Te fundit
Izet Haxhia e kërkon në gjyq, Fatos Klosi: Do dëshmoj para gjykatës, ai u dënua kot. Berisha duhej marrë si "çeçua" për të treguar ato që dinte
7 Korrik 2018, 09:50Politika
TEMA
Izet Haxhinë e pret një betejë e gjatë gjyqësore për të fituar pafajësinë e tij.
I vetëdijshëm për këtë gjë, ai, përmes avokatit të tij mbrojtës, Bashkim Nikolla ka vendosur që t’i luajë të gjitha “letrat” dhe ka planifikuar që të thërrasë në seancat gjyqësore plot 44 emra për të dëshmuar për vrasjen e Azem Hajdarit.
Midis të “piketuarve” të Izet Haxhisë bën pjesë edhe ish-kryetari i Shërbimit Informativ Shtetëror, Fatos Klosi.
Ish-truproja e Sali Berishës e kërkon Klosin në gjyq për të dhënë detajet e tij mbi vrasjen e shekullit, duke qenë se ai ka qenë kreu i SHISH në periudhën kur ka ndodhur ngjarja në fjalë.
Ndërkohë, Fatos Klosi ka vendosur që në rast se i vjen një thirrje për të dëshmuar, do t’i përgjigjet pozitivisht.
Gjatë një prononcimi për gazetën “SOT”, ai deklaroi se do të paraqitet me patjetër para trupës gjykuese për të thënë gjërat që di.
“Sigurisht që paraqitem. Nuk e kam problem fare. Vetëm se unë paraqitem në emër të SHIK-ut të dikurshëm. Nuk kam asgjë personale.
Unë do të them atje të gjitha gjërat që dinte SHIK-u. Në fakt të gjitha këto gjëra janë të shkruara, unë nuk di asgjë tjetër dhe as më pak.
Unë kam bërë për këtë problem shumë shkresa në atë kohë, tek Ministria e Brendshme, tek Drejtoria e Policisë, presidentit, kryeministrit, janë shumë.
Deri tani vetëm një ka dalë shkresë. Gjykata le t’i marrë këto shkresa dhe t’i gjykojë, por unë nuk them dot asgjë më tepër mbi ato.
Unë ato që i di, i di si ish-drejtor i SHIK. Unë sigurisht që shkoj për të dëshmuar, por pak a shumë qëndrimin tim e kam bërë publik.
Do të shkoj për korrektesë qoftë ndaj gjykatës, qoftë ndaj të drejtës së Izet Haxhisë për t’u gjykuar”, tha ish-kreu i SHISH.
Ai shtoi më tej se Izet Haxhia ka të gjithë të drejtën të kërkojë pafajësinë pasi sipas tij, është dënuar kot.
“Pavarësisht se me Izetin ndonjëherë kemi bërë ndonjë debat në distancë, unë nuk kam asnjë problem me të.
Unë do të doja me të vërtetë që ai të përfitonte diçka nga kjo punë sepse me të vërtetë e kanë dënuar rëndë.
25 vite burg pa qenë fare pjesëmarrës aty më duket absurde”, u shpreh ai.
Fatos Klosi nuk la pa thumbuar edhe ish-kryeministrin Sali Berisha gjatë prononcimit të tij. Duke komentuar faktin që Berisha është thirrur shumë herë si dëshmitar në seancat e para gjyqësore për vrasjen e Azem Hajdarit, por nuk është paraqitur, ish-kreu i SHISH theksoi se ky është një tregues frike.
“Mua më duket e drejtë kërkesa e Izet Haxhisë për t’u ballafaquar vazhdimisht me Sali Berishën. Qoftë Izet Haxhia, qoftë të tjerë që u dënuan për këtë punë kërkuan të ballafaqoheshin me Berishën dhe ai nuk denjoi ndërkohë që ishte i pari mbas ngjarjes që deklaroi se kush e bëri, si u bë, si ndodhi ngjarja, etj.
Gati-gati i tha këto gjëra aq pak kohë pas ngjarjes, saqë duket sikur Sali Berisha këto gjëra dhe detaje i kishte vendosur më parë. Ai dinte shumë për atë problem dhe nuk guxoi njeri ta merrte me forcë dhe ta vinte para përgjegjësisë.
Nuk e di pse nuk u bë asnjëherë një gjë e tillë. Nëse do të vihej para përgjegjësisë, ai do të shkonte si çeço pastaj”, nënvizoi Klosi.
Ish-kryetari i Shërbimit Informativ shtoi më tej se Berisha nuk ka guxim të dalë para gjykatës e të hedhë akuza njësoj siç bën në jetën politike sepse është i frikësuar nga hetimi.
