Te fundit
Aktorja e “Sex and the City” shpall kandidaturën për guvernatore e Nju-Jorkut
20 Mars 2018, 11:53Lifestyle
TEMA
Aktorja e njohur e serialit “Sex and the City”, Cynthia Nixon, ka bërë të ditur ambiciet e saj për të bërë guvernatore e Nju-Jorkut.
Nixon, e cila njihet për rolin e Mirandës në serialin e HBO-së, do të sfidojë guvernatorin Andrew Cuomo, në radhët e demokratëve.
Aktorja 51-vjeçare nuk ka mbajtur kurrë post të zgjedhur me votë.
E martuar në vitin 2012 me Christine Marinoni, ajo është mama e dy fëmijëve, të lindur nga një marrëdhënie e mëparshme me një fotograf.
Nixon dhe partnerja e saj kanë kontribuuar financiarisht në fushatën e demokratit Bill de Blasio, që u zgjodh kryebashkiak i Nju-Jorkut.
Marinoni, një avokate e të drejtave të komunitetit LGBT ka punuar në stafin e De Blasios deri pak muaj më parë.
Në një video të laçuar të hënën, Nixon prezantoi prioritetet e fushatës së saj.
“Jemi të lodhur nga politikanët që shqetësohen më shumë për titujt e gazetave dhe pushtetin e tyre sesa për qytetarët.
Nuk mund të jetë më thjesht biznes, siç ka qenë deri tani”, shprehet ajo.
Edukimi në shkollat publike është një tjetër pikë e platformës së saj.
“Jam krenare për diplomën time në një shkollë publike.
Jam krenare që fëmijët e mi ndjekin shkollat publike.
Unë kam pasur shanse që sot nuk shoh t’i kenë fëmijët e Nju-Jorkut. Liderët tanë po na zhgënjejnë”, thotë ajo më tej.
Nëse zgjidhet, Nixon do të bëhet femra e parë dhe personi i parë gei që drejton shtetin e Nju-Jorkut.
Guvernatori 60-vjeçar, Cuomo, kërkon një mandat të tretë.
Përgatiti: Gazmira Sokoli
Lini një Përgjigje
Më të lexuarat
24 oret e fundit
Javen e fundit
Blog Tema
