PS: Prokuroria të hetojë veprimet antikushtetuese të Imamit

Deputeti socialist, Erion Braçe, tha se edhe vetë Berisha ka pasur dyshimet e tij për Imamin dhe ka urdhëruar një kontroll tek ministria e tij

Asnjë nga dokumentet e publikuara nga Partia Socialiste, ku duket qartë korrupsioni dhe antikushtetutshmëria e veprimeve të Ministrit Imami dhe gjeneralëve rreth të tij, nuk është i klasifikuar sekret. Deputeti Erjon Braçe në vijim të denoncimit të veprimtarisë antiligjore të Ministrisë së Mbrojtjes, ka hedhur poshtë pretendimet e kreut të këtij dikasteri sipas të cilave opozita ka cenuar sigurinë kombëtare duke publikuar dokumente sekrete. Gjatë një konference për shtyp, Braçe ka siguruar opinionin publik se asnjë dokument nuk është sekret. E vërteta sipas tij është se këto dokumente janë prova më e rëndësishme për korrupsionin e një elite politike- një grusht funksionarësh politikë, në krye te Ministrisë së Mbrojtjes dhe po ashtu prova të rëndësishme për korrupsionin e një elite ushtarake-një grusht i vogël gjeneralësh, në krye të Ushtrisë Shqiptare.

Gjatë konferencës për shtyp, nënkryetari i grupit kuvendor socialist ka renditur të gjitha nenet e ligjit që janë shkelur hapur nga Ministri Imami dhe shpura e tij, gjatë armatosjes së Shërbimit informativ të Ushtrisë me armë speciale dhe mjete përgjuese të sofistikuara. Sipas ligjit, të cituar nga Braçe, ndalohet kategorikisht kryerja nga shiu i veprimeve te karakterit policor dhe operacional jashtë misionit dhe detyrave të përcaktuara me ligj.

“Publikimi i urdhrave publike të ministrit Imami për armatosjen e Shërbimit Informativ Ushtarak, dëshmon qartë shtrirjen deri në antikushtetutshmëri të veprimtarisë së ministrit Imami dhe ish drejtuesit të SHIU-t kolonel Ylli Zyla. Antikushtetutshmëria në veprimtarinë e Ministrisë së Mbrojtjes, veçanërisht të SHIU-t, përbën një rrezik të madh për demokracinë, shtetin ligjor, liritë politike, liritë e shtetasve dhe janë premisë e qartë për devijim serioz në junte. Ngjarjet e 21 Janarit janë prova më e gjakosur e këtij rreziku.

Ministri Imami u fsheh pas “sekretit” kur vetëm sekret nuk ka, për të mos dhënë përgjigje për bazueshmërinë ligjore të armatosjes dy ditë para 21 Janarit të SHIU-t.

Dëgjojini këto nene të ligjit për SHIU-n. Ky është ligji, të cilin dje ministri Imami nuk denjoi jo ta publikonte, por nuk denjoi as t’i referohej në gjithë deklaratën e tij.

• Në bazë të këtij ligji në Nenin 2 Misioni i SHIU-t është ky

– SHIU grumbullon, analizon dhe administron të dhëna për veprimtaritë, që cenojnë sigurinë kombëtare, kërcënime të mundshme ose rreziqe ndaj Forcave të Armatosura, që vijnë nga jashtë ose shfaqen brenda vendit, për t’i paraqitur tek autoritetet e drejtimit dhe të komandimit strategjik të Forcave të Armatosura, për t’i mbështetur gjatë ushtrimit të përgjegjësive të tyre.

• Neni 5 Detyrat

-SHIU, në zbatim të misionit të mësipërm, kryen dhe realizon këto detyra:

a) grumbullon, analizon dhe paraqet informacion për veprimtari, të cilat kërcënojnë e rrezikojnë integritetin e vendit, rendin kushtetues, planet ushtarake mbrojtëse dhe realizimin e misionit të Forcave të Armatosura;

b) grumbullon, analizon dhe paraqet informacion për veprimtari, që lidhen me spiunazhin, terrorizmin, sabotazhin, subversionin në drejtim të Ministrisë së Mbrojtjes e të Forcave të Armatosura dhe për çdo veprimtari, që kërcënon sigurinë dhe stabilitetin e shtetit;

c) paraqet informacione dhe vlerësime për gjendjen e sigurisë në Ministrinë e Mbrojtjes e në Forcat e Armatosura

• Neni 14 Ndalimi i veprimtarisë policore

-SHIU-t i ndalohet të kryejë veprimtari të karakterit policor.

