Federata Shqiptare e Futbollit ka reaguar pas vendimit që CAS mori ndaj Skënderbeut duke e përjashtuar nga Kupat e Europës për akuzën e trukimeve të ndeshjes.
Nëpërmjet një deklarate për shtyp FSHF-ja nuk ka asnjë reagim në lidhje me këtë skandal, por mjaftohet vetëm me lajmin se Partizani do të zëvëndësoje Skënderbeun në Champions League.
Në asnjë rresht FSHF-ja nuk shpjegon nëse do të jetë një ndëshkim nga ana e saj për korçarët të cilët akuzohen për trukime ndeshjes.
Njoftimi i plotë i FSHF-së.
Vendimi i KAS të Lozanës për pezullimin e Skënderbeut për një vit nga UEFA Champions League, e ka detyruar UEFA-n, që të marrë një vendim për zëvendësimin e korçarëve me ekipin e Partizanit, i cili u rendit i dyti në Kampionatin Kombëtar të Kategorisë Superiore. Ky vendim është marrë sot. Partizani do të luajë më datë 13 korrik për UEFA Campions League, kundër skuadrës hungareze të Ferencvaroshit.
Takimi i nesërm midis Slovan i Bratislavës dhe Partizanit do të zhvillohet, sipas parashikimit por thjesht për tifozët, pasi rezultati nuk ka asnjë vlerë. Slovan kalon në turin e ardhshëm UEFA Europa League, ndërsa Partizani, do të luajë në kompeticionin më të rëndësishëm eruropian, që është UEFA Champions League.