Kryetari i Grupit Parlamentar të PS, Taulant Balla ka ironizuar protestën e opozitës që do të zhvillohet ditën e shtunë me 26 qershor përpara Kryeministrisë.
Nëpërmjet një fotoje të publikuar në rrjetin social facebook nga Balla, shkruhet se në datë 26 maj ora 11:00 te lulishtja e Kryeministrisë do të ketë piknik me Lulin dhe me DJ Babalen (dëshmitarin ‘X’ Albert Veliu).
Opozita kërkon largimin e ministrit të Brendshëm, pasi akuzon, ministrin e Brendshëm Fatmir Xhafaj se mbrojti vëllain për t’i shpëtuar ekstradimit në Itali ku është dënuar me 7 vite burg.
Javën e kaluar PD publikoi edhe një përgjim misterioz, që ka ngritur shumë pikëpyetje dhe dyshime, ndërsa Agron Xhafaj u vetëdorëzua në Itali.
Sekretarit të përgjithshëm të partisë në pushtet, për asnjë rast nuk i lejohen provokimet dhe talljet me kundërshtarin. Por duhet vënë në dukje, në këtë rast, që zoti Balla, pak, për të thënë aspak ndryshim ka nga Paloka, Noka, Stazimiri e kompani. Të qënurit serioz me kundërshtarët, veçanërisht kur je në pushtet, është domosdoshmëri. Kjo veç të rrit në sytë e opinionit të shëndosh publik.