Te fundit
Armand Shkullaku: Kush ia vrau qetësinë Timonierit tonë
26 Tetor 2017, 10:58Blog
TEMA
Nga Armand Shkullaku
Të shumtë ishin ata që u habitën nga çthurrja e gjuhës së kryeministrit përpara gazetarëve dhe nga shpërthimi i tij i papritur pas seancës parlamentare, që nuk lejoi Prokurorinë të vijonte me ndalimin e deputetit Saimir Tahiri. Hamendësimet e shumta për agresionin anormal të kryeministrit, që shkonin nga tronditja psiqike deri tek aversioni i tij i njohur për lirinë e fjalës, e kanë një shpjegim. Sjellja e Edi Ramës është tipike e një njeriu që shikon fundin e tij, pikërisht në momentin kur e mendonte veten më të fortë se kurrë.
Ajo që po ndodh me rastin Tahiri, është vetëm hapja e një kapaku që po nxjerr dhe do të nxjerrë zbuluar kazanin politik ku është gatuar qeverisja e Ramës për katër vite me radhë. Tahiri nuk është një rast i izoluar, që merr fund me një votim në Kuvend. Ai përbën daljen në dritë të një modeli qeverisës që ngërthen brenda vetes lidhjet politikë- krim, korrupsionin dhe përqëndrimin e pushtetit në një kupolë të vetme. Këtë fenomen, Edi Rama as nuk e kontrollon dot më nëpërmjet levave të tij të propagandës dhe as e parashikon dot se ku mund t’a ketë fundin. Kaq mjafton për t’ia rrënuar atij qetësinë, për t’ia shtuar ankthin dhe për t’a nxjerrë para gazetarëve si liderët tipikë autoritarë, që sa më shumë shohin fundin aq më tepër agresivë bëhen.
Në këtë këndvështrim duhet parë si shpërthimi i tij i fundit ndaj reporterëve që bëjnë punën e tyre, ashtu edhe fjalimi që mbajti në grupin parlamentar të PS, dy ditë përpara votimit për Saimir Tahirin. Edi Rama nuk e di nëse ka bërë mirë apo e ka rënduar pozitën e tij duke vendosur të mos e dorëzojë ish ministrin e Brendshëm. Kjo e bën nervoz dhe gati të përçartë kur duhet të flasë në publik. Në një anë përpiqet të lajë duart me Tahirin dhe në anën tjetër shtyhet nga instikti i vetëmbrojtes për t’u bërë mburojë për të. Kryeministri e ndjen se ky mund të jetë fillimi i fundit për të, por është i paaftë të drejtojë një lojë që po e luajnë të tjerët.
Nëse do e dinte që gjithçka do të mbyllej tek Saimir Tahiri, ai me siguri do t’i shkonte deri në fund qëndrimit që mbajti në ditët e para, kur çështja e ish ministrit u bë publike. Por kur mori sinjale se bëhej fjalë për një proces dhe jo për një rast të vetëm, zgjodhi të bëjë atë që dinë të bëjnë liderë të prerjes së tij sa herë që u rrezikohet pushteti. Zgjodhi sulmin ndaj prokurorisë, mediave, opozitës, komentuesve në facebook, njerëzve në rrugë, ndoshta edhe ndaj vetes së tij, që ishte kapur mat pikërisht aty ku akuzohej për vite me radhë: në lidhjen e qeverisë së tij me krimin dhe korrupsionin.
Fillimisht Edi Rama u mundua të bëjë figurën e një lideri të moderuar perëndimor, të atij që i hap rrugë drejtësisë për këdo, madje edhe për ndonjë “dru të shtrembër” që i qëllon brenda shtëpisë së tij. Ai u shfaq parimor dhe i pakompromis, ndonëse i prekej krahu i djathtë i qeverisë së tij. Drejtësi deri në fund, asnjë pengesë për prokurorinë, ishin fjalët e tij të para, të përsëritura nga papagallët e vegjël në PS. Disa kaqolë mediatikë u entusiazmuan dhe nxituan që njollën t’a shndërronin në pastërti, duke rifilluar avazin e vjetër të krahasimit me Berishën. “Ja, Rama nuk është si ai. Nuk e pengon drejtësinë, ka tjetër standart. Nuk vepron me Tahirin si Berisha me Gërdecin apo 21 janarin… është lider që respekton ndarjen e pushteteve”, ishin komentet që synonin t’a nxirrnin të papërlyer kryeministrin nga balta ku ishte llokoçitur qeverisja e tij.
