Te fundit
Veliaj: Në 20 janar diskutohet e ardhmja e Piramidës
15 Janar 2017, 20:32Sociale
TEMA
Në Galerinë Kombëtare të Arteve në Tiranë u çel sot ekspozita me mbi 100 kryevepra të artit italian të 1900-ës. Falë bashkëpunimit të Bashkisë së Tiranës, Galerisë Kombëtare të Arteve, Ministrisë së Kulturës dhe Kryeministrisë, ekspozita e kuruar nga Maria Catalano, Federica Pirani dhe Stefano Roffi, do të prezantojë para qytetarëve kulturën artistike të Romës, duke kaluar nga Simbolizmi, Futurizmi, Klasicizmi i Ri, Shkolla Romane, Abstraktizmi. I pranishëm në hapjen e kësaj ekspozite ishte edhe Kryetari i Bashkisë së Tiranës, Erion Veliaj, i cili falenderoi të gjithë ata që mundësuan që këto vepra të kulturës italiane të vizitohen edhe nga artdashësi shqiptar.
“Me gjithë zemër faleminderit atyre që na mundësuan të kishim një ekspozitë fantastike, me një mori kryeveprash italiane të ‘900 në Tiranë. Ne insistojmë shumë që shteti, qeveria, Kryeministri, Bashkia jonë të mundësojë sa të mundet. Në fakt, e kishim të pamundur të përballonim koston financiare të sigurimit te transportit dhe të gjithë detyrimet e tjera, ndaj u jam shumë mirënjohës kompanive shqiptare që e bënë të mundur realizimin”, tha Veliaj. Ai u shpreh se ky është edhe një moment reflektimi mbi çfarë mund të jetë qyteti kur gjërat janë të bukura.
“Impakti i një gjëje të bukur, meshije, që është estetike dhe e pastër në jetën e një qyteti, është e jashtëzakonshme. Mjafton të shikosh statistikat e kompanisë publike të pastrimit, e cila thotë se në vendin ku është instaluar art, nuk bëhet pis. Që kur kemi instaluar “Renë”, këtu përballë, tek oborri që rrinte bosh është ndoshta hapësira më e pastër, po edhe ku nuk kemi nevojë të pastrojmë, sepse njerëzit nuk bëjnë pis aty kur gjërat duken bukur. Nga të gjitha aktivitetet e Vitit të Ri, më raportuan që lulishtja përballë Kuvendit të Shqipërisë, ku ishin kryeveprat monumentale, monumentet e dritës, ishte vendi ku pastrimi i qytetit nuk punoi asnjë ditë gjatë muajit dhjetor, sepse arti impononte edhe një sjellje të bukur, një sjellje të hijshme dhe të pastër të qytetit”, u shpreh Veliaj.
Kreu i Bashkisë deklaroi se në bashkëpunim edhe me shkollat, nxënësit do të kenë mundësi që të shohin nga afër kryeveprat e artit italian. “Do doja të bëja një ftesë, kryesisht për disa nga drejtoreshat e shkollave që gjatë gjithë kësaj kohe, nga tani deri në datën 2 prill ku do të jetë e hapur ekspozita, të kemi mundësi që jo vetëm të ekspozojmë bukuritë e Romës dhe të Italisë në Tiranë, por të ekspozojmë sa më shumë prej fëmijëve tanë përpara këtyre bukurive”, tha ai.
Veliaj tha se javën e ardhshme do të hapen edhe disa hapësira të tjera për artin, ndërsa bëri të ditur se në datë 20 janar, me arkitektin e njohur nga Roterdami, Vini Mas, do të ketë një diskutim për të ardhmen e Piramidës. Ai bëri të ditur se të premten në orën 19:00, do të organizohet një festë për të rihapur Piramidën edhe për të rinjtë, ku do të bëhet publik edhe Kryetari i Bashkisë për jetën e natës. “Ne besojmë se është një industri për një qytet që do të jetojë 24 orë dhe për një turn të tretë”, tha Veliaj.
