. Amerika shkaltoi 1997 dhe i vjedh i grabit te gjitha pasurite Natyrore. Amerika i shpopullon,drogon dhe degjeneron. Amerikasm9ntoi fshehurazi jelmet kimike. Amerika detyron te beheni bashkpunetor te genocidid Izraelit ne Palestinem. Keta psikopatet thone shyqyr kemi Ameriken. Shqiperia prandaj katandisi ketu ku eshte se ka popull komplet gomar