Te fundit
Selanik, emigrantët letër Bushatit për emërimet në konsullatë
18 Gusht 2015, 15:37Politika
TEMA
Pas emërimit të sekretares në konsullatën greke, të Merita Hidës, i cili u shoqërua me pakënaqësi nga socialistët e PS-së së degës në Selanik, kjo degë tashmë ka ngritur edhe shqetësimin e emërimit të konsullit, Artur Porpollogu.
Për të dyja këto emërime, kreu i PS-së i degës së Greqisë, Spiro Janaqi, i ka dërguar një letër konsulles së përgjithshme të Konsullatës Shqiptare Selanik, Pavlina Yllit, ku vë në dijeni edhe ministrin e Jashtëm, Ditmir Bushati, raporton gazeta Shqip.
“Në emër të grupit tim politik kërkoj sqarime dhe llogari deri në instancat më të larta për këto dy emërime, sepse ideja e përfaqësimit të emigrantëve në fushën diplomatike nga vetë emigrantët, doli pikërisht nga grupi që unë përfaqësoj, ide të cilat ia kaluam zyrtarisht Sekretariatit të Emigracionit, z. Erion Veliaj.
Por kurrë nuk patëm qëllim të përfaqësohemi nga njerëz, për të cilët nuk u pyetëm asnjëherë dhe për më tepër kur bëhet fjale për të tillë nivel. Madje këta të dy, si partiakë, në bashkëpunim të ngushtë me njëri-tjetrin lënë shkas për dyshime dhe afera, për korrupsion dhe mungesë transparencë. Ju shprehim indinjatën tonë të vendosur”, thuhet në letrën në emër të socialistëve të Greqisë.
Ndër të tjera, Janaqi në letrën e tij ka hedhur dyshime në lidhje me arsimimin e dy emrave të sipërpërmendur, duke thënë se do të kërkojë edhe lirimin e tyre.
“Artur Porpollogu dhe Merita Hida nuk përfaqësojnë asgjë, madje për ne janë të padëshiruar dhe nuk kanë vend as në konsullatë dhe as në diplomaci. Për këtë ne do të luftojmë me vendosmëri derisa të na jepet e drejta.
Do të doja t’ju pyes, cili është procesi i rekrutimit dhe sa i ligjshëm qe ky rekrutim për dy personat në fjalë? Sa i denjë është formimi profesional dhe arsimor i këtyre personave? Pse gjithë ky proces kalohet në fshehtësi të plotë, pa konkurse dhe transparencë?
Sepse jam i bindur që në një konkurs të radhës akoma dhe sekretarja juaj personale, nuk do të mundej të kalonte as në fazën paraprake.
Nuk ka mundësi një diplomë e universitetit “Aleksandër Xhuvani” i Elbasanit, apo një shkollë e lartë për blegtori e marrë me korrespondencë të jetë e denjë për vende të tilla delikate”, thuhet në letrën drejtuar konsulles së përgjithshme në Greqi.
6 komente në “Selanik, emigrantët letër Bushatit për emërimet në konsullatë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
o spiro po mos ishte per Turin ps ne greqi nuk do ekzistonte dhe kete e dine te gjithe po ti si grek po zbaton porosite e kishes
ooo se mos eshte hera e pare.Po pse idhulli i tyre shpirteror nuk ngjiti ne majat e pushtetit lopcare, shofere, elektriciste e injorante te tjere qe e cuan vendin ne zgrip te ekzistences!?…Zakoni trazmetohet permes gjakut.
Ministria e Jashteme nuk eshte kooperative e tipit te larte qe t’ju mare leje te gjithe emigranteve se ke do emeroje ne perfaqesi diplomatike. Gjithashtu nuk eshte prone e asnje partie.
UNE E DIJA SE PS E SELANIKUT MERESH VETEM ME ORGANIZIME KONCERTESH POR PASKA DHE PIKEPAMJE POLITIKE.SAPO RASH NGA DEGA E FIKUT TE PS NE SELANIK
Ca eshte ky qe e quan “grupin e tij politik”!!!!!!!!!!!!!!… Do kete mbetur pa pjese ne ndarjen e kekut e tani vjell pa kandar. Merita Hiden nuk e njoh, por Turin e kam patur shume shok ne shkolle e tema e tij e diplomes ishte me e mira e gjithe kursit per ate vit. Edhe nuk eshte aspak e vertete qe ai ka mbaruar me korespondence. Nuk dua te akuzoj njeri, por duket se rizgjedhja e Turit, e paska djegur keq Janaqin.
Unë njoh Z.Porpollogu, i cili i është përkushtuar problemeve të emigrantëve dhe ka punuar pa u lodhur për zgjidhjen e problemeve të tyre.Përderisa emërimet janë edhe meritë e aktivitetit në PS, nuk ka pse të gjykohet emërimi.