Te fundit
LETRA/ Drejtori i Burgjeve jep dorëheqjen, i çon kërkesën Ylli Manjanit
15 Korrik 2016, 11:55Kronika
TEMA
Drejtori i Përgjithshëm i Burgjeve, Artur Zoto ka dhënë dorëheqje nga detyra. Ai i është drejtuar me një leter ministrit të Drejtësisë Ylli Manjani, duke i parashtruar arsyet e kërkesës për dorëheqje nga detyra.
Letra drejtuar ministrit Manjani:
“I Nderuar Zoti Ministër, Me Urdhrin e Kryeministrit të Shqipërisë Nr. 149 datë 03.10.2013 jam emëruar në detyrën e Drejtorit të Përgjithshëm të Burgjeve.
Duke marrë në konsideratë situatën e sistemit të burgjeve shqiptare dhe rëndësinë si institucion i veçantë i sigurisë kombëtare, u angazhova maksimalisht për kryerjen me përgjegjshmëri të lartë të detyrave funksionale në zbatim të akteve ligjore dhe nënligjore në fuqi.
Gjatë periudhës që kam ushtruar detyrën e Drejtorit të Përgjithshëm të Burgjeve janë ndërmarrë një sërë reformash dhe iniciativa të rëndësishme, të cilat kanë synuar zbatimin e ligjshmërisë në Institucionet e Ekzekutimit të Vendimeve Penale, si dhe transformimin e sistemit të burgjeve në një mundësi rehabilitimi për personat me liri të kufizuar.
Prioritet i është dhënë forcimit të masave antikorrupsion, kur për herë të parë përgjatë viteve 2013-2016 u vunë në zbatim masa specifike për parandalimin e korrupsionit në sistemin e burgjeve, kontrollin dhe monitorimin e praktikave të dhënies së lejeve shpërblyese dhe të veçanta për personat me liri të kufizuar, si dhe forcimin e mekanizmit të kërkesë ankesës në bashkëpunim të ngushtë edhe me aktorë të jashtëm.
Gjithashtu, gjatë viteve që kam ushtruar këtë funksion publik, jam përkushtuar për ndryshimin e filozofisë së menaxhimit të sistemit të burgjeve, nëpërmjet vënies në funksion të metodologjive bashkëkohore për administrimin e sigurisë në institucionet penitenciare, regjimin ditor të personave me liri të kufizuar, vlerësimin e performancës individuale të stafit si dhe të institucioneve, duke vendosur baza të rëndësishme për organizimin dhe funksionimin në nivel qendror dhe lokal.
Duke e konsideruar të pamundur ushtrimin e kësaj detyre në vijim, për shkak të arsyeve personale dhe familjare, ju paraqes dorëheqjen time nga detyra e Drejtorit të Përgjithshëm të Burgjeve.”
6 komente në “LETRA/ Drejtori i Burgjeve jep dorëheqjen, i çon kërkesën Ylli Manjanit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Trafikant I Rinasit..
nen drejtori i burgjeve qe u arrestua eshte mik i ngushte i like floririt (bllokut) dhe likja nuk ja fal kete dem drejtorit te pergjitheshem . likja dhe berisha jane e keqe e madhe o njerez , na e moren frymen 25 vjet.
Korrekt dhe shembull profesionalizmi, gjynah.
Nga drejtuesit me te mire we kam njohur ne polici.
Clesh drejtuesi ka qen ne polici ai? Me pameca ka punuar tere kohen perkthyes ?
Nga punonjesit me te afte te policise Shqiptare.