Policja presidente; Ja kush është Atifete Jahjaga.

Prishtinë, 7 prill – Ambasadori amerikan në Kosovë, Christopher Dell e kishte thirr në telefon dje në mëngjes zëvendësdrejtoren e përgjithshme të Policisë së Kosovës, Atifete Jahjaga. Thirrja kishte qenë befasuese. Së pari nga kush vjen dhe së dyti çfarë i thotë. I thotë nëse do të bëhet president e Kosovës. Dhe oferta është joshëse. Oficerja policore me gradë kolonele e pranon ofertën që të jetë kandidate konsesuale për president të Kosovës.

Por, emri i saj është dëgjuar për shumicën e njerëzve për herë të parë kur ia përmendi Hashim Thaçi.

Atifete Jahjaga është numri dy në Policinë e Kosovës. Vjen nga një familje e njohur nga rrethina e Gjakovës. Dyzetvjeçarja, në formularin e pasurisë në Agjencinë Antikorrupsion ka deponuar të dhëna se është e martuar me Astrit Kuçin dhe nuk ka fëmijë. Merr pak më shumë se një mijë euro rrogë në muaj për punën e saj në Policinë e Kosovës.

Në polici është angazhuar qysh në vitin 2000 dhe tash ka arritur gradën e koloneles.

“Prej rreshterit është graduar majore, e më pas kolonele. Atifetja, juriste e diplomuar, karrierën e saj në polici e ka filluar si përkthyese, më pas police në departamentin e policisë kufitare, e pastaj në njërin nga departamentet më të rëndësishme të policisë, atë të trajnimit”, shkruan në biografinë e saj në faqen e Policisë.

Jahjaga ka kryer trajnime të shumta, duke përfshirë kryesoret në SHBA. Fotoja e saj më e shpeshtë që gjendet ëshë ajo me ish-presidentin George W. Bush, dhe gjithashtu shihet edhe me Sekretaren e Shtetit, Hillary Clinton, gjatë vizitës së saj në Kosovë.

Ambasadori amerikan në Kosovë, Christopher Dell, kreu i PDK-së, Hashim Thaçi, njëherësh kryeministër, Isa Mustafa i LDK-së opozitare dhe Behgjet Pacolli, kandidati i AKR-së për president, në një konferencë të përbashkët për shtyp sonte bënë të ditur se është arritur marrëveshje për tejkalimin e ngërçit politik i krijuar për zgjedhjen e presidentit të Kosovës.

Në bazë të një memorandum të marrëveshjes së arritur midis kreu i PDK-së, Hashim Thaçi, njëherësh kryeministër, Isa Mustafa të LDK-së opozitare dhe Behgjet Pacolli, kandidatit të AKR-së për president, i cili është tërhequr nga gara, oficerja e lartë e Policisë do  të jetë kandidatja konsensuale për presidente të Kosovës. Ajo do të jetë e përkrahur nga PDK, LDK dhe AKR-së në seancën parlamentare javën e ardhshme, kur pritet të votohet presidenti i shtetit dhe me këtë të zgjidhet kriza institucionale. /Zhurnal-KS/

Ikën Pacolli, një femër bëhet presidente e Kosovës

19:54 Rajoni

Kouchner: Shtëpia e verdhë iu doli e kaltër

10:15 Rajoni

Drejt zgjedhjeve të parakohshme

13:57 Rajoni

EULEX-i merr në pyetje Blerim Kuçin, refuzoi të dëshmonte

10:17 Rajoni

Wikileaks: SHBA presion Indise per te njohur Kosoven

17:11 Rajoni

LDK-ja pranon Pacollin, kusht - zgjedhje në verën 2012

15:36 Rajoni

Ish-prokurori i Hagës: Do bëhesha avokat mbrojtës i Ratko Mladiç

14:06 Rajoni

Pacolli refuzon ceremoninë e dorëzimit të detyrës si president. Rizgjedhja e tij, mision i pamundur

10:02 Rajoni

Vetëvendosja propozon Demaçin president

09:55 Rajoni

Krasniqi: Realitet i ri në skenën politike

11:55 Rajoni