Te fundit
“Krimi”, Rama: Statistikat flasin qartë për ku ishte e ku është vendi, por perceptimi është ndryshe
15 Tetor 2018, 11:28Politika
TEMA
Kryeministri Edi Rama u bëri thirrje drejtueve të policive vendore se akuzat dhe balta e hedhur ndaj uniformave nuk duket të pengojë punën dhe qëllimin e tyre.
Në një takim të mbajtur sot para oficerëve të policisë në prani edhe të Ministrit të Brendshëm Fatmir Xhafaj, Rama u ndal edhe tek vrasja në Bllok, ndërsa theksoi se Policia e Shtetit duhet të godasë të gjithë të fortët dhe kundërvajtësit.
Më tej shefi i qeverisë tha se statistikat për krimin flasin qartë për ku ishte e ku është vendi, por lufta e egër për të krijuar perceptimin e kundërt, sipas tij, do të përshkallëzojë më shumë shpifje, fabrikime, aktorë videosh e audiosh.
“Për ne e re është e vetëm përmasa, se lajmi i rremë, shpifja ka qenë mes nesh. Ne faqet e para të gazetave dhe edicionet informative të mediave tradicionale, nuk kam ardhur të mbaj fjalim mbi shpifjen, por sepse shpifja nuk duhet të ndikojë në punë tuaj.
Fëlliqësitë e hedhura mbi uniformën tuja, narkopolicia e me radhë nuk duhet të shpërqendrojnë nga misioni dhe qëllimi juaj.
Kam ardhur se ofensiva politike e mediatike për të krijuar perceptimin e pasigurisë dhe kriminalitetit të dalë jashtë kontrollit meritoj kundërpërgjigje, dhe si kundërpërgjigje, shumëfishimi i goditjeve ndaj krimit, që nga lloji i të fortëve në mes bllokut, deri te kundërvajtësit që kërcënojnë qetësinë e komunitetit, kriza e politikës që synon të errësojë sytë e publikut është mundësi që duhet shfrytëzuar për të dhënë gjithçka, shtysë për të mbledhur fuqitë dhe energjitë e brendshme duke e renditur në një shkallë tjetër policinë e shtetit.
Statistikat janë në anën tonë, flasin qartë për ku ishte e ku është vendi, por lufta e egër për të krijuar perceptimin e kundërt do të përshkallëzojë më shumë shpifje, fabrikime, aktorë videosh e audio, krimi, krimi, krimi, në fjalime, debat, komente, krimi në drekë, darkë.
Është një luftë e dëshpëruar për pushtet, për pushtetit që u merrka me forcë kur nuk merret me votë. Por kjo është puna ime dhe e qeverisë, puna juaj është të kundërpërgjigjeni ndaj kësaj batareje, më fortë dhe qartë se asnjëherë me shumë më tepër rezultate se keni sot”, tha Rama. (TemA)
1 komente në ““Krimi”, Rama: Statistikat flasin qartë për ku ishte e ku është vendi, por perceptimi është ndryshe”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Perceptimi eshte ndryshe se vetem me cirronkat merret shteti mafjoz i Albanistonit.Ja ka lane amanet Lu Lu ja.
–
“Le nom o beu yne”!