Te fundit
Bushati në OKB: Nis fushatën për Shqipërinë, anëtare të Këshillit të Sigurimit
25 Shtator 2018, 14:35Politika
TEMA
Asambleja e Përgjithshme e Organizatës së Kombeve të Bashkuara nisi dje punimet e sesionit të 73-të, ku tema e këtij viti është “T’i vëmë Kombet e Bashkuara në shërbim të popujve, udhëheqje globale dhe ndarje përgjegjësish për shoqëri paqësore, të barabarta dhe të qëndrueshme”. Sipas traditës përpara çeljes Debatit të Përgjithshëm, Asambleja zhvilloi një seancë plenare dedikuar paqes.
Ministri Bushati në një komunikim për mediat u shpreh se takimi mbahet në një moment shumë të rëndësishëm kur multilateralizimi dhe bashkëpunimi anë e mbanë botës janë vënë si rrallëherë në pikëpyetje. Kësisoj kërkohet që Organizata e Kombeve të Bashkuara jo vetëm të jetë më e pranishme në zonat e konfliktit por edhe të garantojë zbatimin e programeve zhvillimore që zbusin hendeqet mes rajoneve të caktuara të globit.
Gjatë punimeve të Debatit të Përgjithshëm të OKB-së, Ministri për Evropën dhe Punët e Jashtme, Ditmir Bushati, do të marrë pjesë në një sërë aktivitetesh me fokus ruajtjen dhe forcimin e paqes në botë, mbrojtjen e të drejtave të njeriut, krijimin e mundësive për zhvillim e ekonomik të qëndrueshëm, ndërkohë që paralelisht do zhvillojë disa takime dypalëshe.
Në takimet dypalëshe Ministri Bushati, përveç çështjeve që i përkasin agjendës së marrëdhënieve mes Shqipërisë dhe vendeve të tjera, do të kërkojë edhe mbështetjen e këtyre vendeve për kandidaturën e vendit tonë për vend jo të përhershëm në Këshillin e Sigurimit.
“Shqipëria vjen me ambicien e saj në këto punime, pasi po kërkon një vend jo-permanent për në Këshillin e Sigurimit për periudhën 2022-2023 dhe fushata jonë e komunikimit me partnerë e vende të cilat e njohin Shqipërinë apo që dinë pak rreth Shqipërisë sapo ka filluar, me qëllim që të përmbushim këtë objektiv të politikës tonë të jashtme”, nënvizoi Ministri Bushati.
Shqipëria mbështet gjithashtu reformën e OKB-së e cila synon dhe pritet që ta fokusojë organizatën drejt nevojave që kanë vende të caktuara duke e bërë më pak burokratike dhe duke iu përgjigjur sfidave të një bote e cila duket se e ka të vështirë për të gjetur ekuilibrin e saj.
Gjatë ditës së parë të qëndrimit në Nju Jork, Ministri Bushati disa takime bilaterale. Kështu ai u takua me homologun e tij turk, Mevlüt Çavuşoğlu, me të cilin u diskutua mbi marrëdhëniet dypalëshe politike, ekonomike dhe tregtare, mundësitë e mëtejshme të bashkëpunimit midis Shqipërisë dhe Turqisë, si dhe për çështjet rajonale dhe ndërkombëtare.
Ai u takua gjithashtu me homologen nga Ruanda Luise Mushikiëabo, Ministrin e Jashtëm të Shtetit të Kuvajtit Sheikh Mohammed bin Abdulrahman bin Jassim Al-Thani, Ministrin e Jashtëm të Gambias Mamadou Tangara, si dhe Ministrin e Punëve të Jashtme të Moldavisë Tudor Ulianovschi.
Në këto takime u diskutua mbi bashkëpunimin në organizatat ndërkombëtare dhe mbështetja e ndërsjellë duke nënvizuar vullnetin dhe interesin për vazhdimin e këtij bashkëpunimi.
6 komente në “Bushati në OKB: Nis fushatën për Shqipërinë, anëtare të Këshillit të Sigurimit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
AHAHHAHAHHAHHAHHAH, AHAHHAHAHHAHAHA, LAJMe dhe humor nga Albanistoni….lol?
Ky qenka takuar me kryesoret ca thu mi…me Uganden, Ruanden, Moldavine dhe Turqine. Nukka harruar as majmunet me shami ne koke. Ca duam akoma ne nga kjo qeveri?!!
E njohin z. Bushati, e njohin Shqipen themel: pellazgo ilire! Por xhelozohen! Rastin e kane te pershtatshem! Derisa ata gjejne ca Basha, Berisha, Meta e ndoshta edhe Rama, qe fuzojne hajduteri moderne, patriotizem te rreme, mentalitet fshatari dinak, apo hermetizem elegant me atlete, gje e cila con ne trishtim dhe largim te njerezve nga Shqiperia e mrekullise se zotit, cfare te thuash! Ngelesh pa fjale!
Atletet e bardha ta prishen?????
e paska myt mo, ja hudhem dhe ne!
Te pakten te lobohej te njihnin Kosoven kush nuk i ka njohur sepse Shqiperise skane cfar ti bejne.