"Rruga e Arbrit" do jetë me pagesë, tarifa e kalimit 4 euro për makinë?

Qeveria po përgatitet të hapë tenderin për ndërtimin me koncesion të Rrugës së Arbrit, ndërsa tarifa e kalimit pritet të jetë 4 euro për makinë.

Në mbledhjen e djeshme qeveria miratoi propozimin e kompanisë shqiptare “Gjoka Konstruksion”, duke i dhënë bonusin me 10 për qind të pikëve totale të garës për vlerësimin e propozimit të pakërkuar. Kompania shqiptare ka kërkuar që rrugën ta ndërtojë për 46 muaj me koncension, ndërsa tarifa e kalimit të makinave të jetë 4 euro.

Gazeta ‘Panorama’ zbardh relacionin e vendimit për ofertën e kompanisë shqiptare dhe vlerësimin që i ka dhënë qeveria. Projekti arrrin shumën totale të 246 milionë eurove. Kompania do të përdorë gjithashtu edhe fondet nga buxheti i shtetit, të cilat duhet të jenë rreth 60 milionë euro për 4 vitet e para.

Nga ana tjetër, kalimi i makinave në rrugë do të jetë me pagesë. Kompania ka kërkuar të aplikohet një tarifë mesatare 4 euro për makinë dhe propozon që të ardhurat të ndahen me qeverinë në nivelin 50 për qind. Fluksi mesatar i mjeteve në rrugë pritet të jetë 3.690 makina/ ditë.

“Duke aplikuar një tarifë mesatare prej 4 eurosh/ makinë të ardhurat nga pagesa e kalimit të rrugës do të jenë rreth 53 milionë euro për një periudhë 10-vjeçare. Gjysmën e kësaj shume prej 26.5 milionë eurosh e përfiton kompania dhe kjo vlerë zbritet nga shuma totale e të ardhurave nga shteti. Çdo e ardhur mbi këtë vlerë i takon direkt buxhetit të shtetit. Vlera prej 246 milionë eurosh është vlera totale për pagesat e shtetit, plus pagesat nga tarifat e kalimit të makinave.

Çdo e ardhur që i takon shoqërisë nga pagesat e kalimit të makinave, 50 për qind e shumës, zbritet nga pagesa që do të bëjë sheti, pra shteti paguan diferencën për të arritur te vlera 246 milionë euro”, shpjegohet në relacionin e vendimit. Qeveria vlerëson se nëse të ardhurat nga e rrugës nuk realizohen, risku do të merret nga kompania.

“Nëse do t’i referoheshim mënyrës se si janë shpërndarë risqet sipas këtij propozimi rezulton se kjo mënyrë përmbush parimin e shpërndarjes efektive të riskut, duke e bërë këtë projekt të partneritetit publik-privat të realizueshëm. Nga studimi i fizibilitetit rezulton se shoqëria ‘Gjoka Konstruksion’ ka marrë përsipër pjesën më të madhe të risqeve dhe së bashku me to koston e tyre. Gjithashtu, kompania merr përsipër riskun e mosrealizimit të 50 për qind të të ardhurave të pritshme nga pagesat e përdoruesve të rrugës”, shpjegohet në relacion.

Rruga e Arbrit, 250 mln euro; Qeveria miraton propozimin: Ndërtimi i saj do zgjasë 46 muaj

16:00 Ekonomia

Një kompani arabe premton një kullë në Tiranë dhe kërkon parajsë fiskale për 15 vjet

21:13 Ekonomia

Bie çmimi i kastravecave në Serbi, importohen me shumicë nga Shqipëria

21:35 Ekonomia

Ministri Gjiknuri: Reformat e të bërit shtet nuk duhet të ndalen

10:47 Ekonomia

Forumi Ekonomik Global: Europa Lindore po shkon drejt start-up, shembulli i Shqipërisë

10:33 Ekonomia

Apartamentet në bregdet nuk preferohen më, tani të gjithë duan vilat

10:18 Ekonomia

Ekonomia, kërcënim i ri: Bie popullësia në moshë për të punuar

19:54 Ekonomia

Mbështetja e Austrisë në arsimin profesional në vendin tonë

11:30 Ekonomia

Qeveria zgjidh përfundimisht dëmshpërblimin e banorëve të nën Shkodrës

19:31 Ekonomia

Rritja e besimit në ekonomi, është në nivelin më të lartë në 10 vite!

18:11 Ekonomia