INVESTIGIMI/ Si u shitën hidrocentralet e Bistricës tek Kurum, ndërkohë që shteti duhet të paguajë kamatat e një huaje deri në 2044

Hec Bistrica 1 dhe 2, i janë shitur në  Maj të 2013, në masën e 100% të kapitalit, shoqërisë Kurum International. Vlera e shitjes ishte 52 milion euro. Nderkohë në vitet 1999-2011 nga shteti shqiptar, në këtë vepër, për rehabilitimin e plotë të saj, është financuar rreth 21 milion euro. Shume kjo e marre hua nga shteti. Edhe pse sot këto dy vepra jane privatizuar, huaja vazhdon të paguhet nga KESH. Pagesat do te vazhdojne deri në vitin 2044.

Procesi i shitjes se“HEC Bistrica 1 dhe 2” nisi mbështetur në vendimet nr. 152 dhe 153, te Keshillit te Ministrave të datës 29.02.2012. Kontrata e blerjes u permbyll me 21 maj 2013 dhe marrëveshja për blerjen e 100% të aksioneve të këtyre shoqërive eshte lidhur midis Ministrise se Ekonomise, Tregtise dhe Energjetikes, ne cilesine e pronarit dhe shoqërise “Kurum International”, ne cilesine  e fituesit te tenderit.

Te dy hidocentralet Bistrica 1 dhe Bistrica 2 jane rehabilituar plotesisht ne kuader te projektit “Furnizimi me energji i Shqiperise se Jugut BiSaBu” qe nisi 24 qershor 1999 dhe perfundoi me 31 dhjetor 2011. Me konkretisht investimet konsistonin në rehabilitimin e pajisjeve mekanike hidrike dhe instalimet ndihmëse, punime civile, rehabilitimin e pajisjeve shperndarëse, rehabilitimin e pajisjeve elektrike perfshi modernizimin dhe sistemin e ri të kontroll-monitorimit.

Vlera totale e projektit “Furnizimi me energji i Shqiperise se Jugut BiSaBu”” financuar nga banka gjermane KfË- Bankengruppe eshte rreth 33,2 milione Euro. Nga ky financim 21 milione Euro jane përdorur per rehabilitimin e plote të HEC Bistrica 1 dhe 2, ndërsa diferenca për investime të tjera ne sektorin energjetik. Periudha e shlyerjes së huase 33 milione Euro sipas skedulit të pageses ka nisur 31 Korrik 2007 dhe perfundon me 30 Dhjetor 2044.

Deri me tani KESH ka shlyer rreth 10 milionë Euro principal,  dhe rreth 2,2 milione Euro interes. Ne perfundim te afatit të shlyerjes së kësaj kredie, me dt.30.12.2044 parashikohet që KESH te shlyeje rreth 2,6 milionë Euro interesa dhe principalin e mbetur prej rreth 23,7 milione Euro.

Fiks Fare kontaktoi edhe me KESH,ish- administruesin e kësaj ketyre 2 Hec-ve. Kjo shoqëri na konfirmoi se vazhdon të paguajë huanë e marrë për rehabilitimin e veprës.  Ndërsa qe nga momenti i kalimit të pronesisë tek Kurum International, nuk ka më informacion për prodhimin e ketyre Hec-ve apo tregtimin e energjisë. Gjithashtu ne kontkatuam edhe Ministrinë e Industrisë dhe Energjitikës. Zv/ ministri i kësaj ministrie z. Ilir Bejtja deklaroi per kameran e Fiks Fare  se pas një auditi të detajuar, studimit të hollësishëm te dosjeve të privatizimit të Hec-ve, jo vetëm Bistrices 1 dhe 2, por edhe atij të Shkopetit dhe Ulzës, cështja i ka kaluar prokurorisë. auditit të kryer për këto shitje e ka cuar ceshtjen në prokurori.

Sipas auditit të kryer nga Ministria e Energjitikës, për Hec Bistrica 1 dhe 2 nuk rezulton të ketë vlerë rregullimi në çmimin e shitjes. Ku do të pëfshihej edhe vlera e investimit e kryer nga shteti shqiptar, vetëm dy vjet para shitjes. Në këto kushte, Ministria e Energjisë dhe Industrisë, në përmbushje të detyrimit ligjor të parashikuar nga neni 281 i Kodit të Procedurës Penale, kërkoi nga organi i akuzës rregjistrimin e procedimit penal ndaj shtetasve Florjon Mima dhe Enno Bozdo, për kryerjen e veprave penale të “Shpërdorimit të detyrës”, të kryer në bashkëpunim, të parashikuar nga nenet 248 e 25 të Kodit Penal.

Megjithatë ky audit zgjati më shumë se dy vjet. Sipas zv/ministrit kjo për shkak të volumit të dosjeve, dhe për faktin së i gjithe dokumentacioni nuk ishte më në dorë të shtetit por të nje subjekti privat. Sipas tij, kudërshtimi i kontratave te lidhura nga shteti me privatin, kanë nje afat kohor për rreth tre vjet. Ai theksoi se janë duke punuar ngushtë me prokutorin, pasi mendohet se nëse vetëm për Hec Bistrica 1 dhe 2, dëmi të jetë më i madh. “Nëse llogaritet edhe fitimi i investimit  të kryer nga shteti që do të kthehej në rreth 15-17 vitet e ardhshme atëherë, dëmi shkon deri në rreth 110 milion euro, vetëm për Bistricen.”

Fiksi mori kontakt edhe me Kurum International, lidhur për të kërkuar informacion mbi prodhimin e ketij hidrocentrali pas shitjes, dhe investimet e bëra nga kjo kompani në këtë vepër pas blerjes. Nga kompania, na thanë të konktaktonim me anë të e mailit drejtorin  e këtyre Hec-eve, z. Nexhat Maliqi. Por pavarësisht kësaj, ne nuk morëm asnjë përgjigje për pyetjet tona.

Qeveria shpall fitues Eurosig në tenderin për blerjen e INSIG

09:21 Ekonomia

Dizinflacion, shpjegimi i ri për situatën aktuale ekonomike

12:04 Ekonomia

TAP në pesë vite do të investojë 5.6 mld euro

09:55 Ekonomia

FMN: Ekonomia shqiptare do rritet me 3.4 përqind gjatë 2016

16:08 Ekonomia

Zbardhen borxhlinjtë e Kurum dhe arsyet e falimentit

10:48 Ekonomia

Prostitucion dhe drogë, prangosen 4 shqiptarë në Itali

13:45 Ekonomia

Kinezët marrin naftën në Shqipëri/ Bankers Petroleum shitet për gjysmë miliard euro

16:02 Ekonomia

Shitjet on line: Biznesi i vështirë virtual në Shqipëri

09:47 Ekonomia

Fundi i Call Center në vendet në zhvillim

10:19 Ekonomia

Lufta e gazsjellësve, “loja” e Italisë dhe anashkalimi i Shqipërisë

11:47 Ekonomia