Qendra Kombëtare e Librit dhe Leximit vijon mbështetjen e saj për krijimtarinë letrare për fëmijë përmes Fondit “Libri për Fëmijë”, një projekt i rëndësishëm që synon të nxisë autorët shqiptarë dhe të kontribuojë në pasurimin e letërsisë për lexuesit e vegjël.

Drejtoresha e Qendrës Kombëtare të Librit dhe Leximit, Arta Marku, ka vlerësuar rëndësinë e këtij fondi si një mundësi të çmuar për të mbështetur autorët që i kushtohen letërsisë për fëmijë. Sipas saj, përkrahja e kësaj krijimtarie është thelbësore për të nxitur shkrimin, botimin dhe afrimin e fëmijëve me librin, duke krijuar ura të reja mes autorëve shqiptarë dhe brezave të rinj të lexuesve.
Pas një procesi vlerësimi nga juria e përbërë nga Flori Kasaj (kryetar), Rovena Rrozhani dhe Rudina Çupi, nga 16 dorëshkrimet që kaluan fazën e shqyrtimit u përzgjodhën 5 finalistë: Adelina Mamaqi, Aldo Mustafa, Fatmir Gjestila, Teuta Toska dhe Xhahid Bushati. Në përfundim të procesit, juria shpalli tre fituesit e këtij edicioni.

Teuta Toska – “Na quajnë Motrat Qiriazi”
Motivacioni: Për rrëfimin emocionues dhe bashkëkohor, që i njeh lexuesit me jetën, misionin dhe sfidat e motrave Qiriazi në shërbim të arsimit, gjuhës shqipe dhe identitetit kombëtar.
Xhahid Bushati – “Plaku me akullore”

Motivacioni: Për vlerat artistike të poezive dhe përrallave në vargje, që ndërthurin natyrën, fantazinë dhe botën emocionale të lexuesve, duke nxitur imagjinatën dhe dashurinë për leximin.
Adelina Mamaqi – “Tregimet e Kalendarit”

Motivacioni: Për tregimet plot humor dhe origjinalitet, që i shndërrojnë ditët e kalendarit në rrëfime argëtuese dhe edukative, duke nxitur kureshtjen e lexuesve.

Urime fituesve dhe finalistëve për kontributin e tyre në pasurimin e letërsisë shqipe për fëmijë!

A.K./TemA

Shiste bizhuteri floriri dhe ora luksoze të vjedhura, arrestohet 39-vjeçari në Lezhë, sekuestrohet mall me vlerë 300 mijë euro

Moti i keq “pushton” Elbasanin: Përmbyten rrugët, dëme në bujqësi

Kosovë/ Restaurohet shtëpia e Vehbi Haxhiut në Qendrën Historike të Prizrenit

Emërimi i Dados, avokati Ndreca: Gjykata Administrative u shmang, nuk e lejoi padinë të shqyrtohej, do ta vazhdojmë betejën me të gjitha mjetet ligjore

Kryeministri Burnham përuroi selinë e re qeveritare në Manchester, e emëron “Nr. 10 Veri”

Spanja shpall emergjencën kombëtare për shkak të zjarreve masive, mbi 10 mijë persona evakuohen