INTEGRIMI/ 7 shtete evropiane apelojnë ndaj BE-së: Ballkani Perëndimor është mjaft i errët, të sigurohet se ka dialog për të forcuar stabilitetin

Shtatë shtete nga Evropa Qendrore i kërkuan Bashkimit Evropian që të përshpejtojnë pranimin e Malit të Zi dhe Serbisë në Union, duke deklaruar se një dështim për të integruar Ballkanin Perëndimor mund të përbëjë kërcënim për sigurinë e të gjithë rajonit.

Ministrat e Jashtëm të grupit të vendeve të Vishegradit – Hungaria, Sllovakia, Polonia dhe Republika Çeke- si dhe Austria, Sllovenia dhe Kroacia u takuan në Budapest për të diskutuar për çështje që kanë të bëjnë me migracionin dhe situatën në Ballkanin Perëndimor dhe në Ukrainë.

“Nëse ne nuk mund ta përshpejtojmë procesin e integrimit evropian (në Ballkanin perëndimor) … do të duhet të përballemi me sfida serioze të sigurisë në të gjithë rajonin e Evropës Qendrore”, tha ministri i jashtëm hungarez Peter Szijjarto në një konferencë shtypi.

Szijjarto tha se BE duhet të përshpejtojë bisedimet e saj të pranimit me Malin e Zi dhe Serbinë dhe duhet të hapë negociata për anëtarësim edhe me vendet e tjera në Ballkanin Perëndimor, citon Reuters.

Shqipëria dhe Maqedonia janë vende kandidate për në BE por ende nuk kanë filluar bisedimet e pranimit, ndërsa Bosnja dhe Kosova nuk kanë marrë ende statusin e vendit kandidat.

Ministri i Jashtëm slloven Karl Erjavec tha se vendet e Ballkanit Perëndimor duhet të marrin ndihmë në zbatimin e reformave të nevojshme për t’u kualifikuar për anëtarësimin në BE.

“Situata në Ballkanin Perëndimor është mjaft e errët, jo e qëndrueshme dhe … do të jetë e nevojshme të sigurohet se ka dialog për të forcuar stabilitetin në këtë rajon,” tha ai.

“Reuters”, shkruan se tensionet mbeten të larta midis Serbisë dhe Kosovës, pavarësia e të cilës nuk njihet nga Beogradi apo nga disa vende të tjera, ndërsa Maqedonia dhe Bosnja janë të përçara nga ndarjet etnike.

Perspektiva e anëtarësimit në BE për vite ka qenë nxitësi kryesor i reformave në Ballkan pas një dekade lufte dhe trazira në vitet 1990.

Samiti i Ballkanit në Trieste: Pritshmëritë e Brukselit

14:29 Rajoni

Kryeministrja serbe: Si Haradinaj ashtu dhe Kurti, njësoj për Serbinë

13:26 Rajoni

“Lufta Revolucionare” në Greqi furnizohej me armë nga Shqipëria?

11:33 Rajoni

Halil Matoshi: Para bashkimit kombëtar, Kosova e Shqipëria duhet të forcohen ekonomikisht e ushtarakisht

20:46 Rajoni

Ali Ahmeti: Presidenti Ivanon po spekulon me të ashtuquajturën “Platforma e Tiranës”

13:53 Rajoni

Si Bullgaria po boshatis fshatrat e Shqipërisë përmes pasaportave

13:06 Rajoni

“Thaçi dhe Vuçiç duhet të negociojnë për gjetjen e të zhdukurve gjatë luftës"

09:03 Rajoni

Kosovë/ Kuvendi duhet të konstituohet brenda muajit

08:52 Rajoni

Ballkani, midis mirazheve te ardhshëm dhe fantazmave të kaluara

18:39 Rajoni

Tërmetet boshatisin Ohrin, “arratisen” turistët

16:36 Rajoni