Raporti i GRECO/ KLD: Vlerësim real dhe objektiv, problem kompetencat e ministrit të Drejtësisë

Këshilli i Lartë i Drejtësisë e konsideron si vlerësim real dhe objektiv të sistemit gjyqësor në Shqipëri konkluzionet e raportit të publikuar nga GRECO (Grupi i Shteteve Kundër Korrupsionit). Sipas KLD-së, megjithëse raporti evidenton se gjyqësori shqiptar është duke vuajtur nga niveli i ulët i besimit të publikut dhe pushteti i tij mbetet i dobët, në kapitullin për gjyqësorin, raporti ka pasqyruar realisht punën e bërë së fundmi nga Këshilli i Lartë i Drejtësisë dhe Inspektorati i tij, në kontrollin, përmirësimin dhe forcimin e pavarësisë së gjyqësorit në Shqipëri.

“Në raport evidentohet fakti se në vitin 2013, KLD-ja i ka dorëzuar Ministrit të Drejtësisë shumë kërkesa për mundësinë e fillimit të procedurave disiplinore për gjyqtarët e gjetur me shkelje pas kontrolleve të ushtruara nga Inspektorati i KLD-së. Në raport konstatohet me sy kritik fakti që Gjyqësori nuk ka kontroll mbi zgjedhjen e gjyqtarëve të Gjykatës së Lartë dhe se e drejta për fillimin e procedurës disiplinore ndaj gjyqtarëve të gjykatës i takon ekskluzivisht të Ministrit të Drejtësisë.”, thuhet në reagimin e KLD

Këshilli i Lartë i Drejtësisë duke i konsideruar me vënd rekomandimet e GRECO që, me synimin për të siguruar mbrojtje kundër ndërhyrjes arbitrare në administrimin e drejtësisë :

i) duhet të përcaktohen në mënyrë të qartë shtrirja e së drejtës së Ministrit të Drejtësisë për të shqyrtuar funksionimin e shërbimeve gjyqësore e administrimin gjyqësor, siç parashikohet në nenin 31 të ligjit “Për organizimin dhe funksionimin e Këshillit të Lartë të Drejtësisë”, dhe

ii) kryetarët e gjykatave përkatëse, duke përfshirë edhe atë të Gjykatës së Lartë, të kenë të drejtë për të filluar procedurat disiplinore ndaj gjyqtarëve.

i mbështet fuqishëm ato dhe njëherazi inkurajon institucionet përkatëse për marrjen e masave ligjore për implementimin e këtyre rekomandimeve në një kohë sa më të shpejtë në legjislacionin shqiptar.

KLD, i konsideron tepër të vlefshme sugjerimet e GRECO, në gjetjet e zgjidhjeve përkatëse për disa problematika që shqetësojnë sot sistemin gjyqësor, reformimi i të cilit është një ndër prioritetet kryesore të Këshillit. KLD falenderon GRECO dhe shtetet anëtare për ndihmën që ato i kanë dhënë Republikës së Shqipërisë që të identifikojë mangësitë në politikat kombëtare anti-korrupsion, duke nxitur reformat legjislative, institucionale dhe vënien e tyre në jetë. GRECO ofron një platformë reale  për të shkëmbyer praktikat më të mira në parandalimin dhe zbulimin e korrupsionit.

Të gjithë sytë nga gjyqësori tani/ Edhe Barroso do vizitojë Gjykatën e Krimeve të Rënda

18:49 Kronika

Lazarat, vijon aksioni i policisë/Arrestohet 61 vjeçari i gjenden 210 kg kanabis

11:17 Kronika

Familja Santo: Të premten në orën 10.00, homazhe te “Sheraton”

18:01 Kronika

S’i dha urdhër mbrojtjeje, 18- vjeçarja tenton të godasë me thikë gjyqtaren

15:44 Kronika

Intervista e fundit e Santos: Ka njerëz që kërkojnë të fitojnë sa më shumë para, por humbasin veten

12:12 Kronika

PD: Vrasja e Santos ka tronditur gjithë shqiptarët, askush nuk është i sigurtë në këtë vend

12:00 Kronika

Associated Press: Qëllohet për vdekje kreu i një banke private në Tiranë

11:23 Kronika

VIDEO LAJM/ Pamje nga vendi i ekzekutimit të biznesmenit Santo

10:48 Kronika

Ekzekutohet një 50- vjeçar në Shkodër, në Lushnje gjendet një i vrarë në kanal

18:46 Kronika

Lazarat/ Banorët hedhin armët në lumin Drino (VIDEO)

11:00 Kronika