Te fundit
FOTOT: Banorët e shtëpisë së të moshuarve i bashkohen aksionit për mbjelljen e pemëve
25 Shkurt 2018, 13:23Sociale
TEMA
Nuk ka rëndësi nëse je i ri apo i moshuar, i pasur apo i varfër, për të kontribuar për qytetin, që ai të bëhet sa më i jetueshëm për fëmijët. Gjestin më të bukur e kanë dhënë sot të moshuarit e Shtëpisë së të Moshuarve te “Ali Demi”, të cilët së bashku me kryetarin e Bashkisë së Tiranës, Erion Veliaj, mbollën 10 pemë mimozash pranë Debatikut, në Parkun e Madh të Liqenit Artificial.
“Shumë herë njerëzit thonë: po mirë, gjithë këto pemë, vetëm të pasurit kontribuojnë? Por, e vërteta është krejt ndryshe: janë kryesisht njerëzit e thjeshtë; ata që kanë më pak, japin më shumë. Sot i jemi mirënjohës çdo kompanie që ka dhuruar pemë, po kur mendon që Shtëpia e të Moshuarve na jep 10 mimoza, pra gjithçka që kishte, na bën të kuptojmë se bujaria, zemërgjerësia, dashuria, nuk varet nga sa ke, por nga sa do të japësh”, tha kryebashkiaku Veliaj.
Ai i falenderoi të gjithë të moshuarit që mbollën sot pemë për fëmijët e qytetit dhe theksoi se kjo është edhe një mënyrë e mirë për të kujtuar ngjarje apo apo shokët ose të afërmit që nuk jetojnë më. “U jam sot dhjetë herë mirënjohës për të dhjeta këto mimoza sepse besoj që lënë një kujtim për brezat e tjerë, një frymëzim për shumë të rinj që sot ndoshta e kanë me përtesë të çuarit nga kafja, ndoshta kanë alergji nga lopata, por kur kujtojmë që një gjeneratë ka bërë edhe luftën, edhe punën, në Shqipëri, edhe ndryshimin e sistemit dhe prapë gjen energji për t’i dhënë qytetit diçka mbrapsht, ky është ndoshta himni më i bukur i qytetit tonë”, shtoi Veliaj.
Kryebashkiaku tha se kur ka mbetur edhe më pak se një muaj nga 21 marsi, numri i pemëve të mbjella në këtë sezon ka arritur në 90 mijë. “Kemi edhe pak ditë për të kapur objektivin tonë me 100 mijë pemë, ndërkohë që sot sapo kemi kaluar 90 mijë. Nëse do të vazhdojmë me këto ritme, jo vetëm që do ta kalojmë më datën 21 mars, por do të kemi filluar realisht një trend. Ashtu si në vitet ‘90 apo 2000 ishin trend kafet, llotot, bastet, sot po fillon një trend i ri, gjelbërimi, biçikletat, sporti. Nëse do të vazhdojmë kështu do të jemi realisht europianë, siç dëshirojmë të jemi”, u shpreh Veliaj.
Drejtoresha e Shtëpisë së të Moshuarve, Anila Peçi theksoi se ishte dëshira e të moshuarve që t’i bashkohen kësaj nisme për të dhënë kontributin e tyre modest edhe tani në pleqëri, për një qytet dhe shoqëri më të mirë. “Jemi këtu sepse ishte dëshira e të moshuarve për të përkrahur nismën tuaj dhe për mua kjo është një gjë shumë e madhe sepse kemi 3 vjet e gjysmë që punojmë fort, jo vetëm për të marrë, por edhe për të dhënë një ditë. Mbjellja e 10 mimozave te parku është gjë e madhe dhe do të jetë kujtim shumë i bukur”, tha ajo.
3 komente në “FOTOT: Banorët e shtëpisë së të moshuarve i bashkohen aksionit për mbjelljen e pemëve”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Perderisa,gati ne mbjelljen e çdo peme shohim ne foton ballore”Mesian e ambjentit”,Erion Veliajn,
sikur ky te ishte kopshtari i Bashkise dhe jo Kryetari i saj,qe sot e tutje duhet ti themi,Erion Pema.
Ngaqe detyra kryesore,rritja e ekonomise,e vendeve te punes dhe terheqja e kapitalit te huaj nuk
eshte diskutuar asnjehere,kopshtari Erion Pema,terheq vemendjen me profesionin dhe detyren
qe i perket tjeterkujt,dikujt,qe ndoshta ben fotografin kur Erion Pema”hap gropa dhe mbjelle peme”.
Nuk e kemi ditur qe veliaj paguhet per te bere punen e kopshtarit…
Apo mos e bene kete pune se eshte i paafte per kryekomunar edhe do me mashtruar popullin si dikur Enveri…
Ah propagande edhe tradite komuniste qe nuk harrohet : te dale cdo dite ne shtyp me kazmen ne dore,kjo eshte me vlere ,per te tjerat delet e Tiranes nuk guxojne as te pyesin,sidomos per ujin qe po shkon tek çmimi i arit,si do vaditenketo pene ne vere me ate çmim te ujit?
Zigur dhe Lili, jeni me fat që është ditë e dielë dhe komentuesit me pagesë të Veliajt janë pushim e po hanë qofte e ngjala në Durrës se, do hanit të shara sa për tërë vitin. Si guxoni ju të shkruani kundër këtij kryetarit që ka detyruar edhe azilin e pleqve të japë para për të mbjellë pemë pasi doli në shtyp se detyronte fëmijët e kopshteve të paguanin për pemët e tij. Se nul duhet shumë për të dhënë idenë që kryetari punon, me 1 lopatë 10 pemë mimoze e dy pleq bëhet kronika që zyra e tij gebelsiane e publicitetit ja shpërndan tërë gazetave e televizioneve.