INTERVISTA/ Tubimi i opozitës, reagon Rama: Qytetarët në anën time, pas protestës, pushteti i vjetër

Nga Marco Ventura

Çfarë proteste nga populli! Këtu nuk jemi përballë jelekëve të verdhë ose studentëve, sindikatave apo forcave të tjera shoqërore. 

Kjo është protesta e organizuar e establishmentit të 5 vjetëve e gjysmë më parë që është larguar nga zemërimi i popullit me një milion vota. Më bën përshtypje që mediat italiane i kanë dhënë kaq shumë rëndësi një manifestimi të opozitës në të cilin është nxitur dhuna në mënyrë të padëgjuar “. 

Edi Rama, 54 vjeç, socialist, kryeministër shqiptar që nga viti 2013, është duke u përgatitur për një ditë tjetër pasioni. Majtas dhe djathtas, opozita ka premtuar të sjellë mijëra njerëz në shesh. Të shtunën, demonstruesit pothuajse arritën të hyjnë në ndërtesën e qeverisë.

“Italianët duhet ta dinë se thjesht jemi në prag të zgjedhjeve administrative”, thotë Rama me një italishte të përsosur. “Opozita është shumë prapa në sondazhe, e di se do humbasë në pothuajse çdo qytet dhe do që unë të jap dorëheqjen.”

Por sheshi do jetë plot. Çfarë udhëzimesh i keni dhënë policisë?

“E çfarë duhet për të mbledhur 10-15 mijë njerëz në një vend që, edhe pse i vogël, ka 4.2 milion banorë? Unë nuk jap udhëzime, unë nuk jam kreu i policisë apo ministri i brendshëm, nuk më takon mua të organizoj sipas ligjit mbrojtjen e kufijve ligjorë të një manifestimi. Policia ishte fantastike të shtunën dhe nuk pati asnjë të plagosur në mesin e demonstruesve në një vend ku, shumë vite më parë, në vitin 2011, katër demonstrues u vranë në rrugë duke qëlluar nga dritaret e pallatit…”

Po i referoheni kohës kur Lulzim Basha, kreu i partisë demokratike të qendrës së djathtë, ishte Ministër i Brendshëm? 
“Nuk flas kurrë për kundërshtarët e mi në një gjuhë të huaj, qoftë edhe gjuha e gjyshes time që kishte origjinë italiane.”

Opozita ka braktisur Parlamentin. Si do vazhdohet?

“Ma thoni ju, edhe ju keni kaluar nëpër një fazë të re të një opozite ndryshe që tani është në qeveri, por kurrë nuk kam dëgjuar që të ketë kërcënuar me djegien e mandateve parlamentare”.

Sali Berisha, lider historik i PD-së, akuza për mashtrime elektorale … 
“Para zgjedhjeve të një viti e gjysmë më parë, megjithëse kishim shumicën, pranuam një kompromis, në të cilin gjysma e qeverisë duke përfshirë ministrin e Punëve të Brendshme i shkoi opozitës, plus 35 mijë vëzhgues u ndanë gjysmë për gjysmë mes shumicës dhe opozitës. E cila ka bashkënëshkruar rezultatet pa asnjë kundërshti.

Opozita flet për rreth 20 përqind të votave të falsifikuara…? 

“OSBE-ja legjitimoi plotësisht rezultatet si fryt i zgjedhjeve sipas standardeve ndërkombëtare dhe kundërshtarët tanë nuk i janë kundërvënë asgjëje deri në tetor, kur filloi beteja për udhëheqjen në partinë e tyre. OSBE-ja vetëm ka rekomanduar që të bëhet reforma zgjedhore për të përmirësuar sistemin, ne e kemi ftuar opozitën ta shkruajë dhe ne do ta kishim miratuar. Në vend të kësaj, kanë braktisur Parlamentin prej 6 muajsh. Janë ata që thonë se me Edi Ramën nuk kanë asnjë shans për të fituar. Dhe ata duan që unë të jap dorëheqjen për të krijuar një qeveri tranzitore. Do të ishte njësoj sikur t’i kërkoje Juventusit, meqë është shumë i fortë, të pranojë që formacionin ta bëjnë të tjerët e jo trajneri i tij, dhe që të zbresë në renditje duke filluar kampionatin nga zeroja … pa Ronaldon!”

