Te fundit
Strazo shpërthen ndaj Knut Fleckenstein dhe eurodeputetëve: S’kanë sy të shohin kriminelët në Shqipëri
22 Shkurt 2017, 15:37Politika
TEMA
Thirrjet e Knut Fleckenstein dhe Komisionerit Hahn drejtuar opozitës që të rikthehet në Kuvend për të mos bllokuar reformën në drejtësi, e sidomos Vettingun, janë dëgjuar edhe në çadrën e Partisë Demokratike.
Më i ashpër ka qenë reagimi i deputetit demokrat, Gent Strazimiri.
“Unë mendoj që nëse do të ishte e vërtetë që raporteri, veshi dhe syri i Europës për Shqipërinë shikon përralla sikur nuk ka kriminelë në Parlament, kjo do të ishte e dhimbshme. Shikon përralla sikur ky Parlament i mbushur me kriminelë, 19 aq sa mendonte Kryeministri se nuk janë, por janë fiks aq sa thamë ne, mund të bëjë reformën në drejtësi më të mirë dhe jo vetëm në letër”, tha ai për Top Channel.
Ridvan Bode deklaroi se opozita është pikërisht atje ku duhet të jetë, në krah të qytetarëve, sipas tij.
“Jemi duke bërë punën atje ku e kërkon populli sot. Më shumë se kjo protestë, kërkesat e kësaj proteste, garantimi i zgjedhjeve të lira, largimi i bandave dhe i parave të pista nga procesi zgjedhor, lejimi i qytetarëve që të votojnë të lirë, mendoj që është kontributi më i madh që mund të japë një parti politike me grupin e saj parlamentar në ditët e sotme”, u shpreh Bode.
Ish-kryetarja e Kuvendit foli për kushte anormale të vendit.
“Po të ishim në kushte normale nuk do të kishte asnjë diskutim të bojkotit apo të daljes nga Parlamenti. Nuk jemi në kushte normale. Është një zgjedhje që as mua nuk më pëlqen, është një nismë e padëshiruar nga gjithë deputetët, por është një tjetër mënyrë për të tërhequr vëmendjen dhe për të thënë se a mund të lejojmë ne, a mund të bëjmë ne sikur në Shqipëri nuk ndodh asgjë?!”, deklaroi Jozefina Topalli.
4 komente në “Strazo shpërthen ndaj Knut Fleckenstein dhe eurodeputetëve: S’kanë sy të shohin kriminelët në Shqipëri”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Strazo Koburja, kryeministri nuk mendonte 19 parlamentare te inkriminuar. Ju e deklaronit ne foltoren e parlamentit. Jeni mesuar qe fjalet qe thoni tja faturoni te tjereve.. Po mblidhet laku..
HHAAAAHAAA po ky plera eshte krimineli numer nje aty ky qe rrinte me pistolet ne brez ndyrsira.
Ojjj, po sikur Strazimiri, Basha, Berisha dhe te tjere ne kahun e tyre te jene kriminele dhe te korruptuar ne dosje te ‘trasha’ qe I kane dhe sherbimet e huaja. Po sikur keto perrallat e krimit dhe zgjedhjeve akoma te pabera te jene qoka per te shpetuar by… e PD-se? po sikur protestat te jene alibi qe PD te vonoje reformen ne drejtsi, qe per dreq eshte e varur nga pjesmarrja e kesi lloj deputetesh ne parlament. Duket sikur te huajt e hedhin veshtrimin pak me tutje se Strazimirat e Shqiperise.
ky komisioneri nuk duhet te besoje te gjitha genjeshtrat qe i tregon edi rama…por te shohe hallet e popullit deh problemet qe i ka shtuar kjo qeveri