Te fundit
Letra prekëse e 19 vjeçares nga Korça, një ditë para se të ndërronte jetë: Ju lutem shijoni çdo ditë si dhuratë nga Zoti
1 Shkurt 2024, 17:34Sociale
TEMA
Një ditë më parë, u nda nga jeta 19-vjeçarja korçare Darda Dhimo, e cila pak kohë më parë ishte diagnostifikuar me leucemi akute.
E reja e cila sapo kishte mbaruar vitin e parë të universitetit mësoi për sëmundjen e rëndë, një ditë kur shkoi të dhuronte gjak për bashkëmoshatarët. Por dëshira e saj e madhe për të ndihmuar të tjerët dhe për të jetuar u prenë në mes pasi sëmundja ishte më e rëndë.
Edhe pse e dinte se sëmundja po i merrte jetën dita- ditës, ajo nuk hoqi për asnjë moment dorë nga besimi në Zot, jeta dhe të shijuarit e momenteve ashtu siç ishin në rrethanat e reja.
Ajo i gëzohej një muzgu shumëngjyrësh në dritaren e spitalit, apo edhe eklorimit të ambienteve të spitalit e kalimit të kohës me mjekët e infermierët.
Sëmundja dhe kimioterapitë po e lodhnin dita-ditës, por buzëqeshja nuk venitej kurrë prej fytyrës së saj, as atëherë kur e merrte malli për detin, diellin apo një përqafim të ngrohtë nga miqtë.
Darda, kishte një merak të vetëm, që vetë nuk e bëri dot: Të shijonte çdo ditë si dhuratë nga Zoti dhe çdo moment me familjen e miqtë e saj.
Deri në frymën e fundit, ajo diti të ishte falenderuese ndaj Zotit dhe shpresës që ai u dhuroi çdo ditë, në këto 19 vite jetë.
Postimi i Dardës, 31.08.2023
Kush do ta kishte menduar se kjo verë do të ishte si kjo!
Më ka marrë malli për plazhin, dallgët, për t'u djegur nga dielli, më ka marrë malli për të qëndruar me miqtë dhe për t'i përqafuar. Të qenit i izoluar nuk është padyshim mënyra më e mirë për të kaluar verën...
Disa përditësime për të gjithë ju:
Dje fillova ciklin tim të tretë të kimioterapisë, që do të thotë se mund të kem edhe pesë të tjera për të bërë. Përfundimisht, gjithçka duket se po përmirësohet dita ditës. Ka gjithmonë momente që kam dhimbje, e lodhur, momente që kam frikë për të ardhmen ose ndonjëherë emocionale, por mund t'ju siguroj se Zoti gjen gjithmonë një mënyrë për të më kthyer buzëqeshjen dhe gëzimin tim!
Gjatë gjithë këtyre ditëve dhe veçanërisht sot jam ndjerë kaq e inkuruar dhe jam përpjekur të shijoj çdo moment të veçantë për aq kohë sa zgjat. Unë kam filluar të shijoj vende të ndryshme në spital dhe çdo moment të vetëm të kaluar me të gjithë stafin mjekësor këtu. Sot më pëlqeu veçanërisht ky muzg i bukur!
Pra, ndërsa e lexoni këtë, këtu është një mesazh nga unë dhe përvoja ime deri tani:
Ju lutem shijoni çdo ditë si dhuratë nga Zoti, shijoni mëngjesin kur jeni në gjendje të zgjoheni dhe të ndjeni mushkëritë tuaja duke u mbushur me oksigjen, shijoni shëndetin tuaj fizik dhe shijoni çdo moment të kaluar me familjen dhe miqtë tuaj!
Fatkeqësisht, nuk arrita të bëj asnjë nga këto që kur u sëmura, kështu që të lutem bëje për mua! Përqafoni të veçantët tuaj dhe mbi të gjitha mos harroni të falenderoni të vetmin që na jep jetë dhe shpresë! Vetëm kur na merret diçka, kur kuptojmë vlerën që kishte!
18 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Qofte e Parajses! Ngushellime familjes se saj per kete humbje te rende.
Harrojmë shpesh të shijojmë çfarë kemi, duke i kushtuar vëmendje gjërave të parëndësishme. Keqardhje për fatin e të resë, ngushëllime familjes e gjithë të njohurve të saj.
O Zot Sa u trishtova nga ky lajm. Fjalet e tua duken si notat muzikore te vendosura embelsisht e kendshem ne pentagramin e melodise me te bukur ndonjehere. Nje engjell e kesaj jete e tashme e parajses. U Prehsh në Paqe !!!!!
Zoti re ja marr pran vetes per shpirtin e bukur qe paske pas moj vajze.Qofsh e xhenetit.
U prehsh ne parajse, Engjell I bukur! Sa e vertete eshte ajo qe ti shkruan!
Sa shpirt i bukur dhe pozitiv... Te ndritte Shpirti atje ku je... afer Zotit!
Pse iken kjo vajze shpirtmire dhe qe shkruan kaq bukur ? Nuk e dime ende dhe as kemi per ta ditur ndonjehere.
O Zot! Pse? Fenomenale qe ne nje mosh kaq te re te ket kaq optimizem... Paqe per ty engjell...
Nje mrekulli njerzore,nuk ish njeri,por nje engjell i derguar,qe duke perjetuar ditet e fundit ne toke,e kryqezuar nga semundja,nuk reshti se dhene,porosine e madhe:Duajeni njeri tjetrin dhe gezojeni jeten.
Oh sa keq, dhe sa fjale te bukura ka thene. I ndritte shpirti atje lart. Me preku shume, mjaft e re dhe kaq shume pozitive, njerezore..Ngushellime familjes dhe gjithe te afermeve te tu.
Një shpirt i bukur!
U prehsh ne Paqe.....drite e perjetesi....
U prefsh ne paqe e paharruar per prindërit qe ju hape Plage per gjithe jeten sa te te vijnë prane per gjithe miqte e shoket e t'u
Vogelushe,Zoti u tregua i pameshirshem me ty,te mori jeten athere kur ti kishe kaq shume etje per te jetuar.....kalo paradhiso! Me kujtove nje dhimbje te njejte edhe pse kan kaluar 33vjt.....ajo ishte vetem 18 vjece.
U prehsh ne paqe! Duket qe Zoti nuk ka dashur qe te vuaje me dhe te mori ne parajse.
Ngushellime te sinqerta nga zemra per kete fatkeqesi te madhe familjes dhe të afermeve te saj. U prehsh ne paqe.
U prehshe ne paqe Vajze! Jete e pa drejte!
Simbol i miresise,dashurise pa kushte per jeten dhe njerezit ,optimizmit dhe besimit te thelle e te sinqerte nr Zot,simbol e model i NERIUT te bukur…Te ndritte shpirti o vajze e rralle !