Te fundit
Kremlini fsheh "përbindëshat" e saj: E dimë vetë se ku vendosim raketat tona
6 Shkurt 2018, 16:20Bota
TEMA
Zëdhënësi i Kremlinit, Dmitry Peskov ka thënë se Rusia ka të drejtë të marrë vendim se ku vendos burimet ushtarake në territorin e saj.
Këto deklarata kanë ardhur pas raportimeve se Rusia ka vendosur raketat Iskander në Kaliningrad.
Një ditë më parë presidenti lituanez, Dalia Grybauskaite ka njoftuar se “derisa jemi duke folur, raketat me rreze të shkurtër Iskander janë duke u stacionuar për prezencë të përhershme në Kaliningrad”.
Sipas tij kjo vendosje e raketave përbën kërcënim jo vetëm për Lituaninë por “për gjysmën e shteteve evropiane”.
Udhëheqësi i Komitetit rus të Mbrojtjes, Vladimir Shamanov ka konfirmuar vendosjen e raketave në këtë vend më 5 shkurt.
Peskov ka thënë sot se, “vendosja e një arme apo një tjetre, vendosja e njësive tona ushtarake në territorin rus është ekskluzivisht një çështje e Federatës Ruse”.
Më herët Pentagoni ka kundërshtuar vendosjen e armëve me rreze të mesme brenda territorit rus, duke e cilësuar këtë hap si shkelje të “shpirtit dhe qëllimit” të marrëveshjes për kontrollin e armëve, të njohur si Traktati për Forcat Bërthamore me Rreze të Mesme.
Zyrtarët e ushtrisë amerikane kanë thënë se besojnë, që Rusia edhe në të kaluarën ka bërë hapa të tilla në mënyrë që të shkaktojë kërcënim në shtetet dhe zonat ku NATO ka përgjegjësi.
Traktati i vitit 1987 mbulon raketat me rreze të shkurtër dhe të mesme veprimi.
Zëvendës-Sekretari i Përgjithshëm I NATO-s, Rose Gottemoeller, ka thënë se nëse vendosja në Kaliningrad është e vërtetë, “atëherë është çështje serioze”.
Raketat Iskander kanë kapacitet të pajisen me koka bërthamore.(REL)
2 komente në “Kremlini fsheh “përbindëshat” e saj: E dimë vetë se ku vendosim raketat tona”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
TIpo qe burr i mir hajde bej nje vizit tek ne , qe viti qe vjen te na gjej brenda gjirit te famutit europian. se vetem ateher na perrlan europa , zgjidhje tjeter nuk kemi ,
AH ..! TE ZINJTE RUSE SA “PA FAT” .. ! KAM PARE SHUME FILMA ” HOLLIVUDJANE “ME AGJENTE USA – BE DHE JAM I “BINDUR ” PER FORCEN E TYRE..! PO SHOH QE NE SHQIPERI NE KUADER TE LUFTES PER KORRUPSIONIN, ME MBRITJEN E TYRE ZYRTARET “NUK” PO BEJNE ME BANKETE ..!