Kandidati për deputet i Partisë Demokratike Andi Përmeti, ka ironizuar kryedemokratin Lulzim Basha dhe vendimet e tij politike për të udhëhequr demokratët pas disa dështimesh.
Përmeti ka shkruar në rrjetin social Facebook se Basha po bëhet gati të urojë fitoren e Viktor Orban ku i bën thirrje që të shohë se kundërshtarët e tij dhanë dorëheqje pas rezultateve të dobëta.
“I djathti Viktor Orban ka korrur një fitore të thellë në Hungari, dhe Lulzim Basha me siguri që po përgatitet ta urojë, si i entuziazmuar për suksesin e nje aleati.
Në fakt, ai nuk duhet të gëzohet shumë për Orbanin, por duhet të shohë se çfarë kanë bërë të mundurit e tij, të cilët kanë dhënë menjëherë dorëheqje, pas humbjes, sepse ashtu ndodh gjithmonë në perëndim dhe në botën e qytetëruar,” shkruan Përmeti. (TemA)