“Ai duhet të ishte në shumë ngjarje për të cilat ka folur, për të cilat ka dhënë mendim apo për të cilat ka thënë fakte gjoja, por asnjëherë nuk është thirrur. Asnjëherë nuk kanë guxuar t’i shkojnë deri në fund kësaj pune. Ai ka përfituar nga kjo punë. Berisha i shmanget përgjegjësisë. Në gjykatë në qoftë do të dëshmonte, do të dëshmonte si person nën hetim dhe problemet janë të ngatërruara.
Ndërsa duke folur kështu nëpër gazeta, në Parlament etj, ai nuk ka asnjë përgjegjësi. Ai i ka ndarë mirë këto punë. Deklaratat me përgjegjësi nuk i ka marrë përsipër. Nuk iu është afruar absolutisht fare.
Ndërsa për deklaratat për të shpjeguar çdo ngjarje që ndodh brenda dhe jashtë Shqipërisë, ai ta merr përsipër dhe fillon flet atje ku shmang përgjegjësinë”, tha Fatos Klosi.
12 komente në “Izet Haxhia e kërkon në gjyq, Fatos Klosi: Do dëshmoj para gjykatës, ai u dënua kot. Berisha duhej marrë si “çeçua” për të treguar ato që dinte”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pse e besoni qe ai qe fshiu gjith provat do tregoi te verteten qe e vrau vete.
Berisha eshte frikacak, o lum miku. Dje kercenonte dhe fshihej pas Izetit, sot pas brekeve te Stresit.
Eshte histerik, i pabese, tinzar, intrigant por jo trim. Te ishte trim sa gjysma e Tahirit, te pakten! Berisha si lepur histerik qe eshte, gjithe krimet, vrasjet e pabesa, gjakun qe derdhi, ja la trashegim femijve te tij, duke i futur ne gjakmarrje, sepse nuk pranoi te marre asnje pergjegjesi vete. Eshte tipiku i liderit orjental, fshatarak, haxhiqamilist, kleptokrat, zvarranik, grykes.
OOOOOKKKKKKKK!
Te gjithe e dime si zgjidhen keto pune!
FJALE SHUME TE VERTETA .
PO,TE GJITHE E DIME SE SI ZGJIDHET KJO PUNE ,
OR TI BURRE MBI BURRAT, AVNI RUSTEMI !!! ♡♡♡
Naj shpifet me kte fraz vrasja shekullit. Ai ishte një kondrabandist ordiner një person që kishte hyrë në politike me ndihmën e sigurimit të shtetit. Dhe abuzoj si mos më keq se ishte njeri fare ordiner. Vrasjet e shekullit Jan. Vrasja ismail qemalit vrasja hason Prishtinës Luigj kurakuqit avni rustemit e shum patriotëve të tjer. Ky përfaqëson alabaket e politikës sot hajdutet arrogantet dhe turpin e politikes shqiptare dhe llumi i jep vler antivleres si gjithmon kto vite muti. Thjesht kriminelët vran shokun e tyre për pazare të prishura.
Nje koment brilant ku nuk mund te shtosh dhe te heqesh as nje germe ………
Z. Klosi ,ju shtroni nje pyetje qe nuk di pse nuk eshte thirrur per te shpjeguar ne organet e drejtesise deri sot . Me vjen keq se ti ke qene ne krye te organit qe sot gjoja eshte sekret por qe te thirret Sali Berisha per te deshmu parà drejtesise dùhet me i marre leje Amerikes se ai din shume gjera qe i kan ba bashke me ata e do te flase aq sa ti thone ate . A e keni vene hèsap qe rreth 80% e popullit eshte i irrituar qe pse nuk denojne Sali Berishen por ata nuk dine kete qe duhet me i marre leje zonjes amerike se ata e kan vene . Amerika anulloi zgjedhjet e para plurariste se i fitoj P .S ja pra i fituan gjoja komunistat prandaj i anolloi ato amerika dhe i porositi ish ambasadori i pare Rajerson qe: Me tarror me vjedhje zgjedhjet duhet ti fitoje P .D ja pra Sali Berisha te jete i madhi i vendit ne “demokraci” dhe tha qe une erdha ketu nga Beogradi se kam pase ne dore cilesite e ti nga U .D .B ja .
Me se i sakte Ferdi
Haxhia akuzoi Fatos Klosin per kontrabande drige dhe Vrasje.
Klosi po blen heshtjen e ibretit.
Salehi te vret naten e te qan diten .
vertet e kan denuar kot pa mare pjese fare ne vrasje. ketu eshte luajtur nje loje e piste me keta gjygjtare made in Albania.