Pashë një turme të stërmadhe njerëzish që vërshuan në bulevard. Ishin të gjithë bashkë, studentë, punëtorë e të papunë, intelektualë e nëpunës, artistë e studiues.

Në duar mbanin pankarta ku shkruhej: “Ndal korrupsionit”, “Oligarkët jashtë qeverisjes”, “Duam demokraci reale”, “Ndal parasë së krimit në politikë”.

Pastaj dëgjova një burrë që hipi në foltore dhe kërkoi që turma e madhe të dëgjonte disa kërkesa:

1-Të shfuqizohet ligji për arsimin e lartë.

2-Të reformohet rrënjësisht sistemi elektoral, duke ndryshuar ligjin e vitit 2008, veçanërisht si më poshtë.

a-të ndryshojë sistemi i listave të mbyllura, që garanton sundimin autoritar të kryetarëve të partive. Sepse, se kush do të jenë deputetë e vendosin ata, e jo ne me votën tonë.

b-të ndalohet financimi i partive nga sipërmarrësit dhe kompanitë. Pasi, oligarkët, me paratë që na zhvasin neve, financojnë partitë në fushata, duke parapaguar aferat e reja.

c-të ulet pragu elektoral për tu dhënë mundësi formacioneve të tjera politike të përfaqësohen në parlament.

d-të mundësohet vota e emigrantëve.

Nëse nuk ndryshohet sistemi zgjedhor, shqiptarët masivisht të bojktojnë zgjedhjet.

3-Deri në zgjedhjet e reja, të ndalohet nënshkrimi i kontratave të reja koncensionare apo PPP-ve, si dhe të pezullohen të gjitha kontratat që nuk kanë nisur të zbatohen.

4-Deri në zgjedhjet e reja të ndalohet pjesamarrja në çdo lloj tenderi, procesi apo operacioni financiar, i çdo lloj kompanie që është themeluar në parajsat fiskale.

5-Të vazhdojë e të mos bllokohet reformimi i sistemit të drejtësisë.

Pas këtyre kërkesave, folësi ftoi protestuesit që, një ditë të mblidheshin para selisë së qeverisë, e një ditë para selisë së PD-së. “Këtu në shesh – tha burri – natë e ditë, derisa ta detyrojmë këtë klasë politike ta çlirojë demokracinë nga kthetrat e interesave të veta dhe të oligarkëve, që konvertojnë pushtetin në para për vete e për politikanët”.

Turma brohoriti dhe aprovoi “po, po, po”.

Por kur u zgjova, atë turmën e stërmadhe, nuk e pashë. As atë burrin që lexonte ato kërkesat. Pashë një djalë me kokore ciklisti në kokë që bërtiste: “tani jemi ne, ne do fitojmë, ne do fitojmë”.

Megjithatë unë i fiksova nga ëndërra ato kërkesat, që mu shfaqën, siç thuhet, si vargjet e Kuranit Profetit Muhamed. Dhe i shkruajta që nesër të mos thuhet: Po mirë, nuk doli dikush të këshillonte ndonjë gjë më të mirë, pa gjynah tërë ajo lëvizje studentore përfundoi me një bojatisje të konvikteve nga jashtë?

4 komente në “Protesta e ëndërruar në një natë të gjatë dimri!”

poedheedhe says:

8 Janar, 2019 13:41 te 1:41 pm

babe, ndrysho mall

Përgjigjjuni
Fatosi says:

8 Janar, 2019 14:33 te 2:33 pm

Po kush do ta beje Ti???? me Hajdutat apo capaculat qe rine gjith diten cafeneve dhe bejne llogje duke mare neper goje te gjithe
E keqja eshte Brenda jush qe nuk ju pelqen asnje gje dhe doni cdo gje gati nga Bota,Europa,America qe ju te rini dhe te tjeret te punojne dhe tju japin juve Si kutija e mendjes
Shtrohuni punoni se te mirat nuk vijne me protesta( hik ti se vij une) me prishje ,hedhje ne ere te shtullave te tensionit,me rumujra,vrasje dhe shitje mendje , dhe me filozofira te ndryshme idiote
Dy Sisteme ka ne Bote 1 Eshte sistemi Kapitalist I ashtuquajtur ( Sistemi I ri Democratic) 2 Sistemi Komunist ( iashtuquajtur Democratic-Revolucionar-Dictatorial I klases Puntore-Popullore)
Zgjidhni e merni

Përgjigjjuni
Ladi says:

8 Janar, 2019 15:45 te 3:45 pm

i lodhshem, megaloman, krejt kot..

Përgjigjjuni
Jimi says:

8 Janar, 2019 19:11 te 7:11 pm

Ai qe flet shum, nuk di! Ai qe di dhe punon, nuk flet shum!

Përgjigjjuni