• Neni 15 Ndalimi i veprimtarisë jashtë misionit

–    Ndalohet kryerja e veprimeve për të realizuar qëllime dhe objektiva, që nuk kanë lidhje me misionin e shërbimit,” tha Braçe, duke i kërkuar prokurorisë që të hetojë për këto shkelje.

Braçe iu përgjigj edhe deklaratave të Imamit se këto sulme janë personale. Braçe tha se nuk ka asgjë personale, por ka vetëm një qëndrim parimor.

Deputeti socialist tha se edhe Berisha ka pasur dyshimet e tij për këto shkelje.

“Siç bën shpesh në të tilla raste e kur do të lajë veten, Sali Berisha, njeriu që drejton Ministrin e Mbrojtjes, Ministrinë e Mbrojtjes, Forcat e Armatosura të Shqipërisë, SHIU-n varësi e drejtpërdrejtë edhe e tija, ka urdhëruar kontroll të menjëhershëm në Ministrinë e Mbrojtjes dhe agjencitë në varësi të saj. Siç ju kisha premtuar dhe për t’i thënë z.Imami që nuk jemi vetëm ne që dyshojmë mbi të, që provojmë antikushtetueshmërinë e veprimeve të tij dhe korrupsionin e veprimeve të tij, ky është urdhri i kontrollit i datës 9.5.2012 besoj e dalloni firmën në fund fare, të vetë Sali Berishës. Pra është një urdhër me anë të të cilit Sali Berisha urdhëron të kryhet kontrolli në Ministrinë e Mbrojtjes, institucionet në varësi të saj, shtatin e përgjithshëm të Forcave të Armatosura  mbi zbatimin e akteve ligjore nën ligjore në fuqi në kryerjen e procedurave të import eksportit, tregtimit të materialeve ushtarake, armatimeve, municioneve, lëndëve plasëse si edhe procedurave te licencimit për kryerjen e aktivitetit të zhvilluar gjatë periudhës janar 2011-maj 2012. Bashkëngjitur këtij urdhri është program i kontrollit. E vijon me një aneks tjetër “drejtimet kryesore të kontrollit”. Dua t’ju bëj me dije jo vetëm ju por edhe z.Imami se ne disponojmë çdo dokument që ka të bëjë me këtë kontroll. Ashtu siç disponojmë çdo dokument që ka të bëjë me secilën nga fushat që ka përcaktuar vetë kryeministri për t’i kontrolluar në veprimtarinë e z.Imami. Po e përsëris, çdo dokument.”

Dokumenti i kontrollit të Berishës

Shqipëria ka numrin më të lartë të vrasjeve në rajon

17:27 Politika

Të shtëna me armë zjarri në Tiranë, plagosen 4 persona

16:34 Politika

Prifti komenton privatizimin e Albpetrol: Duket në rrugë të mbarë!

13:19 Politika

Oferta 850 milion euro është fituesja e Albpetrolit

12:58 Politika

Vazhdon çmenduria e Berishës: Të dashur fëmijë, ju e shihni që opozita po bllokon integrimin

11:42 Politika

DEBATI mes Gjiknurit e Rusmalit për kreun e KQZ. Ja katër emrat e preferuar të PD

11:39 Politika

AK: Më 28 nëntor në Morinë, do prezantojmë themelet e koalicionit kuqezi

11:22 Politika

Berisha: Elita fetare duhet të vendoset në piedestalin e historisë

11:14 Politika

Bashkim Kopliku: Incidenti i tim bir me Berishën? Ishte vetëm një parakalim i gabuar

10:49 Politika

Flet shoferi I DHUNUAR nga policët civilë në mes të Tiranës: Më vunë pistoletën në fytyrë, u thashë shkrepeni

10:03 Politika