Por iu desh të bënin prapaktheu, sapo kryeministri i “standartit europian” kuptoi që rasti Tahiri ishte një ingranazh që po lirohej në makinerinë e ndërtuar prej tij e që tani rrezikon të shëmbet. Përballë këtij rreziku u shfaq një Ramë tjetër. Njeriu që mbështeste drejtësinë shpërtheu në akuza politike ndaj prokurorëve: “Pas akuzave të ngritura nga Prokuroria, për hir të së vërtetës me një vrap që do kishte hutuar edhe Ben Xhonsonin, me një paraqitje komike që do kishte rrëzuar edhe Mister Beanin, kësisoj, mbase shumëkush mund ta ketë pritur, por edhe më shumë e presin që unë t’i bashkohem qëndrimit haptazi dhe ngultazi të prerë të Saimir Tahiri, kundër një gjyqi farsë, që për hir të së vërtetës i ngjan një farse të inskenuar nga amatorë, inatçinj… Në cilën epokë të gurit u gjet kurajoja për ti prerë faturën e burgut deputetit me katër fletë bakalli që do të ofendonin çdo bakall … dhe për llogari të kujt deshën t’ia shesin këtë faturë të arrestit me burg këta prokurorë”, deklaroi Rama duke aluduar më tej se dosja e prokurorisë ishte shkruar në zyrat e opozitës, se kishte një komplot politiko- mediatik prapa kërkesës së prokurorëve, etj. Paralelisht me sulmin personal, ai orientoi në sinkron edhe ata, që më parë e duartrokitën kur tha se do i hapte rrugë drejtësisë, për të nisur denigrimin personal ndaj përfaqësuesve të akuzës.
Rama mund të stërmundohet sa të dojë që të rrijë brenda kostumit perëndimor dhe t’i durojë atletet adidas që ia shtrëngojnë këmbët, por kur ndjen se i kërcënohet pushteti është i gatshëm t’i flakë ato dhe t’i shpallë luftë kujdo që e vendos përballë të vërtetës. Ai mund të mos i thotë “horr” Adriatik Llallës, por ky është një ndryshim stilistikor dhe jo thelbësor. Sepse sulmi politik ndaj prokurorëve është i njëjti reagim tipik që di të bëjë një soj politikanësh sa herë kapen në mëkat.
Kryeministri ka nisur një betejë kundër prokurorisë, mediave dhe opozitës, për t’a projektuar hallin që e ka zënë si një pasojë që i vjen nga “Fronti i së Keqes” dhe jo si krizë të qeverisjes së tij, që tashmë ka shpërthyer. Por këtë herë të gjithë e kanë të qartë se të keqen e ka brenda dhe më kot tenton t’i bëjë dalje. Ai po vepron në panik, i pasigurtë për të ardhmen e tij politike dhe për këtë duhet kuptuar. Prandaj, ndoshta nuk i duhen hequr mikrofonat kur nis e shan përçart. Shumë shpejt do të n’a shkaktojë të qeshura më shumë se mister Bini. Provojeni si fillim t’i hiqni zërin dhe t’i shihni shprehjet e fytyrës ndërsa u sulej gazetarëve përpara selisë së Kuvendit.
11 komente në “Armand Shkullaku: Kush ia vrau qetësinë Timonierit tonë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Me Berishër, Bashër, Shkullakër, Lubonjër etj.etj. (që janë shumë), ky vënd nuk ka për “t’u bërë” kurrë…!!! Ky popull, përveçse është pa shtyllë kurrizore, po tregon se i pëlqen “liria” e moçalit, e baltës, e halesë…ku krimbat dhe zhapikët, janë “të lirë” të bëjnë ç’të duan…! Avash – avash, po binden (në mos janë bindur me kohë) për këtë dhe miqtë tanë që na ndihmuan/ndihmojnë dhe (shumë shpejt) do të vijë koha që do bëhen pishmanë për këtë ndihmë dhe … atëhere do të vijë shkatërrimi për Albanistanin… ku njerëzit “do të hanë njeri tjetrin” dhe asnjëri nuk do të lëvizë as gishtin e vogël… Edi Rama, ndoshta e ka dëshirën e mirë që “të bëjë shtet”, por nuk “ka bythë” për këtë, sepse është frikacak…! Shteti, do dorë të fortë dhe “grushtin e hekurt mbi tavolinë”, nuk do llogje e sllogane, nuk do “demokraci” për hajdutët e kriminelët, që sa më shumë “ledhatohen”, aq më shumë bërtasin e hidhen në kundërsulm…!
Dava qelbesirash si pune jote
Shkullaku e degjove ambasadorin.Ti jeton ne Shqiperi e ben deklarata sa te pa verteta e aq idiote.Mungese o e dijes ose e intelektit. Nje shou te tille si ajo e kryeministrit ne Kohen e sotme eshte mode.Te te kujtoj se nje shou te tille ben perdite kryeministri israelit B.Natanjahu e ma rralle presidenti Tramp.Nxorre mesime nga deklarata e ambasadorit amerikan. I nderuar gazetar Shkullaku dua te pyes:kur e keni mbaruar shkollen?Neqoftese e keni mbaruar shkollen para viteve 90 e keni konceptuar akuzen e prokuroris si ne kohe te komunizmit(te arrestohet e pastaj te nxirren provat e te vazhdoj hetimi) e neqoftese e keni mbaruar shkollen pas viteve 90,ti nuk ke faj e ke nga mungesa e dijes.
