Meta takon kryebashkiakun e Gjenevës/Mirëpresim investimet zvicerane

Kryetari i Kuvendit, Ilir Meta, gjatë qëndrimit në Gjenevë, në kuadër të pjesëmarrjes në punimet e sesionit të 131-të të Unionit Ndër-Parlamentar, u prit në një takim të veçantë nga kryebashkiaku i Gjenevës, Sami Kanaan.

Sipas njoftimit për shtyp nga Kuvendi, Meta tha se Gjeneva është një qytet i rëndësishëm për botën dhe në veçanti për Shqipërinë falë komunitetit domethënës shqiptar në Kanton dhe qytetin e Gjenevës.

“Kjo diasporë e mirëintegruar në Zvicër përfaqëson një urë të fortë lidhëse dhe bashkëpunimi mes dy vendeve dhe si e tillë duhet ta vendosim në funksion të intensifikimit të shkëmbimeve mes dy vendeve”, vuri në dukje  Meta.

Në këtë kuadër, kryetari i Kuvendit shprehu mirënjohjen për mbështetjen dhe vëmendjen që Bashkia e Gjenevës i kushton komunitetit shqiptar dhe projekteve të tyre komunitare.

Kryebashkiaku i Gjenevës, Sami Kanaan, theksoi se komuniteti shqiptar përbën një kontribut të vyer për jetën multi-kulturore zvicerane dhe Gjeneva në këtë drejtim ka luajtur një rol parësor duke i mbështetur.

Dy zyrtarët ranë dakord për forcimin e bashkëpunimit, veçanërisht në fushat e trashëgimisë kulturore dhe turizmit. Në këtë kuadër, Meta e ftoi Kanaan të zhvillojë një vizitë në Shqipëri së shpejti.

Gjatë fjalës së mbajtur në pritjen e organizuar në Bashkinë e Gjenevës, kryeparlamentari shqiptar vlerësoi marrëdhëniet e shkëlqyera me Zvicrën, si dhe mbështetjen zvicerane përmes Strategjisë së re të Kooperacionit Zviceran në Tiranë në fushat e demokratizimit, qeverisjes lokale, zhvillimit ekonomik, infrastrukturës urbane, energjisë dhe shëndetësisë.

“Shqipëria dëshiron ta forcojë këtë bashkëpunim dhe të mirëpresë më shumë investime zvicerane si në Shqipëri ashtu edhe në Kosovë e në gjithë rajonin e Ballkanit kryesisht në fushat e turizmit, energjisë dhe agropërpunimit dhe për këtë do ishte me vlerë edhe ngritja e një Dhomë të Përbashkët Tregtie mes dy vendeve”, tha Meta.

Ai po ashtu vlerësoi rolin e diasporës si një urë e fortë lidhëse mes kombit shqiptar dhe Konfederatës Zvicerane, Kantonit dhe Bashkisë së Gjenevës.

Incidentet në Beograd/Bumci: Serbët nuk arritën të dëshmonin vizion europian

16:40 Politika

BE kërkon të qetësojë situatën: Mirëpresim vizitën e Ramës në Serbi

15:35 Politika

Zyra e kryeministrit serb për CNN: Droni me flamurin shqiptar komandohej nga Olsi Rama

15:21 Politika 1 koment

Hoffmann: Reforma në drejtësi të jetë efikase që të luftojë korrupsionin

14:40 Politika

Blatter krah serbëve: Futbolli të mos përdoret për mesazhe politike

12:05 Politika

Basha politikë me ndeshjen e djeshme, i jep një titull nderi Kombëtares

11:49 Politika

Berisha bllokoi projektligjin e përgatitur nga OSBE pasi kontrollonte abuzimet me përgjimet

09:49 Politika

Rama: Krenar për kuqezinjtë dhe keqardhje për serbët, që lanë nam botërisht

23:07 Politika

Serbët heqin reklamën me fjalën "kuq e zi" nga stadiumi

20:05 Politika

Rama: Kjo është dita e futbollit, jo e politikës dhe urrejtjes

18:48 Politika