Nis punën linja e re e autobusit “Materniteti i Ri – ish Fusha e Aviacionit”

Mijëra banorë të Njësisë Administrative Nr.7, që jetojnë në zonën e ish Fushës së Aviacionit, nuk do u duhet të ecin kilometra në këmbë për të arritur në qendër apo në zona të tjera të Tiranës. Bashkia e Tiranës ka mbajtur premtimin duke plotësuar një kërkesë të hershme të banorëve të zonës, duke vënë në funksion një linjë të posaçme autobusësh urbanë, e cila do të jetë zgjatim i linjës ekzistuese Materniteti i Ri-Qendër.

Itinerari i ri i linjës që kalon përmes Rrugës së Kavajës dhe “21 Dhjetorit” u inspektua nga kryebashkiaku Erion Veliaj,i cili vlerësoi se me shtimin e automjeteve dhe kontrollit të vazhdueshëm, transporti urban në Tiranë ofron shërbim më të mirë.

Veliaj tha se linja ekzistuese ka pësuar rritje në flotën e automjeteve, duke rritur frekuencën e mbërritjes në stacione. “Mbajmë një premtim që e kishim bërë për banorët e njësisë 2 dhe 7. Këtu jemi në fund të ish Fushës së Aviacionit, i cili mund të kishte që para rënies së komunizmit që s’kishte parë autobusë. Është risi, kemi sjellë një linjë të re, e cila nga 11 autobusë i ka çuar në 17 mjete, për t’u siguruar që nga periferia afër Depos së Ujit në zonën e “Mihal Gramenos” e Maternitetit të Ri, deri këtu në zonën e ish Fushës së Aviacionit, duke kaluar kryq e tërthor Tiranës, përmes “21 Dhjetorit” dhe Inxhinierisë së Ndërtimit, u shërbejnë mijëra banorëve vetëm me një biletë.

Më parë qytetarët duhet të ndërronin dy linja dhe paguanin dy bileta për të njëjtën distancë. Linja është e re dhe do të ketë një frekuencë çdo 10 minuta”, u shpreh kryebashkiaku, duke bërë të ditur se edhe këto automjete do të jenë të pajisura me sistemin GPS.

Linjat “Materniteti i Ri – Qendër – Ish Fusha e Aviacionit” dhe “Qendër – Mihal Grameno -Qendër” që është linjë ekzistente, në segmentin Materniteti i Ri – Qendër – Ish Fusha e Aviacionit merr zgjatim përtej qendrës, në drejtim të Rrugës së Kavajës dhe në zonën e ish Fushës së Aviacionit.

Bashës i del protesta nga duart: Nis të flasë për naftëtarët, por gruaja që merr mikrofonin kërkon t'i nxjerrin djalin nga burgu

11:20 Sociale

FOTOT/ Veliaj tregon Bashkinë, ndërkohë që sheshi “Skënderbej” merr formë

10:27 Sociale

VIDEO/ Publikohen pamjet, ja momenti i përplasjes së avionit me qendrën tregtare

09:12 Sociale

Aksidenti i frikshëm, motoçiklisti fluturon në oborrin e shtëpisë

04:02 Sociale

Video virale: Goma jashtë kontrollit i shkakton frakturë në kafkë kalimtarit

23:24 Sociale

VIDEO/ Melania Trump në depresion? Mjafton një prekje nga presidenti dhe…

08:58 Sociale

Kodheli, në përurimin e Zyrës së Punës e nënshkrimin e Paktit të Mirëqenies Sociale në Bulqizë: FA ofrojnë mundësi punësimi për të rinjtë

17:21 Sociale

Godole në Zululand: “Nuk më ka shock-uar simpatia për Enver Hoxhën që doli nga sondazhi”

20:41 Sociale

Veliaj: “Ndërtojmë 60 banesa të reja sociale, zgjidhje për strehimin e 400 anëtarëve të komunitetit rom”

14:30 Sociale

Veseli nderohet me “Çelësin e Qytetit”: “Puna e Veliajt në Tiranë inkurajuese, shembull i përgjegjësisë ndaj qytetarëve”

12:28 Sociale