Te fundit
Ministrja e Financave, presion punonjësve të doganave me “Rambon” në krah
25 Maj 2017, 12:08Politika
TEMA
Ministrja e re e Financave, vizitën e parë të punës e ka bërë në Doganën e Durrësit, ndërsa shoqërohej nga Dritan Demiraj.
Ajo iu ka bërë presion punonjësve të Doganës, që të mos përfshihen në fushatën zgjedhore.
“Ministrja e Financave Helga Vukaj kërkoi nga administrata doganore të distancohet nga çdo veprim i paligjshëm që cënon standardet zgjedhore.
Gjatë një inspektimi në Degën Doganore Durrës, ministrja Vukaj theksoi rëndësinë e përmbushjes së objektivave fiskalë dhe vlerësimin strikt të procedurave doganore për të shmangur çdo rast abuzimi, që favorizon operatorë të veçantë të biznesit, me qëllim financimin e aktiviteteve elektorale.
Ministrja paralajmëroi masa administrative dhe ndjekje penale për çdo punonjës që shkel ligjin.
Ajo kërkoi me prioritet nga agjencitë ligjzbatuese rritjen e eficencës së kontrolleve doganore kundër trafikut të drogës dhe hartimin e një plan-veprimi për një reagim të shpejtë dhë të koordinuar me Policinë Kufitare.
Në takimin me Shërbimin Doganor dhe Policinë Kufitare Durrës, ministrja e Financave Helga Vukaj shoqërohej edhe nga ministri i Brendshëm, Dritan Demiraj”, thuhet në një njoftim të Ministrisë së Financave.
Lini një Përgjigje
Më të lexuarat
24 oret e fundit
Javen e fundit
Blog Tema
