Te fundit
Ambasadori Donald Lu rrëfen kush ia ka mësuar shqipen dhe fjalën e parë: Një korçare...!
22 Tetor 2017, 18:33Politika
TEMA
Ambasadori amerikan Donald Lu ishte në Korçë, ku festohej Dita amerikane, këtë fundjavë të ngarkuar me ngjarje politike për Tiranën.
Marrëdhënia e gjatë e Korçës me emigracionin në Amerikë, prej më se një shekulli, u festua me aktivitete simbolike në “Pazarin e vjetër” të qytetit, ku prania e diplomatit Lu ka tërhequr vëmendjen e të pranishmëve.
Ai vizitoi ekspozitën e hapur me materiale, foto dhe letra nga jeta e shqiptarëve në Amerikë ndër vite, ku edhe u njoh me historinë e hershme të emigracionit për disa prej familjeve të qytetit juglindor. Zoti Lu ka vlerësuar shumë prej elementëve të spikatur në qytetin e Korçës, shkruan gazeta Dita.
“Mësuesja ime e parë në Amerikë për gjuhën shqipe ishte korçare dhe një nga fjalitë e para që kam mësuar ishte ‘Ja korçare, ja hiç fare’. Kam mësuar gjithashtu që ushqimi dhe muzika nga Korça janë më të mirat. E sidomos birra nga Korça, sigurisht më e mirë”, tha ambasadori Donald Lu.
Më tej, Donald Lu vizitoi edhe këndin e kuzhinës, ku simbolikisht ishin përgatitur gatime tradicionale amerikane. Ambasadori pranoi jo vetëm të shijonte këto gatime, por nuk hezitoi që për pak kohë të ishte ai kuzhinieri.
1 komente në “Ambasadori Donald Lu rrëfen kush ia ka mësuar shqipen dhe fjalën e parë: Një korçare…!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Lu Lu kot mesoi shqipen ,se nuk ka nevoje per te per te kuptuar shqiperine dhe rolin e amerikes me republikat banane.Si shok i Arvziut dhe PD se ata do mbahen me mend me shume se sa si ambasadore.