Te fundit
Çuditë e listës së Bashës: Zogistë, ballistë, ministrat e Berishës dhe ish-shefi i Shtabit
27 Maj 2017, 09:10Politika
TEMA
Nga Ardit Rada
Partia Demokratike ka publikuar listat e kandidatëve për deputetë në zgjedhje e 25 qershorit pas mbarimit të afatit zyrtar për dorëzimin e tyre në KQZ. Megjithëse pritej që Basha të përjashtonte kritikët nën frymën e Sali Berishës, e papritur ishte përfshirja e disa emrave si kandidatë të PD-së.
Herë në renditje të sigurtë e herë të diskutueshëm, emrat në fjalë mund të tejkalohen për dikë që nuk e njeh skenën politike prej kohësh.
Por Lulzim Basha teksa ka vendosur të kandidojë aleatët në vende të sigurta, ka përjashtuar emra të njohur si Arben Imami, Astrit Patozi, Jozefina Topalli, Majlinda Bregu, Eduart Selami etj.
Një risi në listën e kandidatëve janë disa personazhe të diskutueshëm. Jo vetëm për emrin, por edhe prurjen në këtë listë. Me përjashtim të Qarku Tiranë ku Basha ka vendosur të kandidojë emrat ‘e dashur’ prej tij dhe Berishës, të bie në sy përbërja e qarqeve të tjerë.
Në Tiranë risi është vetëm emri i vajzës së Azem Hajdarit si e treta në listë apo rikthimi i Halim Kosovës.
Ndërkohë, në krye të Shkodrës është emri i historianit Romeo Gurakuqi, ndërsa në Korçë kryeson historiania Valentina Duka. Në Shkodër gjithashtu një ndër emrat pretendentë për t’u zgjedhur si deputet është edhe ish-kreu i Bashkisë, Lorenc Luka.
Nga ana tjetër, në Vlorë kandidon përballë Edi Ramës, kryetari i Ballit Kombëtar. Më saktë, Adriatik Alimadhi renditet i gjashti në listën e Partisë Demokratike.
Risi përbën edhe Gjirokastra lista e së cilës jo vetëm kryesohet nga Tritan Shehu, por pasohet nga nipi i Dash Alikos së Lazaratit, Roland Bejko dhe ish-ministri i Berishës Kosta Barka. Minstra të tjerë të Berishës janë edhe Flamur Noka, Enkelejd Alibeaj, Genc Pollo e plot të tjerë. Por Barka është një emër i ‘harruar’ për publikun teksa ka qenë ministër i Punës dhe Çështjeve Sociale në qeverisjen e parë 2005-2009.
Dibra është një tjetër surprizë sa i përket emrave. Qarku në fjalë kryesohet nga ish-drejtoresha juridike e Bashkisë Tiranë dhe e Ministrisë së Brendshme kur këto dy institucione drejtoheshin nga Lulzim Basha në kohë të ndryshme. Ajo është Dhurata Çupi që mori për pak kohë mandatin e Sherefedin Shehut kur ky i fundit garoi për Bashkinë Dibër.
Çupi pasohet nga Xhemal Gjunkshi, ish-Shefi i Shtabit të Përgjithshëm në kohën e qeverisjes “Berisha”…
Po ashtu, Dibra duket se është kthyer në një hambar për aleatë, miq dhe sugjerime të ngushta. I katërti në qarkun verior është Sulejman Gjana, kreu i Partisë Lëvizja e Legalitetit, që pretendon se përfaqëson familjen mbretërore të Zogut. Ai zuri vendin e Ekrem Spahisë në krye të PLL-së disa vite më parë.
Ne Fier, Basha kandidon të sigurt në vend të tretë Myslim Murrizin, kreun e PD-së së Lushnjes me banim në Sauk dhe që u bë i njohur kohët e fundit për sherrin me një polic rrugor në Tiranë.
Në Korçë kandidon nën siglën e PD edhe djali i gazetarit Fahri Balliu. Këshilltari i Bujar Nishanit, Klevis Balliu, renditet i katërti në listën e PD. Basha ka futur në listë edhe ambientalistin Sazan Guri. Ky i fundit është i pesti për PD-në në Berat.
Ndërkohë, Preç Zogaj është rikthyer zyrtarisht pranë Partisë Demokratike. Ai garon për Bashën si i pesti në Lezhë.
Në Korçë, Basha ka rikthyer Ligoraq Karamelon. Një figurë e njohur për minoritetin grek, që u largua nga Vangjel Dule dhe krijoi partinë e tij vite më parë.(Javanews)
7 komente në “Çuditë e listës së Bashës: Zogistë, ballistë, ministrat e Berishës dhe ish-shefi i Shtabit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Xhunkshi super i korruptuar. Ka marre para nga ushtaret per ti derguar ne Irak dhe Chad kur ishte komandant i regjimentit komando keshtu ka bere edhe Fatmir Loka koloneli qe sherben ne USA dhe rikthehet perkohesisht per te menagjaur parate e procesit te gradimeve dhe arsimimeve ne ushtri bashke me Arian Krajen sekretar i Pergjithshem ne MM i cili po ashtu do marre emerim ne USA per llogari te Shqiperise. Vijojme me Xhunkshin i cili ka vjedh parate e tenderit te uniformave te ushtrise (shikoni uniformen aktuale te ushtarve qe duken si karrocier). Xhunkshi ka marre para per te graduar dhe promovuar oficerat dhe kapterat. Xhunkshi ka paguar para per tu perfshire ne listen e sigurte te PD. Xhunksh o Xhunksh te shurrofshin Xhunksh. kjo do ti ndodhe kur te perfundoje ne burg nga ato qe ka bere dhe do beje pasi eshte edhe budalla nuk njeh karar.
Ka edhe idiote brenda.
Banda PD kurre ska pas te perbashket me demokracine dhe demokratet e vertete. Jane te gjithe trashegimtaret e sigurimit te shtetit si dhe nga familje tejet komunste.Merr Saliun dhe Lulzimin, dy pjella te komunizmit enverist.
Mos harrojme qe PS e Gramoz Rucit e Kac Islamit dhe Spartak Brahos s’mund ta kuptojne kurre demokracine apo te reformohen.
po kush jane te sigurimit, o komentues ppsh? se as saliu, as luli nuk jane akuzuar per bashkepunetore te sigurimit. lista eshte me emra te rinj, qe njihen ne shoqerine shqiptare. nga deputetet e kaluar kane ngelur nja 15 vete. le te presim 25 qershorin, pastaj flasim. basha do kete meriten ose pergjegjesine per listen.
Ti gezosh “landi” ,ketu sbehet fjale per te djathte o te majte ,po ne muter” dhe ne antishqiptare….me mire mutet…
Ha ha ha cuni i Fariut , mbesa e Frrok Cupit a ka ngel mo ndonji spiun sigurimi pa u fut ne PD??
Ore po ajo Megi Pjeshka pse nuk asht ne listen e deputeteve. Nuk e len shoku i vet lacian apo si.