Ju mos jeni juventin? 
“Po… Qeveritë tranzitore krijohen kur ka një problem përfaqësimi, ndërsa ne e kemi të vetëm mazhorancën absolute dhe jemi përpara në të gjitha sondazhet. Nuk është një lojë, ne nuk kemi vetëm të drejtën, por edhe detyrimin për të përfaqësuar dëshirat e votuesve. Zgjedhjet e ardhshme do të jenë në vitin 2021. ”

Kundërshtarët tuaj ju krahasojnë me Maduron?
“Ndryshe nga Venezuela, në Shqipëri, amerikanët dhe Evropa i kanë bërë thirrje opozitës që t’i nënshtrohet parimeve demokratike. Nëse do të isha Maduro, do të kisha probleme me SHBA-në apo BE-në. Opozita jep një imazh të rremë të vendit dhe të së ardhmes së Shqipërisë”.

Berisha pretendon se ju do përfundoni keq…
“Gjithashtu thotë se mënyra e vetme për të më larguar është një plumb ballit, por nuk dua të komentoj. Pastaj, Shqipëria në ditët e Berishës ishte në flakë. Ai vetëm do të pengojë reformën në drejtësi. Janë më shumë se 50 gjyqtarët e korruptuar që kemi larguar.”
Ju akuzojnë për përfshirje me narkotrafikun… 
“Fjalë të forta që Shqipëria nuk i meriton, ne kemi trashëguar një problem shumë serioz të rritjes së kanabisit dhe trafikimit të mariuanës, dhe ne e sulmuam atë. Guardia di Finanza, nën ombrellën e BE-së, kryen mbikëqyrjen ajrore mbi plantacionet dhe raportet e fundit konfirmojnë atë që po ju them.”

Probleme me qeverinë italiane?
“Kurrë dhe kurrë. Qeveritë italiane të së djathtës kanë punuar gjithmonë në mënyrë fantastike me qeveritë shqiptare të së majtës dhe anasjelltas. Në Shqipëri, më shumë se 20 mijë italianë bëjnë biznes, punojnë, dhe studiojnë. Dhe në Itali ka qindra mijëra shqiptarë.”

Nuk ka rrezik që me degjenerimin e situatës, të fillojë eksodi drejt Italisë?
“Jo! Jo! Kjo është vetëm një revoltë e pallatit, e politikës së atyre që janë përzënë dhe ëndërrojnë të pamundurën. Domethënë, të kthehen në qeveri pa kaluar në votim.” ilmessaggero (Përktheu për gazetën “TemA”, Kebriona Veliaj)

“Amerikanët dhe europianët thonë se reforma po ecën mirë, opozita mendon ndryshe. Nëse kjo është qeveri e krimit, e vendos populli dhe drejtësia, jo Basha me Kryemadhin”

13:42 Politika

Basha me Berishën në krah, sfidon sërish ndërkombëtarët: Mos më kërkoni atë që nuk do ta pranoni kurrë për popullin tuaj. Nuk do ta pranoj kurrë

13:05 Politika

VIDEO/ Lulzim Basha si tenor para protestuesve: Do vdes si një dëshmor (nuk di as himin kombëtar)

13:01 Politika

Djegia e mandateve, Sekretari i Përgjithshëm i KE: Opozita nuk duhet të braktisë parlamentin

12:52 Politika

Lulzim Basha flet para selisë: Tani ne jemi qytetarë te thjeshtë që do sjellim shpresën në vend, do largoj kryehajdutin dhe qeverinë kriminale me energji hyjnore

12:54 Politika

Monika Kryemadhi përplas duart me Gazment Bardhin, festojnë “fitoren”: Bac u kry

12:45 Politika

FOTOT: Momenti kur Basha me Kryemadhin shkojnë në Kryesi për të lënë mandatin e deputetit

12:44 Politika

VIDEO/ Kulmi i protestës: Dorëzimi i mandateve në Kryesinë e Kuvendit

12:44 Politika

VIDEO: Protestuesit i drejtohen Kryesisë së Kuvendit në drejtimin e Bashës

12:28 Politika

Rama “sfidon” protestuesit e PD-LSI, shkon në zyrë ndërkohë që ata ndodheshin poshtë tij

12:17 Politika