Me lejoni qe edhe une te te qartesoj dy gjera per keshille miqesore.Si dote ndiheni ju z.SHKULLAKU kur dikush deformon falen apo fjaline tuaj.Jam per here te pare qe te shkruaj.Mbreme ne OPINION juve deshit me hir apo pahir qe ti inpononit mendimit tuaj te tjereve ne panel.Si ju vjen juve qe dikush te konstatoj veprimet tuaja me ZHURMUESIN.Ne jemi ne demokraci dhe duhet te respektojme mendimin ndryshe.TE LUTEM SHIKO SOT Z. SHKULLAKU NE RITRASMETIM SA I DOBISHEM ISHIT JU KUNDREJT ATIJ QE FLISTE NE KOHEN E DHENJES SE MENDIMIT TUAJ. KY JENI JUVE APO DIKUSH TJETER ME VEPRIMET QE DEMOSTRONI.FALEMINDERIT.
Amator gazetar tani me eren e vjeshtes ……pastaj e dimrit ….interesi I Nje
Shkullak.
Nuk e di qe do e lexosh kete koment apo jo, por je shume i neveritshem, jo vetem si gazetar por edhe si njeri. Del e mbron racen tende te felliqur( nuk jane te gjithe si ty e shume shoke te tute). Pse more bandill c`faj ju ka Edi Rama qe ka nje kushtetute? Ju nuk keni kapacitet ta lexoni e jo me ta kuptoni. Keni shkolle gazetarie, por nuk jeni me kulture per te nxene dije. E quani veten gazetare , pushteti i katert, por keni 27 vjet qe reflektoni ne vartesi te plakut mere. I veni pas avazit, sepse nuk keni kellqe per te bere gazetari. Merreni me thashetheme, servila deri ne ekstrem, beni pacavure si kjo e sotmja, shpifes te ndyre, deformues te cdo realiteti. Lexo komentet dhe pyet veten, po qe i afte te kuptosh se cfare te thone. Rama, ju a ka vene kufirin ke thana sepse ju nuk kuptoni, ju nuk dini te lexoni, nuk dini se per cfare te pyesni. Ju kenaqeni kur shteti shkermoqet, populli vuan. Ju nuk nxorret nje here mesim nga e kaluara e hidhur e ketyre 27 vjeteve. Ju s`keni kapacitet te dalloni se kush e ka demtuar shtetin tone dhe e ka bere pothuajse te pajetueshem. Kriminel e dorgaxhi eshte Edi Rama sipas Jush. Po ata qe kane vrare, djegur Shqiperine, shitur pjese te Shqiperise etj etj cfare jane sipas mendjes tende te pj……?. Kush mund ta beje Shqiperine sipas Jush te diturve. Ju apo Luli, Saliu, Monika, apo Mediu, Paloka etj apo edhe vete Tahiri?. Ne fund po te them se prejardhja e njeriut eshte majmuni, ku shumica kane ndryshuar, por ti ke mbetur majmun i pa korigjueshem ne shpirt e ne medime.
Timonieri po tall trapin me ty dhe shoket e tu,se ju njeh heret sa ju vlen lekura dhe sa here qe prononcoheni kundra tij ,aq me shume ja rritni aksionet ne popull,po efekti me negativ qe po sillni ne politiken shqipetare,eshte se po largoni cdo dite e me teper,opoziten nga objektivat e saj.
Nuk kam cfar te them pas komentit te “nigo”. Gjithcka e keni thene me realize i nderuar. Une vetem shtoj:”Skullaket” sikur jo 7 breza por 70 te tilla serish mbeten KATNRE BYTHLEPIRESISH.
Ashtu si me artikujt e Tosit,Bushatit e disa te tjere te gjithe komentet nga lexuesit ve re se 100% e komentuesve nuk mbeshtetin ata! Pse ? Sepse jane mercenare dhe njerez te poshter!
Je një mjeran
Ah tani i ke rene pikes o Shkullak, prisni se mos i prishni qetesine Rames .Kallepi juaj, Ramen e ben dembel. Prisni ju si dhelpra, se mos i bien koqet dashit.Ti , Bushati, Lubonja, jeni te bindur qe me penen tuaj po i bene kryqezate Rames, tregoni me nje qartesi te frikshme sa leshko jeni. Rama prej shume kohesh, ju ka treguar vendin e pershtatshem per ju, se ku duhet ta fusni penen tuaj magjike.