Fule në Tiranë/Takime me Metën, Ramën e Bashën

Stefan Fule, Komisioneri për Zgjerimin në Bashkimin Europian do të zhvillojë vizitën e fundit në Tiranë duke drejtuar bisedimet e nivelit të lartë Shqipëri-BE.

Eurokomisioneri do të nisë axhendën e takimeve në oren 9:15 me kryeparlamentarin Ilir Meta.

Menjëherë më pas, në zyrat e BE, Fule do të bisedojë me kreun e opozitës shqiptare Lulzim Basha, të cilin nuk pati mundësi ta takonte në muajin qershor, për shkak të vizitës së tij në Gjermani.

Në orën 11:00, eurokomisioneri takohet me kryeministrin Edi Rama dhe rreth 11:30 pritet të nisë tryeza e Dialogut të Lartë për prioritetet kyçe, që nisi Nëntorin e vitit të kaluar, “me qëllim intensifikimin e punës së Shqipërisë ndaj reformave të domosdoshme në fushat kyçe me mbështetjen e Komisionit Europian.

Pas tryezës, pjesë e së cilës do të jetë edhe opozita shqiptare, ku bashkëdrejtuesit e tryezës Fule dhe Rama do të mbajnë një konferencë të përbashkët për shtyp.

Edhe pse është vizita e fundit në Tiranë, në axhendën e eurokomisionerit nuk është parashikuar një takim me Presidentitn e Republikës, Bujar Nishani.

Të drejtat e njeriut, gjyqësori, korrupsioni, krimi i organizuar dhe reforma e administratës publike janë 5 prioritetet kyçe për Shqipërinë.

Ky raund shënon takimin e parë që prej marrjes së statusit kandidat dhe mbahet pak ditë para finalizimit të raportit vjetor të progresit mbi Shqipërinë që parashikohet të publikohet në gjysmën e parë të Tetorit.

Sundimi i ligjit, reforma në gjyqësor dhe administratë, lufta ndaj krimit të organizuar dhe korrupsionit, zbatimi i deritanishëm i Marrëveshjes së Stabilizim-Asociimit, si dhe zhvillimet ekonomike në vend janë fushat kryesore që pritet të vlerësohen në raportin e vjeshtës, e midis të tjerash pritet të përmendet dhe çështja e vjedhjes në Bankën Qëndrore dhe arrestimi i drejtuesve të saj.

Nishani takohet me përfaqësues të diasporës: Kemi nevojë për më shumë miq

10:41 Politika

SHËNIM/ Kuvendi i PD “varrosi” Olldashin. Berisha dhe Basha kundërshtuan propozimin për kujtimin e tij

20:14 Politika

Të rejat e ditës së parë/ Fahriu dhe Çiljeta përjashtohen nga Këshilli Kombëtar, Kunati i jep Bashës zëdhënësen e kompanisë së tij

20:06 Politika

Gjuha vete ku dhemb dhembi

19:09 Politika

FOTOT/ Majlinda Bregu përlotet pas fjalimit të Berishës

18:35 Politika

Rama kthehet nga Italia: Interes real për investime

17:52 Politika

Rama: Dje na gjuanin me baltë, sot PD bën kongres e Qeveria sheh punën e saj

16:49 Politika

Këshilli i ri Kombëtar i PD-së/ Në listë Dritan Shano, 2 herë shef kabineti i Fatos Nanos

15:20 Politika

Basha kërkon falje për qeverisjen “Berisha”: PD do ringrihet nga hiri, si në ’97-n

14:35 Politika

Kuvendi Kombëtar i PD/ Berisha thirrje për protesta: Nuk ua shpërblej dot atë që bëtë për mua

14:11 Politika