3 komente në “Veliaj: Në 20 janar diskutohet e ardhmja e Piramidës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po eshtrat e babait te PD-LSI-PS…..enver hoxhes ku do i coni???
Se ne Piramiden Masonike/Komuniste te projektuar nga Drakula Pranvere per Babain e saj Kryedrakulen Enver,aty jane kockat,ato ku do i mshifni??
Apo do i beni restaurim kockave dhe varit te Diktatorit.
Njerez INJORANTE dhe KOKTRASHE! Piramida eshte ndertuar si Muzeu i Enver Hoxhes,kurre mos e harroni kete. Mos kini asnje dyshim,nuk do jete e larget dita qe ai ndertim te rikthehet ne origjine dhe te ribehet Muzeu i Enverit,Heroit Kombetar te shqiptareve. Pasionet dhe interesat politike do shuhen shpejt me kohen dhe ajo qe do mbetet do jete HISTORIA! Sado te trashe te jeni,kuptojeni perfundimisht se historia e ENVERIT eshte madje shume here me e madhe dhe e lavdishme se ajo e Gjergj Kastriotit! A nuk e dini se si ruhen vetem disa rrenoja te kishes ku eshte varrosur Kastrioti ne Lezhe dhe se sa te vlefshme jane ato!? Gjergji beri nje histori te lavdishme dhe ndertoi te parin shtet 25 vjecar,te qendrueshem shqiptar dhe me te drejte ne e kemi Hero Kombetar. A e paramendoni se cfare historie ka bere Enveri me ndertimin e nje shteti shqiptar 50 vjecar,jo thjesht te qendrueshem,por krejt te organizuar dhe te fuqishem! Keni dyshime per kete,sepse mendja ju eshte trallisur nga “rrefimet mbi krimet e diktatures”!? Mos u beni budallenj,eshte thjesht propagande! Eshte e vetkuptueshme se kush nderton shtet ka ndertuar nje mekanizem dhune,prandaj quhet shtet. E ju kujtoni se pas 50 vjetesh njerezit do interesohen per ideologjite politike te kohes se Enverit!? Sa nga ju sot interesohen per ideologjine politike te Gjergj Kastriot Skenderbeut!? Askush!!! Sa nga ju sot interesohet se sa veta eleminoi apo deboi Skenderbeu per te vendosur forcen e shtetit te tij!? Askush!!! Kush nuk e vlereson produktin e veprimtarise historike te Gjergj Kastriotit!? Te gjithe e vleresojne (me perjashtim natyrisht te arabo-tyrcelinjve,ketyre tradhetareve te shqiptarizmes). Mos kini asnje dyshim,vleresimi historik per Enver Hoxhen do jete i lavdishem si Hero Kombetar! Ata qe do jene kunder do jene vetem tradhetaret e kombit! Thirrini mendjes,mos u beni ju bartesit fillestare te maskarenjve tradhetare qe mund te lini nga pas!
Piramida do te ribehet Muzeu i Heroit Kombetar te shqiptareve Enverit dhe aty do rivarrosen me nje ceremoni madheshtore eshtrat e Kryeudheheqesit tone! Kur!? Kjo s’ka rendesi,por qe kjo do te ndodhe kjo s’ka piken e dyshimit! Mbajeni vath ne vesh ?
Piramida eshte ndertuar me parate e Shqiptareve,nuk mund te vendos nje arkitetkt i vetem,le t’u kthehet atyre, pra qytetareve shqiptare, si ambjent kulture.Pavarsisht sensit politik per te cilen Piramida u ndertua, si veper arqitektonike,zgjidhjadhe proporcioni me ate c’ka projektuan dhe ndertuan arkitektet e medhenj italiane, eshte ne harmoni te plote.Si ndertim arqitektonik ajo i ka rezistuar dhe do t’i rezistoje dhe do t’i rezistoje kohes.