Te fundit
Kosova, trajneri Shaland tregon rrugën e ndjekur në afrimin e talenteve: Mos e zgjidhni Shqipërinë
28 Maj 2018, 17:28Sport
TEMA
Shqipëria do të luajë në ditën e nesërme përballë Kosovës, në një test miqësor vëllazëror, për përgatitjet që po bëhen para Ligës së Kombeve.
Në një intervistë për “Albinfo”, trajneri i Kosovës, Shaland ka treguar atmosferën përpara kësaj ndeshje të veçantë. Ai shprehet se në momentin kur ka ardhur në drejtimin e kësaj përfaqësuese, nuk e ka kuptuar nëse gjendej në drejtimin e Kosovës apo Shqipërisë.
Ndërsa sa i përket afrimit të lojtarëve, ai shprehet qartë duke thënë se bën gjithçka për t’i bindur ata që të zgjedhin përfaqësuesen që ai drejton, madje edhe duke i këshilluar të mos e zgjedhin Shqipërinë.
“Sigurisht, ky është një duel mes vëllezërve. Unë kam qenë pak i befasuar fillimisht si zviceran, kam menduar që është pak më ndryshe, por atje e kam parë që Kosova jeton me Shqipërinë dhe unë nuk e dija a jam në Kosovë, a jam në Shqipëri. Nuk kam parë ndonjë ndryshim. Ekipi nacional i Kosovës ka luajtur kualifikimet në Shqipëri dhe kjo tregon se Kosova dhe Shqipëria jetojnë shumë mirë bashkë. Me humbjen 3-0 nga Shqipëria, unë nuk isha më trajner, por loja ime e fundit me Armeninë ishte në Shqipëri. 1-0 për ne dhe në fund ne morëm dy gola me Gashin dhe Lenjanin që krosoi.
Duhet të shohim, është një lojë speciale mes vëllezërve, por unë jam zviceran dhe për mua si trajner kjo është një lojë normale kundër një ekipi shumë të mirë. Sot është një lojë përgatitëse për Kampionatin Europian. Ne do të luajmë kundër një ekipi të mirë, me shumë përvojë që ishte edhe në Francë (Kampionatin Evropian).
Por është e qartë se konkurrenca me Shqipërinë është një problem i vogël për mua. Mirëpo unë e di këtë dhe Panuçi i Shqipërisë e di po ashtu dhe ne angazhohemi për lojtarë të mirë. Kjo është e qartë. Për mua si trajner i Kosovës është me rëndësi të bëj gjithçka për të bindur lojtarët që të luajnë për Kosovën dhe jo për Shqipërinë. Kjo është po ashtu një lojë dhe kjo është puna ime, për shembull, për disa lojtarë që janë në Zvicër, për t’i bindur të vijnë tek ne. Mirë, nëse ju nuk mund të luani për Zvicrën, ejani për Kosovën dhe jo për Shqipërinë dhe Panuçi vepron në të njëjtën mënyrë”, ka thënë Shaland.
Lini një Përgjigje
Më të lexuarat
24 oret e fundit
Javen e fundit
Blog Tema
